السلام عليكم ورحمة الله وبركاته
كيفكم..؟
يارب كلكم تمام
وخلصت الاجازة اللي ماتسوى وجاكم الكرف الله يعين ويوفق
في هالاجازة رحنا للمدينة المنورة وينبع وهذي مو أول زيارة لي لهم زرتهم من سنتين تقريبا راح أحط لكم كل شي عنها عشان اللي يفكر يروح لها يستفيد من الموضوع 
بداية الرحلة رحنا للمدينة المنوره طبعا المدينة معجبنتي من أول مره زرتها مدينه هااااادية ونظيفه وأهلها في حالهم والحرم نظيف ومرتب وفيه قوانين أعجبتني مثل فصل الحريم اللي معهم أطفال عن الحريم اللي مامعهم عشان مايزعجونهم وقت الصلاة ويسوون زحمة في الصفوف 
سكنا في فندق أسمه أراماس فندق حلو ومرتب ونظام خمس نجوم الفندق عبارة عن غرف كل غرفه فيها دورات مياة وغرفة لشخصين أحنا أخذنا ثلاث غرف وكويس كانت جمب بعض هذي غرفتي أنا وأختي
الفندق يطل على الحرم وصوت الأذان والصلاة مره واضح صورة الحرم من شباك الغرفه
رحنا لحديقة مرررره تجنن فيها نسيت أسمها الصدقي بس هي بأسم أمير وأحنا نسميها حديقة أحد عشانها عند جبل أحد اللي صارت فيه معركة أحد وهذا جبل الرمات اللي كانو المسلمين فوقه ولما نزلو عشان الغنائم هاجمهم خالد بن الوليد من الخلف وبغو ينهزمون((أبد ماقلبت حصة تاريخ
في الطريق للحديقة تمرون على مقبرة الشهداء وجمبها مسجد وجبل الرمات 
فيه ناس فوقه مدري وش يسوون شكلهم يتبركون فيه((أستغفرالله
وصلنا الحديقة مره حلوه ماشالله ونظيفه بس الغريب مافيها كافيريات ولا بوفيه ولا حتى بساطين يعني أحس ناقصها هالشي بس
الحديقة من فوق
اللي يروح المدينه يروح لهذي الحديقة مره رايقه وعلى فكره طبخنا فيها اظن هو ممنوع بس حامت كبد أبوي من المطاعم وقرر يسوي لنا كبسه للأسف نسيت أصورها
من الاشياء اللي لازم تروحون لها في المدينة مسجد قباء اللي الصلاة فيه تعادل عمره
المسجد زحممه ماشالله والبساطين كثيرييين فيه والله ضحكت عليهم لما جت البلدية كلهم انحاشو واللي معه قش واجد توهق ياحليلهم 
وهذي فاطمه مره كيوت هالبنت تبيع سبحات طبعا أنا أخق مع أي شي آسيوي عيون صغيره وخشم مفعوص قلتلها بصورتك استحت ياحليلها
فيه مسجد أولى القبلتين أول مسجد في الاسلام هالمره مازرناه زرناه المره اللي فاتت
وطبعا الحرم اللي هو أهم شي في السالفه كلها ولازم تدخلون الروضه اللي قال عنها الرسول أنها روضه من رياض الجنه الدعاء فيها مايرد بإذن الله بس للأسف ماتهنيت فيها المره كانت زحممممه
وبعد قبر الرسول وعائشة وعمر وأبو بكر بس مو واضح شي مغطينه مره عشان الناس صارو يتبركون فيها ويحطون فلوس ومدري ايش وناس ترجم بالجزم((العقل نعمه
المدينة مدينه جميله ونظيفه ومرتبه اللي يزورها أول مره يحبها على طول أنصح بزيارتها
هذا التقرير لزيارة المدينه ينبع في التدوينه الجاية ان شالله
أمسكو 
روعه المدينه بالمره احب اروح لمها مرره جميله
ردحذفوالفندق رائع جدا بس احنا اذا راحنا نروح لم فندق يطل على المسجد " نسيت اسمه " ^^!
روعه تصويرك بالمره
:)
الله ماشالله عليكم
ردحذفاحس اول شي افكر فيه كا اجازه اروح لمكه او المدينه
بجد راحه نفسيه
لكن هالمره بسبه امطار جده خفنا هع
والمدينه مارحت لها الا مره وحده قبل 5 او 6 سنين
ومبين رحله حلووه ماشالله :)
وتوي اشوف شكل مسجد قباء
لما رحت له كان ليل وبعد متاخر الوقت ههههه
جد مافيه احد
والحمدلله على سلامتك ياحلوه
هههههه ياحبي لك نورا انتي والبنت ام عيون صغار
ردحذفتقريبا زيي أتنح مع الصغنونين اللي كذا
والحمد لله انبسطتي ويارب دوم هالفرحه
وشوقتينا للمدينة بهالصور
<<< ماشافت المدينة الا مره :"(
وعليكم السلام ورحمة الله وبركاته
ردحذفأولاً : شكراً على الوردة p:
ثانياً: تقرير وااايد حلو
شوقتيني أروح للمدينة ~ أول مرة أشوف صور هالكثر للمدينة ^_^ تغطية جميلة منك
يعطيك العافية
وبإنتظار جديدك
=)
@دموع الروح
ردحذفاهلين خيتوو
ايه مره حلوه وفيها راحه نفسيه غير طبيعيه سبحان الله
الفنادق كثير عند الحرم هذا قريب نروح رجليه بس بوابه النساء والروضه بعيده يعني تتعب شوي اما الرجال قريب مره
يسلمووو يارب
منوره يابت =)
@azhar
ردحذفصحيح حنا كنا نفكر نروح لمكه بس امي قالت مكه نحصلها متى مابغينا مو مثل المدينه
والله جميله المدينه روحولها لاتفوقتكم((خير غصب يعني خخخخ
الله يسلمك يارب
منوره أزهارو ^^
@سكتشات
ردحذفاهنن شوق اوني
ههههه ايه نفس الحاله البزران العاديين عادي بس هالمفاعيص مااقاومهم خخخخ يجننون مره كاوااااي
آآآمين يارب وياك
الحمدلله انبسطت
يله شدو حيلكم وروحولها الاجازه الجايه
منوره شوق اوني =)
@Awoosha
ردحذفعفوا عفوا تستاهلونها ^^
والله الصور عندي زياده منها بس للأسف ماصورت الحرم لانهم يفتشوف قبل ماتدخلين ممنوع التصوير فا مااجيب الكام معي وجوالي تصويره موب شي عشان كذا
الله يعافيك ويخليك
منووووره عيوشه =)
سفرة ممتعه
ردحذفالمدينه حلوه فيها راحه نفسية وانشراح للصدر
الحديقة حلوه مرره بس ضعت فيها في الليل نسيت اسم شارعنا فيها شوارع باسماء الزهور وتعقدت منها
بس ما دليت لاهلي الا من المسجد
كانت لي زيارة للمدينه وللحديقه العام ونزلت عنها تقرير بمدونتي
اهلين مبدعه
ردحذفمن جد مدينه جميله وهاديه
ايه صح الممرات فيها بأسماء ورود حلوه الحركه ^^
منوره خيتو مبدعه =)
رحلة جميلة مليئة بالأجواء الروحانية
ردحذففي أشياء كثيرة ما كنت أعرفها في المدينة زي الحديقة باين عليها رايقة
يناسوو ع البنت ربي يسعدها
يعطيك العافية قلبي
دمتي بود ~
اهلين خيتو
ردحذفايه الحديقه روعه روحيها المره الجايه ^^
الله يعافيك ويخليك
منوره خيتو =)
مـاشاء الله .. مرى علي بالاجازة الجاية
ردحذفويحليلهاا فاطمة .. لو كنت معاك كنت رجعت بيها لبيتنا
تنكس نور ع التدوينة المميزة فعلاً
رحلة تفتح النفس
ان شالله ابشري ^^
ردحذفتخيلي اخذها معي خخخخخ
العفو خيتو
منوره يابت
الحين الفلوس الي يحطونها على القبور من ياخذها.!
ردحذف<بدء يفكر يزور المدينه :d
المدينه المنوره للاسف ما حصل لي اني ازورها
ولا مره في عمري
اعجبني الفندق الي سكنتوا فيه
نظيف ومرتب وشكل موقعه خطير ^^
تقرير رائع حمسني اكثر للمدينه
وفي انتظار تقرير ينبع الي ايضا ما قد رحت لها
ههههه حلوه بس فكرت فيها قبلك طبعا حض عمال النظافه والشرطه اللي في الحرم أتوقع هم اللي ياخذونها
ردحذفبس الحين صكرو القبور مره ماتشوف الا حديد
شد حليك وود أهلك لها العطله القادمه((على كيف مين..؟
حياك ريان
شكرا لتواجدك =)
الحمد للهـ ع السلامة ان شاد الله ما تكوني نسيتنآا من دعوآاتك
ردحذف^_^
الفندق مرة حلو ما شاء اللهـ
والله وحشتني المدينة :"(
الله يكتب لنا زيارة قربية ان شاء الله
ما عمري سمعت بدي الحديقة :/ بس اذكر اني رحت للجبل وسبحان اللهـ ريحة المكان مرة حلوة
قواآك نوررة ^^_
ما شاء الله رحلة جميلة جداً ، وصحيح المدينة المنورة مدينة جميلة، وبإذن الله نزورها قريب :).
ردحذفلبى المدينه وآلي فيهآ..
ردحذفمجرد آدخل الحرم آحس بنشرآح ..
بجد المدينه مره مرتتبه في الفتره الآخيره..وغير كذآ بدت تطور وبقوه..
@ḾŶ ṁěṃợĩŗ..εïз
ردحذفصحيح جميلة ومريحه ومرتبة
واهلها ناس هادين طيبين في حالهم
منورة الحتى =)
يا لبي اهل المدينة طيبين <<انا منهمB-)
ردحذفالحديقة هاذي اسمها حديقة الملك فهد <<ما عندنا غيرها :'(
وليش ما مريتي على بيتي
لا تنسين تمرين بالاجازة الجاية على القبلتين وتزوريني XD
اي والله وانا اشهد ماشالله عليكم ^^
حذفصراحه حلوه الحديقة رايقه
ههههههه ابشري ان شالله :D
وإن كان ردي متأخر مرة بس الحمد لله إن المدينة وأهل المدينة أعجبوكي.. *مستحي*
ردحذفبالنسبة للحديقة اللي تقصدينها فهي حديقة الملك فهد تقريباً هي المتنفس الوحيد في المدينة..إجمالاً هي نظيفة بس أحسهم مهملين فيها من ناحية الترتيب والتنظيم..كلامك عن المدينة لفتلي نظري لأشياء كثيرة..لي سنين ناقعة في المدينة من دون مااكتشفها..
عموماًارجعي بالإجازة سيري علينا مع عريسك..
المدينة واهلها ينحبون من جد يكفي انها المدينة اللي عاش فيها اشرف الخلق نبينا محمد صل الله عليه وسلم
حذفالحديقة حلوه في موقعها جدا ممتاز بس مهملين نظافة دورات المياة ومافيه كشكات تبيع اكلات خفيفه وسناك بس هذي ملاحظتي عليها
ان شالله يكون لنا زيارة قريب للمدينه الله يكتبها لنا ^^