#3almnyTwitter

السلام عليكم ورحمة الله وبركاته 

كيفكم؟؟أخباركم؟؟شو عاملين؟؟

تويتر موقع التواصل الاجتماعي المفضل عندي او بالاصح الموقع اللي خلاني اتخلى عن جميع مواقع وبرامج التواصل الاجتماعي 

بدايتي مع تويتر من سنه وشوي في البداية ماتحمست للموقع كثير وماكنت فاهمه الفكرة منه

ومتضايقة من 140 حرف كنت أحس انه قليلة جدا 

الناس فيه كانو رسميين جدا ومافية مساحة لضحك او الاستهبال 

لكن رجعت لتويتر وبقوة وعنف وادمنته ادمنته بشكل رهيب

ليل نهار عصر ظهر انا موجودة في تويتر الموقع الي اصحابه ماينامون 

الهاشتاقات في الموقع تزيدة جمالا بحيث تتفاعل وتتناقش مع ناس ثانين مايتابعونك ولاتتابعهم 

هاشتاقات استهبال وضحك هشتاقات اعترافات وكب عشا وهاشتاقات مناسبات اجتماعية وهاشتاقات قضايا المجتمع مثل قيادة المرأة وكذا وهشتاقات لشخصيات مشهورة واشخاص مو مشهورين بس اشتهر من التاق يعني التاق تجمع جميل لضحك والذب على خلق الله وطبعا ماننسى التاقات المفيدة 

أمس فتح هاشتاق بأسم علمني تويتر 

فكرت فيها صدق تويتر علمني أشياء كثييير وحسن شخصيتي من نواحي

فا هذي التدوينة راح أذكر الاشياء اللي علمني أياها تويتر سوا زينه او وحشه 

1- أول شي للاسف الادمان أدمنته مشكل خطير خخخخخخ يعني لو مافيه بالنت الا تويتر مااقول لا

وجميع اللي سجلو في تويتر يعرفون الشعور هذا 

2- علمني كيف أتحاور مع الناس وأتقبل أرائهم حتى لو ما أقتنعت فيها وألاحظ اني تحسنت في اقناع الاخرين برايي 

3- التعايش مع جميع النفسيات والعقليات والطبقات بكل سرور وعادي تعودنا على هالشي أول كنت اتضايق وانفولو الحين خلاص عادي جدا 

4- تعلمت منه كيف أمزح وأستهبل مع الناس بدون فيسات تعبيرية ولا يسمعون صوتي ومع ذالك توصلهم الفكرة ومحد يزعل 

5- تعرفت على أصدقاء لو أبحث لين أقول بس ماحصلتهم على ارض الواقع اذا مريت بمحنه خففو عنك واذا احتجت شي فزعوا لك الله لايحرمني من آل تويتر 

6- أحس ان اكتسبت أسلوب حلو بالحكي صرت أعرف أحكي زين وبرضو تعلمنا لهجات جديدة ونحكي مع كل نفر بلهجته خخخخخخخخ 

7- شبابنا وبناتنا فيهم خير كثييير وراح يقودون مشروع تغيير كامل للمجتمع وللامه وراح تشوفون ان شالله املي فيهم كبييير 

8- الشباب يتحاورون مع البنات بأدب مثل خواتهم ومافيه حركات تميلح مثل الفيس بوك مثلا يعني فيه بس بنسبة أقل واللي يتميلح يهشتقونه ابشركم هههههههه 

9- 140 حرف علمتني ان خير الكلام ماقل ودل 

10- الجيل القادم يختلف تماما عن الجيل اللي راح ولازم الاجيال اللي راحت تدرك هذا الشي وتعطي الجيل القادم مساحة كافيه لتعبير ولتغيير 

11- علمني كيف قول رايي بكل صراحة وبصوت مرتفع بدون خجل أو خوف فالجميع يغرد بما يشاء 

12- الفساد اللي في بلدي واضح والشباب واعي بهذي الفساد 

14- اي مسؤول يسوي حركة تزعل آل تويتر يتأكد أن مصيرة مثل مصير أمين عسير 

15- علمني أن كثييير من البنات والشباب اللي ماعمرهم طلعوا بالاعلام يملكون أقلام وعقول مبدعة مفكرة تفوق هاللي مسوين لنا زحمة بالجرايد والقنوات على قل سنع 

16- في مجتمعي نسبة لابأس بها من الامعات في اي شي لو مايدي وشو معاهم معاهم عليهم عليهم 

17- على رغم ادماني لتويتر الا انه منظم نومي خخخخخخ ال تويتر يقيلون مع بعض وينامون بالليل بدري 

18- تعرفت على مبدعين ورسامين وكتاب ومصممين ومصورين 

19- تعلمت ان كل مجتمع وله طريقتة وعاداته وانا لازم احترمها حتى لو تخالفني واتعايش مع اصحابها 

20- ان مو كل من ادعى المثالية صادق 

21- لاتحكم على الشخص من اول مره تابع تويتاته ولاتنخدع كثير بالبايو حقه 

22- عرفت انه ملعوب معلينا من جد 

23- قربنا من المشاهير كثييير وصرنا نعرف عنهم اكثر بعضهم زاد حبنا لهم وبعضهم طلعوا على حقيقتهم 
24- يعطيني جرعة تفائل وقوة عجيبة وعلمني التفائل والاصرار 

والكلام يطوووول عن تويتر شكرا لتويتر وشكرا آل تويتر 

نصيحة للي ماعندهم حساب تويتري تراكم في ضلال بعيد 
وأنتم أيش علمكم تويتر؟!

أمسكو