23‏/10‏/2009

مطعم الدايموند الصيني


السلام عليكم ورحمة الله وبركاته

أمس اللي هو يوم الخميس اتصلت علي خالتي وقالت لي يله بنروح لمطعم المهم أنا مدري وش السالفه لبست وتجهزت 
وبعدين مرتني ورحنا لبنات خالتي واخذناهم ورحنا طبعا معنا امي وخالتي رحنا لشارع التحليه في الرياض
ندور مطعم حلو المهم فيه مطعم اسمه الدايموند اكله صيني وياباني قررنا نروح له المهم
أنا عجبني المطعم بقووووه وقلت لازم أكتب عنه في المدونة

المطعم روعه من جميع النواحيالديكور خياااالي والأكل لذييييذ
الديكور كله أسود والأنوار خاااافته


أول شي هذي لوحة المحل من برا


 هذا مكان اللفت ممر كله انوااار ويتغير الون كل يمكن 10 دقايق أنا عجبني هذا المكان خطييير




هذي الجلسات اليابانيه جلسات شبه أرضيه وتطل على برا هذي ميزتها منوره بس ماجلسنا فيها



هذا واحد من ممرات المطعم اليسار ياباني واليمين صيني


هذا أهم شي في المطعم هذا الطبل بين كل فتره وفتره يطقون هذا الطبل والله شي غريب والناس يجلسون يصفقون معهم



هذا في أحد الجلسات مررره عجبني شكله والتحف اللي فيه حاطين مجسمات للبس الصيني القديم


هذي الجلسات الصينيه ظلاااام


هذي طاولتنا طلبنا شكلين مكرونه ورز ومشوري دجاج وسمك هذاك اللي يجيك وهو يدخن((مااعرف أسمه><
وبطاطس مقلي اكلهم خفيييف ولذيذ


هذي الجلسات الخارجيه


هذا الكونتر وهنا راعي السوشي يجلس
المطعم أكثر من رائع أعذروني على الصور بس المكان مظلم التصوير مايطلع زين

أنشاالله يعجبكم الموضوع

هناك 16 تعليقًا :

  1. وااااااااااااو مرررررره سوووغوووووييييييي !!!

    ايش دااا عندنا زيو في جدة ولا ما يتهيألك ؟؟ :(

    ردحذف
  2. يااااااااااي يجننننن ,,

    اذا رحت الرياض ان شاء الله أروح هذا المطعم ,,

    اسعار وجباته بحدود كم ؟

    ردحذف
  3. بصراحة جونان

    فعلا صاحب المطعم عرف شو بيحوط

    أهنؤك على زوايا التصوير

    اختيار جميل جدا

    ردحذف
  4. تونا جاويه بالنكهة اليابانيه
    ----------------------------

    حياك اوني منوره ياعسل
    من جد سوغواي اجل لو انك فيه وش بتسوين
    ماادري والله اذا موجود والا لا اسألي

    ردحذف
  5. AoHaNa
    -----------------
    حياك خيتو
    اذا جيتي الرياض دقي علي اجي معك
    الاسعار ممكن تكون متوسط صحن المكرونه اللي في الصورة 40 ريال كاس العصير 18 ريال
    يعني تقريبا زي المطاعم اللي في مستواه

    ردحذف
  6. صراااحة حبيت الطعام الصيني من أول ما ذقتهم
    وكان رحلتي لها في مدينة جدة مطعم إسمه بوابة الصين
    جدا جدا جدا جدا روعة صراحة
    وأشكركر على مشاركتنا لهذه الأمسية ^^
    والمفروض المطعم يعطونك مجانا لأنه هذه تعتبر دعاية ^^
    ههههههههههه

    تقبل مروري ،، بالتوفيق

    ردحذف
  7. حياك خيو سامي منور
    من جد الاكل الصيني رووووعه
    خصوصا المكرونه

    شكرا لمرورك

    ردحذف
  8. غير معرف10/28/2009 10:16 ص

    ياااي مره نآآيس..

    عليكم بالعافيه :)

    ردحذف
  9. حياك خيتو منوره المدونة
    الله يعافيك
    أسعدني تواجدك

    شكرا لك^_^

    ردحذف
  10. غير معرف10/29/2009 11:24 م

    بوست رائع وفيه تفاصيل جميلة ومدعمة بصور رائعة
    تدل على عشقك لما يتعلق ببلدان بشرق اسيا ...
    اتمنى ان اقوم بزيارة المطاعم او الاماكن التي تهتم بهذا التراث العجيب ..
    تحياتي لك
    شاب طموح

    ردحذف
  11. شكل المطعم حلو والاكل كمان
    بس انا مشكلتي مبحبش آكل في الضلمه بحب
    اشوف انا باكل ايه ..هههههههههههه

    بس مش مشكله اعزميني ونبقى ناخد معانا كشافات

    تسلم ايدك على الصوره الحلوه :)

    ردحذف
  12. وآآآآآآآآآو المطعم خيالي
    مره حلو ومشاءالله تصويرك جنان


    تسلمي قمورهـ

    ردحذف
  13. Miss A
    ----------------
    هههههههه
    حياك ياعسل
    اوكي نجيب بعد عقود خخخخخ
    شكرا لمرورك نورتي

    ردحذف
  14. جنات
    ------------
    منورة ياعسل
    كلك ذوق والله
    شكرا لمرورك^^

    ردحذف
  15. أهم شئ اللي يشتغلون ورآعي السوشي تحسينهم طايرين من الفرحة وأنتِ تصورينهم هع يـآحليلهم بس ..

    المطعم رهيب بشكل يبيلنا طلعة أنـآ وأنتِ له وش رآيتس؟

    ردحذف
  16. اوكي والله ماعندي مانع((تحمست الحرمه
    جد المطعم روعه لو نروح انا وياك يمكن مانطلع
    كوماوا لمرورك الحلوي^^

    ردحذف