25‏/04‏/2010

انجازات



السلام عليكم ورحمة الله وبركاته

كيفكم ياالحلوين..؟
أحس أني من زمان على المدونة لاني كنت مسافرة الأسبوع اللي راح
المهم اليوم بقولكم عن انجازات عظيمة بالنسبة لي حققتها في هذي الاجازة 

أول انجاز رتبت دولابي الحوسة بدل ماهو ثلاث رفوف مرعوصه صار رف ونص طلعت 3 اكياس وش كبرها منه والله فيه اشياء لقيتها من سنة جدي مدري من وين طلعت واشياء اصلا ماعمري لبستها..
ثاني انجاز طلعت الكتب والأوراق حقت الكلية والأشياء اللي خلاص مااحتاجها وكراتين أجهزه وشي عظيم لقيت شي مغبببببر قدييييم مرررره وهو لعبة منيبولي((مدري كذا أسمها صح
ذا اللعبة من سنين جدي يعني شي اوب صاحي طلعته..
الانجاز الثالث واخيرا وبعد تفكير وتخطيط وكلام كثير قررت أروح لطبيبة تعالج بشرتي لان بشرتي فيها حبوب ومن زمان وانا ابي أعالج ومااعالجها بس هذي المره الحبوب زادت عشان كذا قررت أروح..  
رابع انجاز تم افتتاح موقعي الشخصي لخدمات التصميم بس توه مابعد خلصته يبيله كم شي وترتيب وبغير الستايل لاني صممت ستايل اي كلام عشان الدورة.. 
الانجاز الخامس هذا قبل الاجازة مسويته بس بقوله واخيرا تم قبولي كمصممة في مؤسسة غراس وان شالله راح تشوفون دفاتر وملفات من تصميمي 
الانجاز الخامس درسة لغة كوريه لاني من زمان مادرستها عاد قلت لازم ادرس احس اني نسيت بعض الكلمات


بس هذا تقريبا الأشياء او الانجازات اللي سويتها
قلولي أنتوا ايش سويتوا في هذي الاجازة ..؟ 

 


هناك 23 تعليقًا :

  1. مرحبا كوريا ..
    انا يوم قريت البدايه .. قلت انجاز انها رتبت دولابها ولا دفاتر واغراض الكليه ههههههههههههه
    يليل العجز الي فيك بس ترى اطمنك مانتيب الحالك عندنا وعندك خير :d
    اما لما قلتي انك انقبلتي في مؤسسة صراحه هذا انجاز يبيله بوست بحاله ..
    ماشاءالله عليكـ ..وكمان موقع شخصي للتصميم
    عاد لا تبخلينا علينا ورينا :d
    اما عن انجازاتي في الأجازه .. فـ قصيت شعري والحمد الله بعد تفكير طوويل جداً ومصيري الله لا يوريك T_T..
    ثاني انجاز اني بديت البحث عن الة اورغ جيده
    وثالثه اني تعديت مستوى جديد في التمارين الرياضيه
    وبس ..:d
    صراحه اتمنالك التوفيق يارب ..
    ويعطيك العافيه ..

    ردحذف
  2. هههههههههه
    ايه لوسمحتي تراها انجازات عظيمه بالنسبة لي
    والموقع ان شالله بتشوفينه بس خليه يخلص شكله مطول الله يعين بس
    الانجاز الثاني مافهمت وشو الة وشو..؟

    الله يعافيك خيتو
    اسعدني تعليقك :)

    ردحذف
  3. وعليَّكم السَلام والرحَمه
    انجازات روعه وخاصة بالمحيط حولك غرفتك
    واهتمَامك بنفسْك لانها رآح تعَكس رآحة وآنجاز
    لشغلكِ,,قودلك (F)

    ردحذف
  4. الة للعزف .. الـKeyboard (الأورغ)
    مستوى مبتدئه .. بس عندي الموهبه <<لا يكثر
    = )

    ردحذف
  5. ههههههههههههههه
    والله تبيلي أسوي مثل إنجازك الاول ماأحكيلك عن دولابي ×_× قمة في الترتيب XD ولما تقفليه مايفتح من جديد أبدا XD
    أمر رائع أنك تستفيدي من العطلة ,, والله أنتظر العطلة على أحر من الجمر إن شاء الله بنخلص المدرسة قبل نهاية 5 ودي أعمل أشياء كثييييييييييييرة مرررة XD
    وأهنيك على حصولك على عمل التصميم في مؤسسة غراس ^^ فرحت لك حقا ! ♥
    الا صحيح نونو ممكن تشريحين لي عن لعبة منيبولي؟
    أول مرة أسمع بها كيف شكلها ؟_؟

    ردحذف
  6. جودي


    اها والله مالي في هذي الاشياء((طيب لاتتلقفين مره ثانيه:)
    حياك مره ثانيه

    ردحذف
  7. هههههههه ما شاء الله ما شاء الله
    أهم شي الدولاب لو ترتب تحسي إنك سويتي أكبر إنجاز في الحياة ^^

    وعلى طبيبة البشرة أنا كمان أدور على علاج كويس لبشرتي :|

    الموقع بانتظار ظهوره ، ومبروووك عليكِ القبول في غراس ^^

    موووفقة ..

    ردحذف
  8. SAKIKO

    اهلين خيتو
    ايه يختي الاجازه المفروض نسوي فيها انجازات عظيمه مثل كذا((اللي يسمعها يقول فاتحه فلسطين
    بس كل اجازه تروح وانا اقول بكره

    لعبة المنبولي((اظن الاسم خطاء
    اكيد انك تعرفينها بس الأسم غير

    والله مدري كيف أشرحها بس أبحثي عنها يمكن تلقين شي :)

    ردحذف
  9. ALFARAS

    أهلين خيتو
    ايه من جد تحسين براحه نفسية
    وهم راح
    حياك خيتو نورتي :)

    ردحذف
  10. اهلين تونا
    ايه والله ترتيب الدولاب اعتبره اكبر انجاز
    لاني في كل مره انزل الملابس كلها على بالي برتب
    في الأخير أمل وااخلي الخدامه ترجع الملابس مكانها

    الله يبارك فيك خيتو
    نورتي=)

    ردحذف
  11. دورت عليها أختي
    وعرفتها شكرا^_^
    نحن نسميها بنك الحظ والله رجعتني لأيام زمان ♥♥

    ردحذف
  12. خخخخ
    زين لقيتيها
    من جد أقدم شي هاللعبة
    حياك

    ردحذف
  13. السلام عليكمو رحمة الله و بركاته
    الحمدلله على السلامة
    انجازات حلوة و موفقة اختي و مبارك القبول و الموقع و بتمنالك الشفى يا رب
    واهم انجاز ترتيب الرفوف و الكتب هاي لحالها بدها جائزة يعطيكِ العافية :)

    ردحذف
  14. وعليكم السلام ورحمة الله وبركاته
    الله يسلمك بس أنا مو مريضه..!

    الله يعافيك خيتو
    ايه حلو طعم الانجاز كثير حتى لو كان شي بسيط :)

    ردحذف
  15. حمدالله على سلامتك سفرة ممتعه ...
    وآآآآو عظييييم
    ذكرتيني بدولابي <=== شقد رايح فيها والاغراض شوية وتطيح
    على راسي
    رآآآآح ارتبه انشاءالله الاسبوع هذا ... والله وكيلك الاجازهـ
    نوم ونت واكل وطلعات <=== كسولة ما افكر بإنجازات

    ويالدوبيييه مبرووك على افتتاح الموقع
    فكرت بالشي هذا بسسس تراجعت وقلت ماله داعي

    والله حمستيني انجز مرهـ كسوله :(

    ردحذف
  16. لووووووول

    مبروك عليك الانجازات
    ترتيب الغرفه يطلع اشياء غريبه وقديمه وذكرايات
    ما كنا ندري عنها ^^

    ذكرتيني بلبعه المونبولي (قلب)
    كنت ادمان ع هاللعبه


    ومبروك عليك تأسيس الموقع وعقابل ما نشوف تدوينة
    عن بدايه انطلاقه رسمية للموقع ونزورة


    شي اخير
    روووعه قبولك في غراس
    صح انها مؤسسه للبنات بس منتجاتهم تعجبني بقوووة
    وتصاميمهم

    وعقبال ما اشوف اختي شارية من تصاميمك

    ملاحظه: لا تنسين تنزلين المنتجات الي من تصميمك
    او الي ساهمتي فيها . عشان نشتريها
    ونقول حنا من طرف كوريا <<برا

    ردحذف
  17. كتكاتا

    الله يسلمك خيتو
    ههههههههه
    من جد اظاهر كل بنات السعوديه غرفهم حالتها صعبه
    كل اجازه تروح مثل ماقلتي نوم ونت بس هالمره قلت خلاص عاد بلا استهبال

    الله يبارك فيك عقبال موقعك
    شكل هالموقع موب فاتح محيوس مررره
    الله يعيني

    حياك خيتو نورتي الحتى ^^

    ردحذف
  18. الحمد لله على سلامتك لأنك رجعتي من السفر حبيبتي نورا و الله يحميكِ من اي مرض و ما تشوفي شر ابداً

    دمتي بود :)

    ردحذف
  19. اها هههههه
    سوري لاني فهمتك غلط ّ~-~

    ردحذف
  20. لن نجد طعم الحياة إلا عندما نغمسها بالإنجازات المفيدة..

    يسعدني وجودك في صفحتي البسيطة ^^

    ردحذف
  21. حياك خيتو مشاعر
    أتشرف بتواجدك
    واكيد راح اتشرف بزياة صفحتك ^^

    ردحذف
  22. ماشاء الله عليك اول انجاز انا زيك بس طبعا تو سويته اليوم والله طلعت بلاوي واشياء قديمه وحاله والحين احس اني جد مرتبه وحسيت اني جدييده هههههههه
    وعلى طاري البشره ان شاء الله تخف وتروح اهتمي بشرب المويه واكل الخضار والفواكه <<علمي نفسك :P
    ماشاء الله عليك حلو والله يوفقك بالموقع حق التصاميم و بالمؤسسه وان شاء الله نشوفك من اكبر المصممات المحترفات و نشوف ابداعاتك ..!

    ردحذف
  23. هههههههه
    سالفه اني اصير جديده هذي صدق
    والله تحيسن بشي حلو
    وانا اكل كل شي بس ماينفع
    امين وياك خيتو
    شكرا لك
    نورت الحتى =)

    ردحذف