04‏/05‏/2010

ماذا بعد الريـــاض..؟

السلام عليكم ورحمة الله وبركاته

هطلت أمس الاثنين أمطار غزيه على مدينة الرياض مع برد ورياح شديده
من ما أدى الى  غرق شوارع المدينه ودب الرعب في قلوب الناس 

يعني أمس كان مثل الحلم فجأه ومن دون سابق انذار السماء تحول لونها غامق وبدء المطر بالهطول ثم برد شدييييد
هذا كان في شمال الرياض وظن على الغرب 

كلكم شفتوا اللي صار أمس والا ماشاف المواقع مليانه بالصور والمقاطع
شي من جد يفشل أكبر دوله مصدره للبترول يصير في (عاصمتها) كذا 

الله يعين المسؤولين عن كل اللي صار من الحساب الشديد ودعاء الناس اللي راحو ضحايا لهذي المصيبه 

جامعه الأميره نوره مالها الا سنه او سنه ونص مبنيه الجدران صاحت والبلاط تكسر 
الكلام ماجبته من راسي الكلام من وحده أعرفها وهي اللي كانت تساعد البنات 

جبت لكم صور من تصويري داخل الحاره شي مرررره يخوف انا يوم شفته اقول شكلنا بتعيد مأساة جده


الشارع يمشي مشي مثل السيل شي مخييييف جدا 


صور للبرد 




هنا البرد فوق المظله 


على كبوت سيارة الجيران 

============================================================

اليوم الصباح قومتني أمي تقولي قومي بروح نشوف السيل والسد اللي في العماريه 
ملاحظه:العماريه ضاحيه من ضواحي الرياض

وجبت لكم صور لسد والسيول اللي شفتها اليوم
رحنا بعد لسد الدرعيه بس كان مسكر من الناس زحمممممه مررره المرور مارضو ندخل 





والآن ننتظر عاصفة أخرى لان في الأخبار يقلون راح تهطل أمطار مع رياح ليلا والله أعلم 
أنا مااحس لان الجو هاااادي جدا الأن والسماء صافيه 
والطلاب ينتظرون خبر الاجازه غدا..! 

هناك 19 تعليقًا :

  1. ماشاء الله !
    سبحان الله نحن ننتظر المطر وبشدة !!
    وهو يتساقط عندكم ماشاء الله بغزارة :)
    نحن درجة الحرارة مرتفعة جدا :/ لدرجة أنه في بعض المرات تصل إلى 25 ونحن في بداية الصباح تقريبا في الساعة 8 تصوري هذا ×_×
    ونحن في المدرسة ننشوي شواء غير طبيعي ×_×
    والدنيا كلها جفاف والحشرات في كل مكان !
    كم أشتاق لجو الامطار حقا !
    ماشاء الله الصور واضحة ^^ أعجبني تصوريك ♥
    والبرد منظره رائع لم أراه منذ الاعدادية تقريبا :(
    اللهم يجعله غيثا نافعا يارب ^^

    ردحذف
  2. أهلين خيتو
    أتمنى أنها تكون أمطار نفع وليست عقاب
    لانها غزيه ودمره الشوارع
    الجو ايضا حار عندنا لاكن تهطل الأمطار

    الله يكفينا الشر بس
    ويحعلها سقيى رحمه لاسقيى عذاب

    ردحذف
  3. اللهم اجعلها أمطار خير تغسل بها قلوب عبادك

    يارب يحفظكم يا أهل الرياض

    ردحذف
  4. آمين يارب
    شكرا تونا =)

    ردحذف
  5. غير معرف5/04/2010 3:49 م

    فعلاً الله يستر علينا ويرحمنا برحمته
    كانت ساعات مرعبة جداً




    مريم النيب

    ردحذف
  6. السلام عليكم:

    الأوضاع تخوف من جدّ..
    الله يستر علينا,وعليكم ياأهل الرياض,تمنياتي تعدي هالأزمه بأقل الخسائر,,

    ألزموا الإستغفار,ففيه بإذن الله تنفرج الكرب~
    بحفظ الرحمن أجمعين,,

    ردحذف
  7. أهلين خيتو مريم
    نعم الله يرحمنا برحمته
    أسعدني تواجدك في مدونتي المتواضعه ^^

    ردحذف
  8. وعليكم السلام ورحمة الله وبركاته
    اهلين خيتو ساره

    آمين الله يجزاك خير

    ردحذف
  9. السلام عليكم ورحمة الله و بركاته
    أختي نورا مشكورة و الله يبعد عنكم الشر و يحفظ بلادكم
    # شكله الطقس مو مستقر ولا في بلد أحنا في الأردن يوم برد و يوم شوب والله هلكنا الجو و جابلنا الأمراض

    دمتم سالمين الله يرحمنا برحمته

    ردحذف
  10. وعليكم السلام ورحمة الله وبركاته
    الله يستر علينا وعليكم

    والله الأجوا في هالابام تخوف
    الله يسلمك خيتو^^

    ردحذف
  11. يالله // انرعبت وانا في جدة فمابالكم انتو

    ربنا يعينكم يارب ويجعل الامطار امطار خير وبركة ياارب ولاتنعاد لكم مأساة جدة ):

    <<< تصوريك خطير

    ردحذف
  12. آهـ يا قلبي على الريآض..

    من جد مآساة جده قاعده تتكرر..

    :(

    لا و في العآآصمه..

    حال مؤسف..

    سبحان الله كل شوي فضيحة تبآآآن ..

    الله يحفظكم..

    و حوليكم ولا عليكمم

    ردحذف
  13. أهلين اختي مها
    أمين الله يسمع منك
    الحمدلله الجو الحين مررره حلو وبارد شوي ^^
    لاكن فيه رعد وبرق الله يستر

    واليوم الفجر هطلت أمطار غزييييره
    شكرا لتواجدك =)

    ردحذف
  14. اهلين هلو
    من جد شي يحزن
    أنا ماقهرني الا انها الريااااض عاصمه المملكه العربيه السعوديه يصير فيها كذا

    آمين الله يجزاك خير خيتو ^^

    ردحذف
  15. أسأل الله الرحمة بالعباد
    فإنها مطر غضب لا رحمة
    يعطيك العافية نورا

    ردحذف
  16. أمين

    الله يعافيك أخوي
    شكرا =)

    ردحذف
  17. الرياض اخر مانتوقع يصير فيهآآآ كذآآآ
    مو معقولة عاصمة المملكة ..!!!

    اليوم في الشرقيه بالتحديد الاحسااااء والدمام جتنا امطار والشوراع كلها موية
    والله ياخوفي نثلث :(

    ردحذف
  18. ايه اليوم في التلفزيون يقلون أمطار غزيره على الشرقيه
    الله يستر عليكم ويحفظكم
    لا ان شالله مانثلث على قولتك ^^

    ردحذف
  19. اكتشفت اننا (((شعب))) رهيب
    بس للاسف حالنا سيئ جدا .><


    قبل فتره نكتب عن كارثه جده
    والحين احنا واهل جده نكتب عن اهل الرياض

    (ملاحظه: لاحظت في اكثر من مكان في بعض الناس من سكان جده يقولون ,, خلوكم تحسون يا اهل الرياض يوم الامطار عندنا وانتم تقولون مصايب وعقائب ومن المعاصي والذنوب ,,, والحين جتكم العقائب)

    بصراحه ما الومهم لان فعلا قهر
    لكن بنفس الوقت يا ليت نبتعد عن التكلم بصيغه الجمع




    الامطار روعه لو كانت في مدينه ثانيه
    وكان بدل هالموضوع شفنا موضوع كله متعه واجواء خورافيه لكن للاسف .!

    ردحذف