30‏/05‏/2010

وبعدين مع شركة الكهرباء..؟



السلام عليكم ورحمة الله وبركاته

اول شي ياليت تعذروني على الأسلوب
لان من جد وصلت معي سكتنا بس الى متى..؟ 

وبعدين معاكم ياشركة الكهرباء من جد زودوها

حي من أرقى أحياء الرياض سكانه يقضون ليله كامله بدون كهرباء 
مو هذا وبس هذا حصل ثلاث مرات فقط في هذا الأسبوع

وطبعا ليست هذي هي المرة الأولى
هذا غير الحفريات اللي كل ماطنت بروسهم قامو يحفرون في الأرض المشكله مانشوف اي شي مدري على ايش هالتحفير مدري

وهذا الحي الوحيد اللي يطفي الكهرباء عليهم
يمكن عشان الاناءه اللي ركبوها لنا في الحواري
والا وش سالفتهم 

مانبي لمباتكم خلوها لكم

طبعا كلكم عارفين جو الرياض الجميل
حراره فضيعة متعديه 45 
الله يصبرنا بس
أنا أبي شي واحد سويناه في البلد وطلع كويس ومضبوط ومافيه اي مشاكل..؟ 

كل شي فاشل واللي يزيد الطين بله
اانا اذا كلمناهم كل واحد يقول مدري ماعرف
أجل من اللي يدري أنا مثلا..؟

أمس طفى الكهرباء الساعه 10 او 10 ونص مساء جلسنا 4 ساعات ننتظر نقول لا الحين بيفتح
ولا حولك احد 
حسيت أني رجعت 50 سنه مافيه مكيفات ولا لمبات ولا نت ولا تلفون
بس أستفدت شي اني قعدت أحمد الله وأشكره على نعمة الكهرباء
وصلت الساعه 1ونص وهم ماعندهم نيه الجيران بزرانهم قامو من النوم يبكون وحالتهم صعبة
احنا هنا يأسنا قلنا مالنا الا الاستراحه
رحنا الاستراحه ونمنا فيها

الساعه 5 اتصلنا نسأل اذا فتح قالو لا...!!!
الحين أنا وش اسوي بالله هاه..؟

رحنا البيت عشان اخواني عندهم مدارس
جت الساعه 6 وولع اخيرا

المصيبه العظمى ان عندي اختبار اليوم وامس كان ظلام
يعني على الدنيا السلام

المفروض شركة الكهرباء تعطيني عذر عن الاختبار

ومانقول الا حسبي الله ونعم والوكيل 

هناك 13 تعليقًا :

  1. يؤيؤيؤ والله جد ماعندهم سالفه :(

    سالفة تطفي الكهرب المفروض تنقرض اول حنا كذا
    بس قلت الحين تطوروا وماعاد ينطفي
    كيف الرياض نفسها ولا يظنوا يعني الجو حلو

    بسس الله يكون فعونكم ..

    ردحذف
  2. غير معرف5/31/2010 5:41 ص

    الله يعينكم .. ويوفقك في اختبارك :)

    ردحذف
  3. أووف من آلسآعه عشره آلليل لين سته آلصبآح ! :| :|

    خيييير !!


    أصلاً آلمفروض إذآ بيقطعون آلكهرب يعطون آلعآلم خبر إنهم بيقطعونه .. ويحددون آلسآعآت إللي بتنقطع فيهآ آلكهرب .. مب كذآ فجأه يقطعونه !


    يآربي بس :/ ..



    >> أنآ أكثر شي قهرني إختبآآرك :( >< "


    والله من جد حسبي الله عليييهم >< "

    ردحذف
  4. الله يعينكم عليها
    نحن نفس الشيء يصير
    تنقطع الكهرباء فجأة
    وماندري عن السبب
    ولما ننزل نتأكد من العداد نحصله فصل من نفسه
    ليش؟، الله أعلم
    المفروض يشوفوا له حل
    يا يبدلوه، أو يصلحوه
    الله يعينا ويعنكم

    ردحذف
  5. HeRmOsO

    لا توهم ماتطورو ولا عندهم نيه
    من جد مدري وش يحسون به

    حياك خيتو نورتي ^^

    ردحذف
  6. وئـــآمْ

    يابنت الحلال وش نسوي ملينا من كثر مانتكلم
    هم ماطفوه عمد لا هو خرباان

    حسبي الله عليهم بس
    يحمدون ربهم اني حليت زين اليوم والا كان دعيت عليهم((لاخافو هع

    حياك وئامو نورتي ^_^

    ردحذف
  7. احمدي ربك اربع ساعات فقط!!
    لو تجي عندنا في دولتنا المجيدة " اليمن التعيسة" لنا اسبوع والكهرباء تولع باليوم الواحد فقط 4 ساعات وبقية الوقت مطفييييييييييييييي
    لذلك احمدي ربك على الكهرباء عندكم

    ردحذف
  8. مرحبا
    الكهرباء نعمة بالتأكيد
    كان الله في عونكم :)
    تمنياتي لكِ بالنجاح والتفوق بدراستِك
    وأن لا يؤثر أي شيء على سير الإختبارات
    تقبلي تحياتي

    ردحذف
  9. السلام عليكم ورحمة الله و بركاته

    لا حول ولا قوة الا بالله و الله عنجد صعبة و بكفي انه الواحد بنقهر و ملل و شوب كان الله في عونكم تلك الليلة

    ردحذف
  10. وعليكم السلام ورحمة الله وبركاته

    الحمدلله عدت على خير
    بس حبيت أفضفض شوي هنا ^^

    حيتك الاء
    منور ه=)

    ردحذف
  11. هههههههه شي مبكي مضحك
    شركه الكهرب عندنا خدمتها معدومه

    بصراحه كويس انهم قدروا ينورون الرياض
    واذا حصل عطل او شي

    ما فيه اعتذار وما فيه مولدات احتياطيه
    يعني اعجبك الوضع اعجبك ما اعجبك ما فيه الا حنا
    وش بتسوي يعني بتشتري ماطور وتشغله في بيتك .؟!


    اما الحفريات قصه ثانيه مع حواري الرياض

    اكيد ما فيه حاره ما تعاني من الحفريات
    واعتقد حتى داخل بيت الملك فيه حفريات .!


    ما يملون من هالتحفير

    ما استفدنا الا ضيق في الشوارع وكثر الصبات
    وترقيع في الزفلت + الحفريه الوحده تجلس ايام كثيييره

    عندي احساس ان ارامكوا لها دخل في الحفريات
    يعني يمكن يدورون نفط ولا شي .!

    عموما تدوينه في محلها وان شاء الله يكون فيه تحسن

    ردحذف
  12. وي .. الله يعينكم .. صراحه من جد كلو الا الكهرباا .. بالزات المكيف ×_×

    الظاهر .. يبالك تتعودي .. لاننا تحت رحمة شركة الكهربا التعيسة ..

    الله يصبرنا ..

    ردحذف
  13. اف من جد حاله صعبه
    ان المشكله ان مافيه الا هم

    شكلي جد بفتح لي شركه ((لايكثرررر

    نورتي خيتو

    ردحذف