رمضان هالمره غير =)

السلام عليكم ورحمة الله وبركاته

الشهر عليكم مبارك

كلها كم يوم وندخل في شهر الرحمة والغفران

فماذا أعددت لهذا الشهر الكريم..؟

أجعل رمضانك هذا مختلف عن باقي الرمضانات الأخرى

أنت تختم القرآن مره هالمره أختمه مرتين

كنت تسهر في الليل وتنام في النهار نظم وقتك

نام بدري أصحا قبل السحور وصلي الليل وتسحر وصل الفجر و أقراء لك شوي من كتاب الله بعدين نام

أحنا نبخل على أنفسنا الحسنات

طول السنة ناكل ونلعب ونسافر ونطلع وندخل

بس مانقدر نحرم أنفسنا في شهر واحد بس عشان ربنا

في هذا الشهر أترك الأغاني والمسلسلات وكل شي يلهيك عن العباده

ماتدري ممكن يكون أخر رمضان لك

وبالنسبة للبنات ياليت نخلص أغراض العيد قبل رمضان

عشان مايروح علينا رمضان في السوق والروحه والجيه

بعد ياليت يكون عندنا مشروع حلو مثل افطار صائم

ترا مايبي لها شي خوذ لك شوي من فطور(تمر-مويه-لقيمات) أي شي وخذها معاك المسجد أو أرسل أحد يوديها

أذكر كان عندنا واحد في الحي ماشالله عليه عنده مخبز وكان يخبز الخبز ويوزعه مجانا في رمضان وقت الفطور

هذي فكره جت ببال أختي وودنا نسويها وهي أن نروح نشتري مقاضي رمضان لكم أسرة فقيره ونعطيهم أياها

وان شالله نقدر نسويها أنتو بعد سووها

للي ناوي أو ناويه يختمون القران أكثر من مره هذي جداول تعينك على تنظيم وقت القراءة أخذتها مدري من وين بس الله يجزا برنامج خير أمه كل خير 

التقسم حلو وسهل

والله يعينا على صيام هالشهر وقيامه

ويتقبل منا ومنكم

وكل عام وأنتو بخير =)