24‏/09‏/2010

وصلنا الدايسو




السلام عليكم ورحمة الله وبركاته 

الدايسو ماأدراك ماالدايسو خخخخخ 
قلتلكم في التدوينه الي قبل اني مترت الرياض أدور المحل
بس اكتشفت في الاخير انه في خريص 
المهم يوم جا من بكره قومتني امي الظهر تقولي نوره تروحين معي السوق
قلت هاه مااشتهيت 
قالت بوديك الدايسو 
انا هاه! يالله يالله 
ركبنا السيارة ووصلنا خريص بلازا 
أنا أقولهم موب فيذا وهم يقلون الا
امي تقول مااخبر ان فيه عثيم مول ثنين 
المهم دخلنا كان وقت المغرب صلينا
وتونا بنبدء رحلة البحث بس امي قالت خلني اسال قبل 
سألنا رجل الامن قال موب هنا في العثيم مول 
طلعنا من خريص ومشينا ومشينا
جت لوحه مكتوب عليها الدمام
أمي قالت معد بعد ذي شي 
خلاص بنرجع
أنا أنددددييييه(لا) شوي خلنا نمشي 
واخيرا ظهرت لنا لوحه العثيم مول 
دخلنا وعلى طول الدور الثاني بجنب ستي ماكس على ذمة بنات الاقلاع
مشينا شويات ولقينه 
واخييييييييييييييييييييييييييرا واللي ناوي يروح لايضيق صدره لان السوق موب كبير مررره يعني بيلقاه بسرعه 


بغيت أنهبل يوم طلعت لي لوحته من بعيد 
دخلت المحل الانطباع الأول أنه محل أبو ريالين بس متطور 
هو اصلا محل ابو سبعه ريال لان اغلب بضاعته بسبعه او سته المحل مرتب ومقسم الاواني..الالعاب..مستحضرات التجميل..القرطاسيهوقشه واجد وشي تعرفين وشو وشي مدري وشو 
لان البضاعه مكتوب عليها بالياباني والكوري((أهم شي 
والعربي بس بعض الاشياء مايكتبون عليها بالعربي 




هذي الحصالات يااني خقيت عليها خقه بغيت اخذلي وحده
بس قلت موب مستفيده منها يمكن المره الجايه 

هذي مهفات((قولي قا
خذت لي وحده منها


اكوابهم كيوووووت 
أصلا موعينهم كلها كيووووت
خذت واحد طبعا



الحين بوريكم الاشياء اللي شرينها انا وامي واختي خمينا المحل
هذي أكياسنا



هذي ألعاب ذكاء أمي ماخذتهم 



وهذي مهفتي يااني خقيت أول ماشفتها



وهذا الشي أكياس بلاستيك كبيرة وتتسكر بسهوله تحطين فيها المفارش مثلا طبعا امي مخذتها



تعليقت جوالي كووووت فار وفارة



هذا الشي لو عندك بلوزه سانه ماعليها صور ولا كلام ولا شي تخذين هذي وتلزقينها عليها وتكوينها عشان تلزق
عجبتني وخذت هذولي



هذا منديل امي خذته فيه فكره بس مااسلت امي عنه لان مكتوب عليه مناديل قابل للاذابه بسألها واقولكم



اليابانيات موب احسن منا وشريت ماسك للوجه هذا غالي بـ24
طبعا غالي بالنسبة لباقي الاشياء اصلا قسم التجميل حسيته هو اغلى شي



الأول دفتر والثاني مذكرات مره عجبني شكلها كيووووت



شكل المذكرات من جوا



اللي قهرني ان قسم القرطاسيه اللي يعتبر افضل شي عندي مشفوووط



هذي حلوه بعد زي الشاخوله بس للقهوة أو الشاي
تحطينها فوق الكوب عشان يصير الشاي صافي بدون شوائب 
ومصنوعه من الورق



هذا الشي مثل الظرف تلزقينه أخر الكتاب أو الدفتر 
تحفظ لك الأوراق عشان ماتضيع مثل كذا 





نوت ثنين مع بعض 
عجبني شكله 



هذولي تعليقات جوال على شكل نوت تكتب فيها ملاحظات صغيرة 
شكلها بعد ماعلقتها على جوالي





ملاعق أكل صينية 
عندي منها بس مليت منهم وشريت جديده
اللي في الوسط حديد دائما ياكلون بهافي الدراما بس مالقيتها في المحلات الصينيه عاد يوم لقيته عندهم خقييت 



هذي علبة مقسمه أقسام صغيره تحطين فيها الحلقات عشان ماتضيع 
أنا كان عندي مثلها بس صغيييره بس خمس أقسام وماتستهال سعرها تقريبا كان 20 ريال
وهذي كبيرة وبـ7 ريال فقط



هذي البلاستيكة اللي تنحط على الجوال عشان تحافظ على الشاشه
أختي خذت وحده لها ووحده لدي اس



نوت أختي ماخذتهم الأحمر فيه منه حبتين عطتني واحد 



هذا الشي أمي شرته ححطينه في الكعب عشان يصير أريح



هذي عجبتني تحطين فيها القطن وتسحبين وحده من التحت 
شكلها حلو على التسريحه او في الحمام 



هذي شكلها كيووووت 
فايدتها مثلا لو عندك مارشملو وشوكلاته بدل ماتحطين عود أسنان تحطينها شكلها أحلى



 أمي ماخذته تحطيه على شعرك اذا سويتي حمام زيت



هالشي فكرته حلوه 
لبتن فاضي وانتي تحطين جواه شاهي التلقيمه 



هالشي الكيوت تحط جواه الجوال شكله ظريف
واللي جمبه الكوب بتاعي



صورة جماعية للخرابيط اللي شريتها أنا =)
وبس خلصنا والحساب طلع أربع ميه وشوي 
엄마 정말 고마워



هناك 21 تعليقًا :

  1. وااااااااااو
    تتهنين في اغراضك ...
    الأغراض كيوت ..
    وياحليلك 400 ريال بس لو انا اللي رايحه يمكن اصح 1000 هههه
    اسلوبك بالكلام يضحك هههه ..عجبتني يابته ^ـ*
    لا يبي رحله للدايسو :)

    ردحذف
  2. أما 1000 بتاخذين المحل كله شكلك
    المهم اذا جيتي تروحين مريني((ماملت
    بروح أخذ الحصاله
    بس ايش اللي عجبك(مافهمت

    منوره يابت

    ردحذف
  3. وااوا
    ماشاء الله !!
    والله دايسوا الرياض أحلى بكثيير :)
    مليان حاجات
    دايسوا اللي رحنا له مشفوووط عالاخر مافي شئ على الاعواد يدوب 5 أشكال ! :/
    يلا عقبال ما أجي أزور اللي عندكم !! :)
    موضوع تووحفة نورة ♥
    تسلمين ربي يخليك

    ردحذف
  4. أهنن مرمر
    ايه اذا جيتي الرياض روحي له
    فيه أعواد أشكال وكبيرة وصغيرة

    ربي يسلمك
    منوره يابت

    ردحذف
  5. WoooOW

    تجنن آلآشيآئآآت ومررره كيوووت ق١

    تتهنين بآشيآئآتك ^^


    وتسسلم إيدينك ع الصور ..

    ردحذف
  6. الله يسلمك وئام
    حياك منوره ياالدوبا

    ردحذف
  7. واخيرا وصلتوا له بالسلامه ^^

    والله شكل المحل مغري اول مره اسمع عنه
    لو اقول لامي عنه قالت لي يالله امش نروح له الحين.!

    فيه اشياء اعجبتني

    ولفت انتباهي المنديل القابل للاذابه .!
    شلون تجي هذي

    خذي لك واحدوسوي عليه تجارب وعلمينا شلون<برا

    ردحذف
  8. اااااااااااااااهيئ ابي داااااايسو :(

    ..............فيه دايسو بالشرقيه؟؟؟

    حلوة اغراضك تتهني بيهم ..يالبي اليابانيين كيوت في كل شي

    ردحذف
  9. @noora

    أظن فيه بالخبر بس مدري اي سوق
    بس موجود

    الله يسلمك يارب
    منوره خيتو

    ردحذف
  10. وآآآو
    شكل المحل مرآ حلللو
    وكمان الاشيآء اللي اخذتيهآ حللللوة ..


    :

    :




    تحيتي

    ردحذف
  11. شكرا خيتو انتي الحلوه
    نورتي الحتى =)

    ردحذف
  12. انتن النساء ماتحبيت عير التسوق !! ;)

    ردحذف
  13. مو كله عشان التشوق
    عشان المحل نفسه =)

    ردحذف
  14. مرااا حماااااس خسارة لما رحت انا ماكان في شي

    حلوو :/ .. مراا اشيائك فتاكة <3

    ابغى اروح الرياض مرة ثانية T_T

    ردحذف
  15. حماااااااااااس ,,
    يانبووو على الاشيااء كيوووت
    قلبو مبروك وصولك للدايسو ,,
    والبارح والله بنت عمتي تحكيني عنه ,,
    يالله بالعافية على قلبك الاغراض حبيبتي

    ردحذف
  16. اهنن وسهنن
    الله يعافيك يارب

    المحل شي لايفوتك =)
    منوره خيتو

    ردحذف
  17. ماشاءالله اكشخ حركتاااااات ذوقك يدنن
    تتهنين فيهم وتخربينهم بالعافية هههههه
    بااااااايااات قلبوشي
    سي يا

    ردحذف
  18. الله يعافيك يارب
    من زوقك =)
    نورتي

    ردحذف
  19. ما شاء الله , كل هذووول
    والله تعبت وانا اتفرج عليهم , الله يعين اللي كان يلف ويدور حتى جمعهم

    عموماً اذا سألتيني ايش تكره بحياتك
    بقول معجون الطماطم والتسوق مع النسوان هههههههه
    لان فيهن طولت بال جنونية

    ردحذف
  20. شئ سعييييد مرة @_@
    لآزم أروووح مرة احسه يفتح النفس هو وبضاعته
    والله بلاش كل الأسعار اغلبها مثل ماتقولين "6-7"
    وشسمه تتهنين بأغرضاك عجبني الكوب والمهفة حقتك رايقين ^.^

    ردحذف
  21. من جد سعاده لاتوصف لازم تروحين له
    مع اني يوم اروح احسه مشطوف

    تسلمين والله مقدمين((لاتصدقين هع

    ردحذف