08‏/10‏/2010

اغلاق المحلات وقت الصلاة..ايش رايكم فيه؟


السلام عليكم ورحمة الله وبركاته 

اليوم حلقة الحياة كلمة كانت تتكلم عن العمل 
أنا ما شفت الحلقة بس شفت التقرير كانو يسألون الناس عن رائيهم 
في اغلاق المحلات وقت الصلاة 

فيه ناس يأيدون وناس مايأيدون 
قررت أسألكم هالسؤال 

ايش رايكم في الموضوع تأيدون ان المحلات تتقفل وقت الصلاة أو لا تأيدون؟وليش

بالنسبة لي أأيد هالشي أول أحترام لوقت الصلاة وفي بعض الناس ماأقول كلهم بعضهم لو مافيه شي يجربه والا كان أجل الصلاة لين يخلص من التسوق 
شي ثاني يعتبر وقت راحه للموظفين في المحلات 

بما أننا تكلمنا عن الموضوع أمي الله يحفظها 
اذا رحنا السوق وجا وقت الصلاة والناس تصلي وفيه محل والا كشك فاتح 
تروح تقوله ليش ماتسكر أخوي أنا في الهيئة بعلم عليك((طبعا من باب التخويف لا أكثر

الموضوع أعجبني وحبيت أشارككم فيه وأخذ رايكم فيه 
أنتظركم =)



هناك 28 تعليقًا :

  1. أكيد أنا من المؤيدين لهالشي,
    وخصوصا أن وقت الصلاة له احترامه , يعني حتى في البيت نترك شغلنا ونقوم نصلي ,
    فما بالك برا , وبعدين احس اذا تركت المحلات مفتوحة وقت الصلاة بيصير تسيب واهمال في الصلاة اكثر ,
    ومثل ماقال واحد من اللي سووا معهم مقابلة
    بتكثر السرقات وهالاشياء
    تحياتي ^.^

    ردحذف
  2. هلااختى نورة
    بصراحة انا مع اغلاق المحلات وقت الصلاة
    وشكراً

    ردحذف
  3. و عليكم السلـآمً =]

    ||

    شسمهً أكيدً انـآ مع (أأيدً)
    أولً شيً تكريم للصلـآهً
    بعدين على كثرً المـآل الي بيجيهً من المشترينً
    كثر الإثم الي بيحصله على التفريط بالصلـآهً

    يعنيً وش نآقصكص رح صـلً و تعـآلً !

    :

    انـآ استغرب من الي وآقفين ضد هذآ الشيً
    يعني تبيون تلبون رغبآتكم في وقت الصلـآهً
    طيب انتوآ متى تصلونً بعدً !

    ||

    الحمدالله ع نعمه الدين بسً (F)
    يعطيس العآفيهً نورهً
    أحس انس جبتي موضوعً حلوًوً للنقـآشً !
    لدرجه اني تحسيت و بسسً ××"

    ردحذف
  4. نعم :)
    أنا أشوف إنها تغلق وقت الصلاة , هذي صلاااااااة .
    شكرًا لطرحك .

    ردحذف
  5. @Alaa

    شكرا لمشاركتي رائيك
    وصح صدقتي بتصير فيه سرقات ومشاكل
    يعطيك العافيه
    منوره =)

    ردحذف
  6. @فاتن

    شكرا خيتو فاتن لمشاركتك
    نورتي

    ردحذف
  7. @» ضيـۈنــہ‘

    صادقة ضيوفه
    من جد مدري وش هالعجلة عليه
    ولابعد يقلون لك بنخسر اذا كنا نسكر محلانتا اربع مرات في اليوم

    الله يهيدهم بس
    حياتك منوره يابت

    ردحذف
  8. @|☼◙ Avenger ◙☼|

    حياك اخوي
    الله يهديهم ان شالله
    وباذن الله مايتغير هالنظام

    شكرا لتواجدك هنا =)

    ردحذف
  9. مساء الورد
    اول مره ادخل مدونتك حبيتها
    بالنسبة لموضوعك شفت امس التقرير
    صراحة مااعجبني يعني مااحسه ولاحتى حتى مجال للنقاش
    استغربت اللي يقول احسن عشان اروح اصلي والعيال يخلصون من السوق بالوقت هذا
    طيب ياحلو وعيالك ليش مايصلون ؟
    واللي بالمحل يبيع مايصلي ؟
    استغربت من اللي كانو ضد اغلاق المحلات
    طيب اقلها اذا ماهمك نفسك والا على قولتكم بتصلي وبتطلع ترجع اصلا بيكون نفسك نفس راع المحل اللي يصلي وبيرجع
    بصراحة ماحبيت التقرير يمكن لاني اشوف البرنامج اكبر من انه يناقش قضية واضحة
    >>> مدونتك رائعه تستاهل المتابعه

    ردحذف
  10. مع وبدووووووووون أي شك :) ..

    ماراح يجيك الوليد بن طلال يشتري منك في هالعشر دقايق أو إنك بتصير غني لا قدر الله !!

    موضوع نقاشي جيد ولكن الافضل البت في الموضوع ..

    لان الله حكم على هذا الامر بأنهـ لا يجوز البيع وقت الصلاة ..

    حنا في المدرسة فسحة الصلااااة مانبيع حتى مويه اذا خلصوا البنات صلاااه فتحووووه وباعوا ..

    يعطيك العافيه ناتو ق1 ..

    ردحذف
  11. @Ghala ツ

    شي يشرفني ويسعدني ان المدونة نالت على اعجابك

    ايه صدقتي حتى اللي يقول بأغلاق المحلات مانحسينه يتكلم بثقه واستنكار للي يقلون عكس كلامه

    شكرا لمشاركتك معي
    كوني بالقرب =)

    ردحذف
  12. @leloosh

    هو البيع وقت الصلاة حرام بس من يسمع الحين؟
    وصارو يحاجون بدون قال الله وقال الرسول

    بس الحمدلله الكل ضد الموضوع هذا

    يعطيك العافيه
    شكرا لتواجدك هنا =)

    ردحذف
  13. امـ..
    بالنسبه لي ماني مع اغلاق المحلات وقت الصلاة
    اولا لان استمرار المحلات فاتحه ما فيه اهانه للصلاه

    ثانيا احيانا او غالبا عندنا المساجد تطول ومن الاذان الى وقت الاقامه ربع ساعه (ولاحظي انهم يقفلون قبل الاذان بخمس دقائق) ومساجد كثيره يطولون في الصلاه (يعني تقريبا المحل يجلس مغلق لـ ساعه او ساعه الا ربع

    وهالشي طبعا يسبب تعطيل للمصالح وللتجار والمتسوقين

    يعني لو كنت مستعجل وداخل باخذ غرض ثم بارجع للبيت وصادف انه وقت اذان (راح اضطر انتظر ساعة عشان اخذ غرض المفروض اني اخلصه بـ خمس دقائق او اقل)


    انا مع الاغلاق فقط لصلاه الجمعة ^^ (مثل ما جاء في القرآن)

    ردحذف
  14. انا مع تسكير المحلات وقت الصلاه
    الحين وهم يسكرونها اشوف رجال يتمشون بالسوق ...ما أدري وش عذرهم الشرعي مايروحون يصلون جماعه ..!!
    وبعد لو فتحنا المحلات كلن بيأجل الصلاه ويروح وقتها ...:(
    فالأفضل نصكرها :) >>> رأيي المتوازع :}

    ردحذف
  15. @غير الناس

    أحترم رائيك
    لاكن بناقشك فيه
    طيب تخيل لو ماصارو يسكرون المحلات ايش بصير؟
    محد راح يصلي وانا متأكده وعلى قولت سكتشات حتى والمحلات مسكرة مايرح بعض الرجال لصلاة عاد كيف لو يخلون المحلات مفتوحه!!

    شي ثاني مافكرت في أصحاب المحلات لهم حق ياخذون وقت للعباده ووقت لراحه

    فاذا كان الله يأمنا باغلاق المحلات وترك الصلاة وقت صلاة الجمعه فمن باب أولى أن نغلقها في أوقات الصلاوات المفروضه

    ردحذف
  16. @سكتشات

    كلامك صحيح الله يهديهم بس
    والله اذا شفت واحد منهم ودي أقوله الصلاة
    بس طبعا مااقدر هع

    حياك وحياالله رايك
    شكرا اوني

    ردحذف
  17. طبعا أأيد لانه لازم يكون فيه احترام لوقت الصلاة زياده على كذا يفهمون العمال واللي مو مسلمين انه وقت صلاة وعباده ويمكن هالشيء يجذبهم يتعرفون على الاسلام

    ردحذف
  18. هلاوالله خيتو مبدعه
    وش ماانتبهت لهنقطه
    صدق بعد يعرفون ان المسلمين محترمين دينهم ويتبعون كل شي يأمرهم فيه حتى لو كان على حساب أنفسهم

    شكرا لمشاركتي رائيك
    منوره =)

    ردحذف
  19. بِ آلنسبه ليْ :: آنآ مع إغلآقهآ وبقووه

    مثل مآقلتي إنتي ،، إحترآم لوقت آلصلآه (:

    وكمآن مثل مآقآلت "مبدعه" عشآن اللي مو مسلمين يعرفون انو وقت عبادتنا وقت مقدس واننا نحترم ديننا الاسلامي ق١

    ردحذف
  20. حياك وئامو
    صدقتي والله ورائيك في محله

    شكرا لمشاركتك معي الموضوع =)

    ردحذف
  21. اكيد مع اغلاق المحلات وقت الصلاة

    مشكورة نورا روعه التدوينه
    ^_^

    ردحذف
  22. شكرا لمشاركتك مع رشا
    نورتي =)

    ردحذف
  23. انا اوؤيد اغلاق المحلات
    وموضوع يستحق المناقشة

    ردحذف
  24. حياك أخي ايمن
    شكرا لابداء رأيك ومشاركتك =)

    ردحذف
  25. نورا المحلات مو هي السبب الي تخلينا نصلي او ما نصلي
    يعني الي ما يبي يصلي بتشوفينه يدور في الشارع لين تفتح المحلات (ويا كثر زحمه الشوارع وقت الصلاة)

    بالنسبه لاصحاب المحلات .. لا مالهم حق في وقت راحة (خمس مرات او اربع مرات في اليوم)
    يعني مثله مثل الاجانب له وقت راحه محدد

    لكن له الحق في الصلاه
    يعني الي يبي يقفل محلة ويصلي هذا شي راجع له والله يتقبل

    اما نجبر الناس يقفلون وهم اساسا ما يصلون
    ويا كثرهم الي يقفلون ويجلسون داخل المحل.!


    وما يصير الله يقول قفلوا يوم الجمعه
    وحنا نقول يعني الافضل نقفل كل صلاه.!

    على كذا بنغير اشياء كثيره في الاسلام.!


    (وجهه نظر ^^)

    ردحذف
  26. مثل ماقلت وجهة نظر
    ويبقى لكل واحد رائيه
    شكرا لتفاعلك خيو ريان =)

    ردحذف
  27. اولاً الموضوع مو حكاآية ضد او مع شخصياً ضد
    لانهـ اساساً الموظفين بعضهم - مو كلهم - تلاقيهم يتمشوا وقت الصلاة وياليت يصلون
    ولانهـ في بعض الاماآكن ما ينفع تقفل مطاعم / صيدليات / خدمات عامة يعني لازم يوازنو الامر

    لكن اذا كاآن ولا بد انا ضد ويجب ان يجدوا حل

    يعني من سفري لكل البلاد ما في غير السعودية ،،، هل معنى كدا ان موظفينهم ما يرتاحوا ولا يصلوا ، اكيد في نظام متبع بينهم :)

    تقبلي مروريـ ^^_

    ردحذف
  28. حياك اخوي محمد =)

    هم هدفهم الأساسي من اغلاق المحلات عشان الناس مايلهون وينسون الصلاة بغض الناظر من صلى او ماصلى

    هم سوو اللي عليهم وأمر بمعروف والباقي ربي يحاسبهم عليه

    هذي صلاة اللي تقدر منها تفرق من المسلم والكافر اذا تخلينا عنا ربي راح يتخلى عننا واذا مااحترما وقتها وتركنا كل اشغالنا عشانها ربي ماراح يوفقنا

    منور بتواجدك
    واحترم رائيك لاكن أختلف معاك فيه فتقبل رائيي ^_^

    ردحذف