08‏/11‏/2010

اعترافات


السلام عليكم ورحمة الله وبركاته 

ياكثر هالواجبات الظاهر اني بحط قسم أسمه الواجبات 
بس هالواجب حلو أحسن من اللي قبل 
السالفه ومافيها اني أعترف باعترافات تصدم زوار مدونتي ومن الحين اقولكم انكم بتنصدمون زين مازين اليوم هع
قبل بقولكم سالفة القالب المعفن هماني جيت بجرب قالب ثاني وجربته وجيت برجع القديم رجع بس صار ناقص تخيلو
وبرنامج اللي يسوي القوالب خربان ولاعندي نسخه من القالب الا وحده معفنه هي الثانيه ماركتب المهم حطيت هالقالب لين يحلها ربك 

نبدا بالاعترافات الخطيرة أستعدوا:
1-انا وحده انسانه الابتسامه ثقيله في فمي يعني ماابتسم كثير واللي يشوفني يقول شايفه نفسها والا وش فيها هذي ماعجبها شي بس لما أبتسم اصير أحسن وحدة بس للاسف قليل بس كني لما دخلت البنك بديت اتعود عشان لازم تبتسمين لرايح والجاي 
2-أحب أخلط الاكل مع بعض اغرب الحالات عندي يعني مثلا أكل مع الرز مايونيز ومع الفول جبن((عادي عادي وش فيكم
3-أعشق شي أسمه أجهزه اذا دخلت محل الكترونيات أبلم أعشقها عشق على قولت أمي تقول انتي لو بتتزوجين بيروح مهرك في كاميرات ولابتوبات و جوالات وهالخرابيط
4-أحب أجرب كلللل شي واي شي عاااادي حتى لو على حساب نفسي ممكن اتهزء بس اهم شي جربت واذا جربت شي ولا صار حلو عادي مااندم عليه اشوف الجانب الحلو من هالتجربه
5-أعترف ان نومي قليييل ولا احب انوم كثير لانه يضيع وقتي((يامهمه
6-أعترف اني في الثانوي كنت أزحف وحده في المدرسه وكنت انواع السحبه على الدراسة وانواع الهبال ((يازينها بس
7-واعترف اني يوم تخرجت صرت وحده ثاااااانيه
8-أحب الشاي أكثر من القهوه 
9-أعشق حليب السعودية((محد يحبه الا انا اظاهر خخخخ
10-أعترف ان صديقاتي قليييل واني ماأقدس علاقات الصداقه كثير((عكس ضيونه خخخخ
11-أعترف انه يبيلي اروح دكتور اسنان بس كل يوم اقول بكره لين توجعني واصيح واروح غصب ورا خشمي

والله اتعرافات كثيرة وش تبون بعد 
اللي يبي يحل الواجب يحله عادي ويقول اني انا اللي قلتله((احلفي بس

شكرا لخيتو الاء العساف لتمرير الواجب لي استانست وانا احله


هناك 23 تعليقًا :

  1. @_@ <=== يقالها مستغربه

    اما ماتبتسمين احسسسك دايم تضحكين مدري ليش
    طلع عكس احساسي

    خلطي ضفدع مع اندومي شوفي وش يطلع هع
    <== انا اسوي هالحركه لمن اشبع من الاكل هع

    شسسمه على الصديقات انتي نفسي نفسي واخيرا شفت وحدهـ
    مثلي مع حالة الصداقه <== قليله عندي

    روحي لدكتور اسنان لايطيحون وتصيرين لنا عجيز هع
    وكثري حليب السعوديه عشان تتقوين <== الله يهنيك معه مدري شلون تحبينه هههههههههههه

    ردحذف
  2. اي صح نسيت اقولك مره انصدمت يوم شفت القالب
    اقول يارب مو نورآ اللي تحط هالقالب
    قوالبها احلى وارقى من كذا

    =)

    الله يساعدك ويعوضك

    ردحذف
  3. هلاهلا بالعروس

    لاابشرك ان شختي المليحه ماتبتسم الا في المناسبات العظيمه((كذا هم الشيوخ وش دراك انتي((براااا

    على طاري الاندومي اعترف اني مااحبه الا نوع واحد اللي هو الشعيرية الحلوه((اشتهيته

    اه ياحليب السعودية اعشقك ^^

    القالب بيني وبينك احس هذا مريح للعين وبسيط صح انه باصق بس ناعم بدل هالحوسه عاد البرنامج مازان شكلي مطوله على هالقالب

    ردحذف
  4. من ناحية الإبتسامة وانا اشهد @_@ .. بس على قولتك زي الشيوخ في المناسبات الكبيرة تبتسمين هع

    ومن حالة الصداقة والله اني حاسة انك من هالنوع يابنت O_o

    نفس الحالة احب اجرب كل شئ واحب اخلط في الأكل =)

    صدق بعد ماطلعتي من الثنوي انقلبتي 180 درجة @_@ !! صرت أوقات اشك انك نورة اللي اعرفها بس مع كل الحالات تهبلين ^^

    وبالنسبة للقالب احسه هادي مدري روقت معه بس ان شاء الله يتعدل الوضع معك =)

    ردحذف
  5. إيه .. إعترافات خطيرة
    أسميك ما خليتي شي هع فضحتي عمرك

    ناجحة وبتفوق ^_^

    وأنا مثلج في رقم 3-5 و8

    تسلمين على الإعتراف :)

    ردحذف
  6. هههههههه
    مت من الضحك عليك وقاعده اتخيل شكلك وانتي تتتغصبين الابتسامه ... :)
    كنت شايله عفشي وجايه بحطه لك لقيتك من زمااان حالته ض1
    وعلى فكره القالب واااااو .. وموب باصق
    عن نفسي "انهبلت عليه " هادي وبسيط وكيوت

    ردحذف
  7. @LjlJ

    هلا لج لج حسيت اني كبيت العشا بالغلط
    سوي نفسك ماشفتي زين

    ايه صادقة احس القالب كذا اروق شكلي بخليه بس

    منوره الحتى يابت =)

    ردحذف
  8. @Awoosha

    خخخخ عادي عادي هي مره كل عشر سنين
    =)

    ردحذف
  9. @سكتشات

    خخخخ من جد يجيني صداع واتعب نفساء اذا ابتسمت وانا مالي نفس اصلا

    والله شكلي بخلي القالب اصلا مافيه بديل
    يعني العوض ولا القطيعه

    =)

    ردحذف
  10. ههههههههه
    وربي اعترافاتك موتتني من الضحك هههههههههههه
    رهيييبه الغريب انك تقولي نادرا ما ابتسم شكلك من النوع الي لما يسولف الي حوله يتسدحون وهو ما ابتسم ههههههه
    عجبتني اعترافاتك

    والقالب مرره رااق لي

    ويالله كل عام وانتي بخير قبل الكل

    ردحذف
  11. خخخخ دوم الضحك
    لاعاد اضحك بس مثل ماقلت حالات نادرة ابد مثل الشيوخ((برا الحين
    امزح

    وانتي بصحة وسلامه
    نورتي الحتى =)

    ردحذف
  12. السلام عليكم ورحمة الله و بركاته
    يعطيكِ العافية و الله ما قصرتي في الاعترافات ... اممممم من 1_6 عكسك تماماً ... 7-11 في امور مشتركة =) مودتي.

    ردحذف
  13. وعليكم السلام ورحمة الله وبركاته
    الله يعافيك يارب

    منوره خيتو

    ردحذف
  14. بالتوفيق نورة ، ما فيني حيل اقرأ وش كتبتي عيوني قاعدة تشطب :s
    إنتي الحين سويتي الستايل بنفس البرنامج إلي قلتي لنا عليه ؟؟ Artester مدري arabster ؟؟

    نسيت اسمه :s

    ردحذف
  15. ههههههههههه حالتك صعبه مع حليب السعودية

    امـ.. اكتشفنا اشياء جديده وغريبه.!
    عن صاحبه هالمدونة من خلال هالتدوينة

    لفت انتباهي الرز بالمايونيز.!
    اتذكر وانا صغير كنت اكل رز مع كاتشب.!

    والظاهر بسبب هالاكله معد صرت اكل رز.!

    وصارت عندي عقده من الخلط في الاكل حتى لو كان الطعم بيطلع حلو

    بس ما يطيعني قلبي<<برا


    حليب السعودية يذكرني بالحرقان :D

    ردحذف
  16. ..
    مرحبا ^^
    حلوه فكرة الواجب ..

    أنا مثلك مدمنة على الأجهزة الإلكترونية ولما يطلع شي جديد ماأرتاح إلا لما أقرأ عنه عشان أحبه وأشتريه ^^" 

    وبس :)
    وكل عام وإنتي بخير بما إن العيد مقرب (f) .. 

    ردحذف
  17. ايه بالضبط وبعض الاحيان مااقدر أحصل عليه =(
    وأنتي بصحه وسلامه
    منوره :)

    ردحذف
  18. بصراحة أول وحدة صدمتني موووت ×_× أحسك كذا مبتسمة XD
    الحركة 2 أمووت فيها أنا كمان أخلط الاكل ♥♥
    هههههههههههه ماشاء الله أعترافات جميلة ♥
    عجبني أخر إعتراف >_>"
    إن شاء الله رحتي لطبيب الاسنان ؟؟ !

    ردحذف
  19. ههههه لا ابشرك مارحت
    عاد هالايام مشغوولة مافيه امل
    يمكن بعد العيد

    =)

    ردحذف
  20. غير معرف11/27/2010 9:21 ص

    غريبـه حسيت انك تبتسمين دايم بس طلع احساسي خطآ
    اومآ اخلط الاكل مااسوي كذآ الا نادرآ
    بس حلوو انك تحبين حليب السعوديه اتنمى اشربه ماقدر طعمه غريب^^
    ايــه اعترافآت خطنطريه
    ريم^^

    ردحذف
  21. اهنن ريم يعني تعرفيني من قبل
    احسبها اول زياره

    عموما حياك خيتو
    صح طعمه غريب وهذا اللي مزينه ^^

    ردحذف
  22. غير معرف11/20/2011 9:22 ص

    لــآآآآ مستحييل O_O
    تصدقيييين كل النقاط الي كتبتياها نفسسي
    مرة اكلت رز مع بيض مقلي مع جبنة شيدر و ليمون و تونة و طماطم و oيار و موز , XD
    بس انا ابتسم كثير لكن مع ذالك يقولو شايفة نفسي U__U"
    والتجربة اجرب كللل شي الا الاشياء الي تخوف
    الاجهزة << اختي بس تشتري شوزات ومركآت وتموت عليهآ انا اقولهم تبغو تبسطوني ودوني جرير XD
    لما اقول لصحباتي مآ احوب انام يخلص يومي يتريقو ويقولو بزنس ومن
    اعشششششششق حليب السعودية << محد كان يسرق حليب جدتو
    في الاجآزات انقطع عن النآس مرة
    ودكتور الاسنان اذا عرفت اني بروحو ما انام بلأيآم XD

    ردحذف
  23. هههههههههههه هلا والله بشبيهتي

    لالالا انتي حطمتي الرقم القياسي وغلبتيني في الحواق والحوسة خخخخخخخ
    بالنسبة لشوفة النفس لين جلسو معاك بيغيرون رايهم ماعليك :p
    الاجهزة نقطة ضعفي للاسف اني اتبيخل اشتري شنطة بالمبلغ الفلاني بس عادي اشتري جوال والا كام بالمبلغ اللي اغلى منه :\
    حليب السعودية عشق بس احاول اتجنبه عشانه دسم بيسمني :$

    حياك ياجميلة نورتي ^^

    ردحذف