18‏/12‏/2010

أطلق رحلة بر =)



السلام عليكم ورحمة الله وبركاته

كيفكم ياالحلوين..؟
ياأنه جايتني حالة عجز اوب صاحيه((متى صرتي سنعه اصلا هع
تدورينة البر هذي مابغت تطلع كله عشاني متعيجزة أفتح الفوتو واعدل الصور وكذا
عاد اخير هداني الله وعدلتهم ونزلت الموضوع

الأسبوع اللي قبل اللي فات أنا وبنات خالاتي الجميلات قلنا لخالي نبي نروح البر وأنت كلم الرجال وتفاهم معهم واتفقو اي مكان تبونه عادي((نرحم خخخخخ
المهم أتفقوا اننا نروح يوم الأربعاء وترجع الخميس عشان ولد خالتي بيجي من أمريكاء والا كان بنجلس لين الجمعه
والبر كان العماريه

اليوم الثلاثاء رحنا انا واختي وبنات خالتي لهيبر بنده نشتري بهانيس((لغير الناطقين بالنجدية يعني اشيائات توكل بس كلها خرابيط مالها فايده 

هذا أفضل قسم عندي في الماركت قسم الشبساااات 




عربيتنا الجميله 


عند الكاشير شفتو هالشبس اللي لونه وردي طعمه فضيييع حار مع كتشب مدري كيف طعمه خطير 
الحساب كان 333 طبعا دفعناها قطه


جايوم الاربعاء اخير طبعا بما أنه في دومات ماطلعنا الا حول المغرب من البيت لما نزلت أشوف العفش والتجهيز لقيت هالعفش اللي موب صاحي اقول لأمي شكلكم بتقعدون أسبوع ماكنها ليلة وراجعين 
هذا بعض منه ولو سمحتو العقش له سيارة لحاله 



وصلنا البر لاكن كان ظلام و مابعد خلصو من خيمة الرجال والماطور استهبل علينا شوي بعدين عقل 
بعد ماضبطو الوضع وكل واحد خذ مكانه بدوا يسوون العشاء أمي سوت رز مع دجاج من الجوع لحسنا الصحن 
بعدين طلعنا احنا ياالبنات برا وشبينا ضو الجلسه كانت خوقاااااااااااااااق 


جابين معنا جميع أنواع الكوفي حمينا المويه على النار



هنا أتحف شي طبعا احنا من زود المدري وشو جايبين سيارة فيها جميع انواع الاكل والموعين والفرش اللي تخطر على بالكم ونسينا نجيب ملاعق 
المثل يقول:الحاجة أم الأختراع  أخترعنا لنا ملعقة عشان نحرك الكوفي وش رايكم في ملعقتنا 


هذا كاسي مع الشوكلاتي المفضلة


جلسنا في هالجلسة الجميلة وكان معنا خالي وأمي الجو كان فله لما جت الساعه 2 ونص دخلنا ننام 
البرد كان فضييييييع بالموت نمت 

جا الصبح كان أبرد من الليل قوموني أصلي الفجر صليت وطلعت برا كانو خالاتي جالسين برا وشابين ضو ويحمون حنيني على النار((للمعلوميه مااحبها 
كنت مشتهيه قرص على الفحم قلت لأمي سويلي مالي دخل انا مااحب الحنيني قالت أن جدتي بتجي وبتجيبه معها((مانامت معنا من أمس ماتحب البر 
الحنيني على النار


جلست أشرب حليب مع مصاص صوفيو بالشكولاته طعمه حلو والله 


واخيرا جت جدتي وحطينا الفطور


القرص


جابت معاه بعد اكلتي المفضله المفروك


بعد الفطور رحنا مع خالي نطعس الصراحه شعور لايوصف 
بعدين ودانا ندور في البر في السيارة 

هذا طعسنا البر حلو صاير بر عادي وجبال وشجر وفيه طعس على جمب



صور للمخيم 
خيمة الرقاله


خيمة الحريم والمطبخ


رجعنا للمخيم وجا خالي وعياله بداء الجو يحتر بعضنا راح ينوم وبعضهم جالسين برا أنا رحت أنوم 
وقمت من الحر الظهر كان حار من جد عكس الليل 

خالتي سوت الغداء كبسة يحبها قلبك 
سوت دجاج ولحم طبعا مافيه ملاعق فاناكل بيدينا تصدقون الأكل باليد أطعم 


بعد الغداء رحنا مع خالي بس موب نفسه اللي قبل لا الكبير 
رحنا نطعس بغينا نموت والله بس الحمدلله نجينا وغرزت السيارة بس طلعت بسرعه

رجعنا المخيم بسلام بعدين راحو بنت خالي واختي لطعس عشان يتزحلقون مدري يتقلبون فيه 
ورجعت بنت خالي متسبحه في الرمل شكلها يضحك وهذي نظارتها 


قرب وقت الروحه بديت أنا واختي نجمع القراطيس من الارض عشان اذا جا احد بعدنا يلقاه نظيف وخالي قال بحرقها



وبكذا تكون خلصت رحلتنا الجميل 
والله كانت ونااااااااسة تمنيت اننا طولنا بس ان شالله نروح مره ثانيه 

لكم كل أبوكم

هناك 38 تعليقًا :

  1. مـَا احوْب البـَر ؛× <~ سريُ بسَ ههـَ
    قسمُ الشيبـَساتْ ولـآشيبسُ احوبوُ هههههـَ

    امـَا آيرششُ كريييييييييمَ وووووهُ
    اعششـَقوَ . . ,احسُ كريمتوَ جيدهُ أقوىْ شيُ :$
    دحين الخشبـَه سأَرتْ ملعقهُ خخَ . . والله تعدمُ الكوفيُ وبص َ:×
    صورةُ الكوفيُ + الشوُوكوَ بطططططلهَ

    امممَ شوُ المفروكَ ؟؟

    ..
    دول مو سبحوَ في الرملَ إلـآ غطسـَو بضميـَر ههههـَ
    الله يحميهمَ

    ردحذف
  2. ونـآآآسة مـىشـآء الله , أمنية لي اطلع كشتة بر مثل كذا , شعور جميل , ومن جد عليكم عفش O_o!!
    بس أهم شئ وسعتو الصدر وفليتوهـآ, والجو ماينعرف له مرة حر ومرة برد مشـآكل ,, طلعـة سعيدة غقبال الطلعات الثانية
    امـآ نظآرة بنت خىلك تحفة هع

    ردحذف
  3. الله قمييييييله الرحلة ..

    من جد طلعة البر حلوه خصوصا لمن تكون بليل وصبح
    وه وه =)

    يلا بالعافيه عليكون الرحلة وانشالله تعيدوها

    ردحذف
  4. @e7sαs ●я

    أهلين خيتو ^_^
    اما ماتحبين البر!!
    الصراحه شي جمييييل بس لازم معك ناس فله
    الملعقة من غصن شجره خخخخخ
    عادي ماتغير الطعم

    حياك خيتو
    منوره الحتى =)

    ردحذف
  5. @LjlJ

    اهنن لج لج
    اجل المرة الجاية بناخذك معنا ولا يهمك
    منوره يااطلق وحده =)

    ردحذف
  6. @ẽмan.н ♥

    هلا ايمانو
    الله يعافيك يااللي أقمل ^^
    تسلمين يابت
    نورتي =)

    ردحذف
  7. مع اني ماحب البر
    بس احبه علشان الجمعه والوانسه والبساطه الي فيه

    بجد تف تف ماشالله لا انحتكم هههههههه

    مرررررررره تجنن الصوره

    احسسها جد وناااسه

    واحلى شي لما تكون جمعه بنات واااو


    بصراحه تدوينتك تجنن

    ودووم يارب مبسوطه وربي يخليلك خالك وبناته : )

    ردحذف
  8. على فكره الفريك = الحنيني اعشششقه تراك شهيتيني ههههههههه بالعافيه ياارب على قلوبكم

    ردحذف
  9. أهم شَـي آلـحلويـآت ، أمـآ آلعفـش هذآ
    أنـآ يصيـر عنـدي كذذآ إذآ طلععـت مكـآن أخذ
    آلـبيت كلـه ، ولآ مـآأرتـآح خخخخخخ .

    آلـملعقة آلـقمييـله ، أهنيكم عليهـآ
    هذآ آلـرجآل آللـي معنـآ مرره أستخـدموآ قلم
    بعـدهـآ مآمآ وخـآلتي مـآ يطلعوآ إلآ بآلـملآعق : )

    مخيمكـم حلوو ، أختك وبنـت خـآلتك صأآر نفسي
    أشـووف أشكـآلهم إذآ ذي آلنظـآره بس هم وش صـآبهم

    وآلنظـآفه شَي جمييـل ^^ مو دآيم نشـووف زيكم ^^

    آلله يديـم عليكـم آلـوونآسه يَ ربْ

    ردحذف
  10. انبسطت وانا بس اتفرج على الصور>>شلون لو معكم
    ياه ياني مشتاقه للبر الظاهر لي قرن خايسه بالبيت ماطلعت >ـ<
    والمفروك آه بس ᅲ_ᅲ

    ردحذف
  11. حمآإآإآإسسس مشششآلله . .
    آحلى شششي مسوييين خيمَة للمطبَخ هع هع هع
    آحسّ اعطيتوهـ آكبر من حجمو <~ برآآآآ =pP
    يآريتك صورتي التفحييييط . .
    والأغرآض تحفَة . . كنّكم ب تسآفروآ هوع ‘ ..
    مرآآ ممتعة الرحلة <~ اروح ملح ع التعبير D=
    والملعَقة شي تآآني . .

    هع

    ردحذف
  12. نوره : عادي أصير أخت أمتس وتاخذوني معكم وقسم ترى إني أونس أقوى أبو شي
    الحين انتم خليتم الخيمه وراها جبل ، طيب مافيه خطر عليكم ؟؟

    يالله من سعة صدر لسعه وراحه ووناسه ازود تهنون يارب

    ردحذف
  13. مراحب نوارة ^_^

    ما شاء الله
    طلعة ولا أحلى ~ حمستيني أروح البر
    اللي ما أقدر على برودتهـ

    أحلى الطلعات اللي تكون مع ناس ترتاحين لهم ومفرفشين مثلك *_^

    وإن شاء الله تتكرر رحلتكم مرة ثانية
    وتباتون أسبوع D:

    ردحذف
  14. @azhar

    هلاوالله ازهار
    والله البر فله وعلى قولتك اذا صار جمعه وبنات واستهبال خخخخخ

    ايه اتفلي لاتنظلينا هههههه((برا

    المفروك اعشقة بس الحنيني مااحبه 0_0

    أمين يارب وياك
    منوره الحتى يابت ^_^

    ردحذف
  15. @meme

    اهلين مي مي

    اها قلم هههههه حلوه بس يطلع كوفي بالحبر((سماجه

    لا اختي ماجاها شي بس بنت خالتي ههههه شكلها توحفة وجايه وهي لابسه هالنظاره توحفه شكلها اقوى شي ههههه

    أمين يارب تسلمين خيتو
    منوره الحتت ^^

    ردحذف
  16. @سكتشات

    يو يو من قرن مارحتي البر
    وشلون عايشه((لايكثر هع
    المره الجاية بعزمك اجل

    المفروك دماااار خصوصا حق ماما نوره ^_^

    ردحذف
  17. ما أحب كذا أمكاكن ~ ما أحس بالأمان
    يعنى ممكن مشوار ساعة أو أثنين ~ بس أنام هونيك
    ..
    بالعاافية عليكوو ياعسل
    بس سؤال شنو هو القرص والمفروكة ~ p
    بيجينى كف ~ بس اتحملينى

    ردحذف
  18. @عنَــآد ‘

    اهلنن عناد
    انا انقهرت انهم حاطين مطبخ كنا نبيها خيمه لنا احنا ياالبنات عشان نفلها زين مازين بس ماحصل لنا للاسف

    التفحيط صورته بس فيديو بس مااقدر انزله ^_^

    منوره الحتى يابت

    ردحذف
  19. @آمال الزهور

    يمديك تصرين ثلاث من خالاتي تخلفوا عن الرحله يمديك تصيرين مكانهم
    عادي وش فيه الجبل؟؟
    احنا نبي الجبل عشان نرقا له والبزران يرقون بعد((عائله تحب الجبال خخخخخخ

    امين ويهنيك انتي بعد
    منوره ياختي قصدي ياخالتي هع

    ردحذف
  20. @Awoosha

    هلاوالله عيوشه
    والله البر قاتل

    طبعا لازم ناس ترتاحين لهم والاهم ناس نفوسهم حلوه مو يتشكون ويتهزون مااحب اروح مع هالنوعيه

    اما اسبوع لا نبي يومين بس لااكثر خخخ

    منوره يابت =)

    ردحذف
  21. @Rain

    يمكن انتو ماتعودتو لاكن في السعودية الوضع عادي ^^

    الله يعافيك ياختي

    هذولي الله يسلمك اكلات تشعبيه سعودية نجدية بس لاتسأليني وش المكونات والا كيف يسوونها لاني مااعرف اعرف اكل بس خخخخخخ

    منوره يابت =)

    ردحذف
  22. ماشاء الله
    بس الله يحوس طلعات البر يااااااكثر حوستها
    بعدين المفروكة ماهي التمر مع السمن والخبز ؟؟اذاهي ليش حاطين معها ليمون ؟؟

    ردحذف
  23. اهلن نوره
    من جد انواع الحوسه ^^

    لا المفروك فيه بصل اخضر وهذا البني مدري وش مكون منه بس كنه مراصيع اتوقع اللي انتي تقصدينها هي الحنيني

    منوره الحتى يابت

    ردحذف
  24. السلام عليكم ورحمة الله و بركاته

    حلـــــو ✿... و آخيراً نزلت تدوينة البر (^_^)

    إن شاء الله تعيدوها و تستمتعوا مرة تانية..بالتوفيق يا قمر .. مودتي ✿

    ردحذف
  25. وعليكم السلام خيتو الاء
    منجد مابغت تطلع

    حياك منوره الحتى =)

    ردحذف
  26. ماشاء الله خوووش طلعة الظاهر
    صراحة خلو الشعور ان الواحد يخيم في البر
    ويتواصل مع الطبيعة
    بس اهم شي عندي الكوفي
    (=

    ردحذف
  27. اهلين فاتن
    حلوه نتواصل مع الطبيعه

    لما بدينا ننظف البر تذكرتك وقلت بتستانس علينا فاتن =)

    منوره الحتى خيتو

    ردحذف
  28. وعليكم السسلام ورحمة الله وبركاته ..
    تمام ياحلوه نزقح ونمرح ض١

    ههههه اما سالفة العجز فعندنا وعندك خير ، ومع الجامعه زاد العجز اضعاف مضاعفه يالله الجنه بسس


    بهانيس :D حبيت الكلمه ‪;‬p

    انتي مثلي احب الشيبسات اكثر من البهانيسات الثانيات << يارب الجمله ماتكون غلط هههه

    اما نظارت بنت خااااالتك o‪_‬o راااحت وطي


    نوآري طلعتكم تووونس وجوكم رآآآيق يآسلآم عليييكم ،
    ادعيلنا نطلع هالسنه ونخيم :(


    تسسلم ايدينك عالصور :قلوب:

    ردحذف
  29. ماشاء الله شكله ونااااسه

    اعشق البر في ايام البرد وشبة الضو

    قبل فترة سمعت متخصص يقول ان البر يساعد الشخص على انه يوسع مداركه لانه مكان مفتوح ماله حدود

    ردحذف
  30. @و ئـــآمْ

    أهلين وئامو ان شالله دوم الزقحه خخخخ

    الله يقوينا ياختي على هالعجز شكلنا بنعجز بدري خخخخخ

    ابد حلالك الكلمة ادرجيها لقاموسك هع
    ان شالله تروحون البر وتعزموني((قاطه

    الله يسلمك يارب
    منوره الحتت يابت =)

    ردحذف
  31. @مبدعه

    اهنن مبدعه
    والله معلومه حلوه بقولها للعائلة الكريمه عشان يودونا دائما خخخخ

    نورتي ياختي ^^

    ردحذف
  32. غير معرف12/23/2010 6:17 ص

    يا زييييييييييييين البر زيناااااااااااااااااااه
    و كشتتكم انواع الوناسة ماشاء الله :))))
    كل يوم اكشتوا ض1 ق1

    ردحذف
  33. من جد يازينه((قلوب
    ابشري بس خخخخ

    منوره يابت =)

    ردحذف
  34. ماااشاء الله رحله و لا أروع يا نورة
    بجد خيااال ..
    أستمتعت بالتدويينه
    الله يهنيكم يارب 3333>

    ردحذف
  35. اهلين نهولي ^_^
    آمين يارب

    شكرا لدعواتك
    نورتي الحتى =)

    ردحذف
  36. يا سلام على الشتاء وجمعه الشتاء ^^

    احب المقاضي الي قبل الطلعه
    تجي العربية تفتح النفس ههههه كلها حلويات وشبسات وعصيرات

    استمتعنا بالطلعه معكم ^^
    بهالتقرير الشامل


    والحمد لله على سلامة ولد خالتك ^^

    ردحذف
  37. احنا لمن نروح البر نرجع بنفس اليوم ^^
    ووودي اجرب النومه بالبر :)

    احب الخرجات بسبب المقاضي اللي تطلع قبلها بيوم :P يمي يمي ودك تاكلينهم من قبل لاتطلعون للطلعه هع :)

    الحمد الله على سلامتكم وسلامه ولد خالتك ^^

    ردحذف
  38. يوووه انتو في ظلال لازم تجربون النوم والا مايصير
    ايوه هذي اهم جزئية

    الله يسلمك ^^
    منوره :)

    ردحذف