23‏/12‏/2010

My Galaxy Tab


السلام عليكم ورحمة الله وبركاته

كيفكم زوار مدونتي الكرام؟

أبشركم وبعد طول انتظار وبحث وتردد تم شراء الجالكسي تاب
طبعا قبل كل شي أنا كنت أبي جوال جديد وكنت أنتظر الايفون 4 على أحر من الجمر المهم نزل وخاب أملي لما مانزل الابيض وقالو انتظري بعد وبينزل الأبيض قلت يله انا منتظرة منتظرة وخلال فترة الانتظار نزل الجالكسي أس بنظام أندرويد


طبعا النت ماناخذ منه كلام صاحي اللي يمدح والا يذم واللي متعصب يعني تحتار من جد خصوصا النظام جديد ولا أحد حولي جربه
المهم مره من المرارير شفته عند محل جوالات وخقييييييت اخر شي الجوال خفيييييف وانيق قلت خلاص شاريته شاريته
بعدها بكم يوم أعلنوا عن الجالكسي تاب او كان نازل بس مادريت عنه في البداية قلت وش ذا بعد نسخه من الصغير بس أكبر

المهم راح ابوي يجيب لي الاس وقام راعي المحل يذمه ويقول مو حلو ومدري ايش((طيب وش دخلك انا ابيه وبتحمل المسؤوليه
ولا جابه لي يقول مابيك تتورطين بعدين فكري والا دوري احسن منه((يمكن خيره 

بعدين نزل التاب هنا بالسعوديه عجبني خصوصا ان لابي شبه قديم ولونه ابيض((أهم شي عندها 
رحت جرير اشوفه لقيتهم حاطين التاب وجامبه الاي باد
كان صغنوني بالنسبه للايباد انا بس مسكته رحت فيها حجمه يجنن أهني سامسونغ على التصميم جميييل جدا وخفيييييف 
من ذاك اليوم وانا ماانوم بسبته((حشى موب جهاز خخخخخ 
أقلقت أمي أبيها تشتريه لي واخيرا وافقة ياحوبي لها ماتردلي طلب أبد 

واخيرا حصلت على الجهاز اللي أنتظرة من زماااان أنتم بس لاحظوا المراحل اللي مريت فيها
الجهاز له معي الحين يمكن اربع أيام ومن أحسن مايكووون بس الماركت جنني لين طلعته 

طبعا اكيد بعضكم مايعرفه او يقول انه نسخه من الايباد
هو يشبه الايباد بس في فكرة انه جهاز لوحي بس لكن التاب كله تتش والايباد فيه زر واحد حقيقي
التاب يدعم العربي رسمي من سامسونغ بس مابعد جا دعم الاندرويد بعكس الايباد
التاب فيه بلوتوث ومومري خارجي وكام واتصال فيديو وصوت الايباد مافيه ولا وحده منهم
لكن الايباد تطبيقاته اكثر وهذا لان نظامه أقدم من نظام الاندرويد
وايضا سلاسة الايباد أفضل من التاب بدرجه

وطبعا كل واحد احتياجاته وختياره
هذا فيديو للمقارنة بينهم للي يفكر يشتري لوحي ومحتار واليوتيوب مليان مقاطع


الحين حان وقت الصور قولوا ماشالله 

الواجهه والالوان صااافيه وواضحه بس التصوير ظلمها
من الأشياء اللي عجبتني في الجهاز بدل ماتدخل على تطبيق تويتر او الفيس بوك وتشوف اخر التحديثات هنا مايحتاج التحديثات كلها تطلع لك في الصفحه الرئيسية للجهاز


الجهاز من ورا مثل ماقلت لكم فيه كام 3 ميجا بيكسل واماميه مدري كم 



قراءة الكتب فيه رائع جدا بس لسا مابعد عرفت أضيف كتب عربيه



وأهم شي في السالفه كلها يدعم عربي شوفو الكيبورد


تويتر((أهم شي 


مدونتي الجميله 


الأفلام فيه خوقاااااااق وأهم ميزة أنقل وشوف يشغل أغلب الصيغ بدون تحويل وحوسه 

وسلامتكم 
هاه كيف عجبكم تابي
أكسرة بالعافيه يارب 

لكم لك أبوكم 


هناك 30 تعليقًا :

  1. آلله يعطيك خيرة ويكفيك شرة يآقمر

    شكلة آنيق وحلوووو

    عليك بآلف عآفية

    شرفني تواجدي هنا~

    خالص مودتي

    ردحذف
  2. وآآآآآآآآآو مره يجنن مشاءالله .. <== غرت ابي جهاز جديد :(

    تكسرينه بالعافيه نونآ..
    الله يخلي لك اومايتك ^^

    ردحذف
  3. غير معرف12/23/2010 6:11 ص

    مماشاء الله تكسرييييييييييينه بالعافية يا رب
    و جدا اعجبببببببني كثير و خقيت خقه مب صاحية ض1
    سؤال ششششاطح ض1
    بما اني ماهنا ثقافة تقنية عندي بسألك هاللحين هو كمبيوتر كمبيوتر يعني فيه برامج اوفيس <- اهم شي ض1
    و بكم سعره ؟

    ردحذف
  4. @MoOoLy
    الله يعافيك خيتو
    الشرف لي لزيارتك للمدونه

    نورتي تعالي كل يوم :-D

    ردحذف
  5. @ẽмan.н ♥

    أهنن ايمانو
    يله شدي حيلك ولوبي لين يجيبون لك اللي تبين خخخ

    الله يعافيك خيتو =)
    أمين يارب

    ردحذف
  6. @MilaD

    الله يعافيك يارب =)
    تسلمين خيتو يارب تشترين مثله

    شوفي هو مايحل محله الكمبيونر لانه صغير لاكن تقدرين تستغنين عن الكمبيوتر في التصفح والبرامج والالعاب ويصلح لتنقل والسفر بدل ماتشيلين كمبيوتر وش ثقله

    السعر سعره عند جرير 2899 مدري عن المحلات الثانيه

    منوره خيتو بتواجدك

    ردحذف
  7. مااااشالله عالبركه
    بصراحه جد يجننننن
    مره راااق لي
    وابيض بعد يعني جد دلع
    تتهني فيه ان شالله
    : )

    ردحذف
  8. الله يبارك فيك خيتو
    تسلمين من زوقك =)

    يارب ^_^
    منوره الحتى يابت

    ردحذف
  9. تتهنين فيه ^^
    وشكله كيوت ^ـ^

    ردحذف
  10. شكرا سكتشات
    منورتي =)

    ردحذف
  11. وعليكم السلام ورحمة الله وبركاته
    بخير عساج بخير إن شاء الله ^_^

    وأخيراً أشتريتي شي
    يا عيني على السمسونغ
    تعجبني منتجاتهم أحسهم يفهمون متطلباتي

    وااايد حلو ما شاء الله
    يلا تكسرينه بالعافية
    ونشوف تدوينة ثانية عن فون جديد D:

    ردحذف
  12. تتهنين فيه يارب

    نورا واضحه انعكاس وجهك وانتي تصورين في الصوره 2

    لابسه سماوي هع

    ردحذف
  13. السلام عليكم ورحمة الله و بركاته ❀}~

    مبـــــارك يا قمر ... كتير حلو .. تتهني و تكسي بالعافية (^_^) مودتي.

    ردحذف
  14. @Awoosha

    ايه والله واخيرا
    أنا سامسونغ توهم اعجبوني هالسنه لما طلعوا الاس والتاب أبدعو فيهم بجد

    انتي الاحلى والله
    الله يعافيك يارب
    منوره خيتو عيوش =)

    ردحذف
  15. @مبدعه

    امين شكرا خيتو

    خخخخخ((فيس مستحي
    حاولت وجهي مايبين فاحطيت الكام قدام وجهي((بالله باين؟

    ايه بجامتي لونها سماوي

    منوره يابت

    ردحذف
  16. @ʚϊɞ آلاء الْعَسَّاف ʚϊɞ

    وعليكم السلام ورحمة الله وبركاته

    الله يبارك فيك خيتو
    الله يعافيك يارب

    تسلمين خيتو
    نورتي ^_^

    ردحذف
  17. هلا نورا ... صباحك مشرق ياحلوة
    تدوينتك جت بوقتها .. من كذا أسبوع نزل الجهاز عندنا
    مسوييله أعلانات وشغلات وحبيت أجربه بس خفت .. لانهم
    مايدعمون سامسونج كثيرا عندنا .. بس الحين شجعتينى
    مبارك عليك ياعسل .. تخربينه بالعااافية ..
    ;))

    ردحذف
  18. اهلين رين مسائك سعيد :-)
    الجهازجدا رائع واذا داخل مزاجك اشتريه
    منوره يابت =)

    ردحذف
  19. وااااااوز مررره حسيت باغرااء من جد اول مره اتحمس اشتري جهاز
    عساه بس يكون قد الثقه ض1

    ردحذف
  20. اهنن خيتو من جد شكله مغري بقوه
    والله الجهاز لين اليوم ماشي تمام

    الله يطامنه بأسمه خخخ

    منوره يابت

    ردحذف
  21. ما شاء الله تكسرينة بالعافيه ^^
    فعلا هو حجمه بصراحه يغري اكثر من الايباد

    ولو اني احب الابل دائم اكثر من اي شي ثاني
    الا ان حجم الايباد اشوفه ما يساعد

    الجلاكسي من شفت دعايته وهو لافت انتباهي
    والصور الي حطيتيها رهيبه

    تدوينتك تخلي الواحد يفكر في شرائه

    يبغالك تاخذين نسبه من سامسنج :D

    ردحذف
  22. مبرووووك , وأخيراً قرة عينك جـآك
    تطسرينه آبنت , انـآ من زمـآن عـآجبني وابيه ويوم قريت كلآمك زآد اعجآبي وابيه أكثر @_@!
    ومبروك مرة ثـآنية يختي ^^

    ردحذف
  23. الله يباركبس
    والله الجهاز خوقاق اذا معجبك روحي اشتريه خخخخخ

    حياك منوره يابت ^_^

    ردحذف
  24. اول شي مبرووووك على الجهاز
    بجد بجد ..ثبتي الفكره براسي
    حييل كنت محتاره بين الآيباد والجالكسي تاب

    الله بجد ماتوقعت شكله كيذا وضعييف ^0^
    تسلمين على الفيديوا عن المقارنه

    ردحذف
  25. الله يبارك فيك وعقبالك
    بدون تعصب أفضل من الايباد((كف من حقين أبل هع

    الله يسلمك يارب
    وبالتوفيق =)

    ردحذف
  26. hazza3 al-dosary1/27/2011 2:28 م

    بصراحة انا ماكنت اعرف عنه شي بس الحين معلوماتك كفت و وفت

    الله يبارك لك فيه

    و مشكورة

    ردحذف
  27. غير معرف12/28/2011 11:42 م

    حلوو مششاء الله

    ردحذف