30‏/03‏/2011

ماترحموهم..!



السلام عليكم ورحمة الله وبركاته 

فيه ناس في مجتمعنا أصدقاء أو أهل وزملاء طيبين جدا وعلى نياتهم زي مايقولون 
بس مساكين هذولي النوعية من الناس اذا كانوا عايشين مع ناس مايقدرون طيبة قلوبهم وصفاء نيتهم 
وكثير من الناس يستغل هذولي الناس لمصلحته وبدون مايكون فيه مقابل   
أعطيكم أمثله على هذولي الناس


في مكان العمل:
يستغلونه زملاء العمل في أنهم يخلونه ياخذ المناوبات بدالهم وهو المسكين ذوق بزياده وياكلها لحاله 
ويصير معروف بين الموظفين ان فلان حبيب وماراح يردك لو طلبته وصير كل واحد يخليه ياخذ مكانه في المناوبه 
كمان أول ماينزل راتبه المسكين يجونه الناس المصلحجيين ويابو فلان والله اني محتاج كم ألف عشان أقساط السيارة
طيب هوا المسكين ماعنده بيت ماعنده اولاد لازم يصرف عليهم..؟
ولما يجي وقت الاجازات يجونك المصلحجيين يابو فلان أنا بسافرلي كم يوم وراجع تكفى طلبتك عطني اجازة 
وطبعا هو ذوق وحبيب مايرد أحد ويعطيه اجازه ويزيد علية الشغل مسكين ولااجازة ولا سفره ولا بطيخ
والا يجي المدير اللي أعلى منو ويعطيه تهزيئة محترمه


في البيت:
أولاده يستغلونه ومايقدرون وضع أبوهم المادي 
البنت:بابا أبي لاب توب جديد 
الولد:بابا سويت حادث وسيارتي انعدمت يبيلها تصليح 
الزوجه:هذي السنه أبي أسافر لباريس اختي تمدحها بروح ايش ناقصني عنها
يابو فلان ابي خدامه وسواق مره تعبت من شغل البيت وابي اطلع واجي على كيفي 
الرجال توه راجع من البيت تعبان وزهقان تستقبله الزوجه المصورن أبو فلان ترا ماطبخت الغدا اليوم ودنا نتغداء برا وطبعا ماتدويه الا أغلى مطعم في الديره
وطبعا هو حبيب وطيب قلب وذوق وماراح يرد أولاده وزوجته وممكن يتسلف عادي ومحد داري عنه حتى كلمة (شكرا) مافيش 

  
مع الأصدقاء:
غير انه البنك حقهم ويتسلفون على كيفهم وبدون مايراعون الرجال 
غير:يابو فلان اليوم باخذ سيارتك ابيها ضروري والسيارة ترجع له يامصدومه والا ملعوب فيها لين قالت بس
وطبعا هو طبيب وذوق وماريرد أصحابه 


في المدرسة:
هذا لما كان لسا صغير شوفوا وضعة 
الطلاب يستغلونه ويخلونه يروح يشتري لهم من المقصف
يحل لهم الواجبات ويكمل دفاترهم
لو صارت مشكله يخلونه هو الغلطان ويتعاقب بدالهم  
وطبعا الولد ذوق واخلاق مخليهم على راحتهم


طيب النسخة الأنثوي من هذي النوعية:
أم فلان عطيني فستانك اللي لبسته في الزواج مره محتاجته والفستان يروح ولا يرجع والا انكب عليه قهوه وسلمي عليه
أم فلان أبي سواقك يوصلني وتراها مو أول مره دائما تطلب منها ومين ياكلها هي المسكينه تتأخر على البيت وزوجها يعصب عليها 
وطبعا بما انها ذوق وماترد أحد وطيبة قلب يبدون يمدحونها بس طبعا لمصلحتهم 
أم فلان تجنن ساعتك من وين أخذتيها 
هي لك   
أم فلان من وين شريتي شنطتك 
مقدمه 
أم فلان بلوزتك مره حلوه
ماتغلى عليك 
..................الخ 
والله مسكينين هذولي الناس طيب مانراعي طيبة قلوبهم..! ونشكرهم عليها 
أعتبرهم أكثر ناس مضهدين في المجتمع  
وأحسهم ناس مو قاردين يعبرون عن اللي جواهم   
عايشين لناس مو لنفسهم   
ملاحظة:الناس هذولي موجودين في كل مجتمع وأنا حاولت ألتقط كم صورة لهم شاركوني بصوركم عنهم

هناك 31 تعليقًا :

  1. غير معرف3/30/2011 8:14 ص

    يا حرام هالنوعية من الناس كنت انا مثلها . لكن الحين مازلت اعاني بس بحدود و أحاول كثر ما اقدر اخلي مصلحتي ما تتأثر بالموضوع ... بيني و بينج أحيانا الاقي نفسي بالدوامه هذي :(
    شكله بو طبيع صعب يتخلص من طبعه
    الطيبه حلوة لكن مو مع الكل و مو دايما .. يقولون سو خير و قطه بحر <<< ما اتوقع ينطبق ع الي المضطهدين بالمجتمع هههههه
    موضوعج حلوو و يشووق و اسلوبج بالكتابه يخليني استمر بالقراءه .. يعطيج العافيه و ان شاء الله موفقه
    تقبلي مروري ^^

    ردحذف
  2. صديقتي للاسف من هالنوعية تقهرني احيانا من طيبتها الزايدة قبل زواجها غيرت ستايلها تماما وكانوا البنات اللي معانا بالجامعة ملاحظين هالشيء ومتوقعين انها بتتزوج ويقعدون يسألونها بتتزوجين؟؟ وش اسم زوجها ؟؟بتسكن مع اهله ولا لا؟؟كم عدد خواته؟؟ وهي تجاوبهم وهي مقهورة من جوا من لقافتهم واذا راحوا قعدت تشتكي لي من لقافتهم اقولها صرفيهم تقول استحي احس عيب وبيوضح اني اصرفهم

    بس اشوا عقب زواجها تحسنت وصارت اقوى شوي

    يعطيك العافية نورا

    ردحذف
  3. :(
    موضوعك ع الـ جرح يــا قميلة ♥♥
    مرره يكسرون خاطري هذول الناس .. حتى احياناً أحاول الفت نظرهم ، خلك شوي اقوى .. قولي لآ !
    لكن طيبيين مرره يكون ردهم : لا يعني فلآنه ماتقصد ،عاادي ..
    أحياناً احسهم يكونون متضايقين من الشي بس مايقدرون يرفضون !

    وهالناس الطيبين الحبوبين مــايلاقون الا التعب من الناس المصلحجـيين :(
    احيــاناً يحتاجون موقف يصحيهم من اللي هم فيه > نصيحة مجرب P: ماكنت مرره طيبة .. لكن كنت افكر الناس طيبيين على نيااتي لين ماانضربت ضربة صحتني
    =)

    - تدوينة جَميلة بـإسلوب ، وَ فكر ..
    دمتِ مبدعة يــا جميلة ♥♥

    ردحذف
  4. غير معرف3/30/2011 10:48 ص

    نورا صادقة بكل كل قلتيها
    بس المفروض هالنوعية تستوعب شوي
    وماتسكت وتشوف إن حقها ينأخذ
    أما عاد تخيلي أدي واحدة فستاني وماترجعوا
    اساساً المفروض الطرف الثاني يحس على دمه شوي ويشوف إنو زودها

    ردحذف
  5. @Black Tulip

    اهلين خيتو
    ياالله كويس أحد رد على الموضوع من نفس النوعية
    وزي ماقلتي الطيبه حلوه لكن في ناس مايقدرونها ويستغلونها هذولي المفروض ماتصيري لطيفه معاهم دائما او على الأقل حاولي ماتحتكي فيهم عشان مايستغلونك
    الله يعينك خيتو ^___^
    منوراني وسعيدة قدا بتواجدك

    ردحذف
  6. @مبدعه

    اهلن مبدعه
    ياالله ايش هذولي لقافه ترفع الضغط لو انا من صديقك فشلتهم عشان يتأدبون
    تقولهم ترا أنا اللي راح أتزوج مو أنتو والله مايقدرون يردون عليها

    بس كويس ان وضعها تحسن بعد الزواج
    الله يعافيكي
    منوراني ياختي =)

    ردحذف
  7. @bovordia

    هلاوالله

    اصلا في ناس ماعندهم دم وخصوصا اذا صار اللي معاهم طيب وكريم مايقدرون هذا الشي
    وهذا الانسان الطيب غصب عنه هو كذا مايقدر اما حياء او مايحب يرد أحد

    الله يعينهم ويأجرهم على اللي يسوونه

    سعيده قدا بتواجدك ياختي =)

    ردحذف
  8. @Bayon

    هلين بيانو
    مره سعيده بتواجدك يابت

    :"(
    صحيح أحسهم مو راضين على أنفسهم مو عاجبهم وضعهم بس الحياء او مدري ايش يسمونه هو اللي يخليهم كذا :(

    تسلمين ياعسل
    منوره الحتى واللهي =)

    ردحذف
  9. موضوع على الجرح
    أعدتي لي ذكريات مريرة ><

    لأني شخصياً كنت من هالفئة والحمدلله تعلمت مع الوقت أقول " لا " بطريقة محترمة ~ أفضل إني أخسر هالإستغلالين ولا إني أخسر نفسي

    وخسرتهم لكني مو ندمانة ^_^ بس المشكلة هالفئة نادر ما تحس إن الناس تستغلها تحسب إن صج هم محتاجين وإن هي الحل الوحيد لهم علشان هيك ما تردهم << أسأل مجرب

    يا حسرة بس لما نكتشف الحقيقة المرة ><
    وترا مو سهل لما نرفض أحد بعد ما كنا ما نرد أحد ~ نحس بشي غلط ~

    وحابة أنصح كل شخص من هالنوع إن يسأل نفسه" هل فعلا هم محتاجين - هل أنا ملزم ما أرد لهم طلب - هل حياتهم بتوقف لما أقول لا" وبعدين يرد عليهم

    وتشكراتي لج نوارة
    على طرح الموضوع~وعذراً للإطالة
    ^^ وبإنتظار كل جديدج

    ردحذف
  10. ياطيبة ألبك ياعيوش واضح انك طيوبه مره
    بس حرام ليش الناس يستغلونك :"(
    من جد الناس مايستحون

    وهذا أحسن حل معهم انك تقولين لا
    وتأنيب الضمير هذا شوي وتنسينه

    عفونيات عيوشه
    لاعادي حياك الحتى حتتك
    نورتي =)

    ردحذف
  11. هالنوعية من الناس : عندنآإ بنت في المدرسـة زي كذإ ..
    اغلب الأيام اقابلهآ وانا داخلـة المدرسسة .. لما تشوفني تسلم وتشيل شنطتي
    وانا اقول لهآإ لا والله ما يسسير وتقول انا اوصلهإ مكآنك وتروح تتوديهآإ الفصصل ..
    وكمان في الفسسحة تجي تقول لنآ : انا اشتري لكم
    بس احياناً احنا نرفض ..


    بس هذي النوعيـة : في اللي تبغآإ تسآعد ..
    مو زي الأمثلة اللي ضربيتهآإ فوق انو الناس يسستغلونـة

    صرآإحة انا ما تعجبني هالشششخصيـة اببببببدنً

    والحممد الله هالميزة بعيدة عني ..


    :
    [ على فكرة : اضفتك عندي في قائمـة Blogroll
    .. وانتي كمان اضفيني عندك في قائمة اصداقائكٍ ]

    ردحذف
  12. الطيبة شيء جميل ،، لكن كل شي اذا زاد عن حده ينقلب ضده :)

    اللهـ يهدي المستغلين والمستغلات :(

    وفقكـ اللهـ وابعد عن كل مستغل ^^

    ردحذف
  13. @كرستآلـة

    اهلين كرستالة
    صديقتك حبوبه مره وذوق
    بس انتو مااستغليتوها وهذا من حظها انها مع ناس مثلكم بس ممكن لو مع غيركم راح تكون مثل اللي فوق

    من جد تحسين مالهم شخصيه ولا كلمة :(

    اضفتيني وين..؟!

    وحياكي خيتو
    منوره =)

    ردحذف
  14. حطيتك في مدونتي .. بقآإئمـة Blogroll
    للي بالجمب ..
    إن شآإء فهمتيني =)

    ردحذف
  15. اها((فهاوه
    ان شالله اضيفك تستاهلين والله
    من احسن وأقمل المتابعين للمدونة ^_^

    ردحذف
  16. مرحبٍـآ [ نورًا ]
    كيكٍ حآلـكٍ يً بـنتٍ !

    ||

    شسمهً وً الله موضوعسٍ اليومً ينحط ع الجرحٍ يبرآ
    كثيرٍ تلقين مثـلٍ كذَ في المجتمعٍ
    زي عندكٍ بنت عندنـآ في المدرسسـهٍ دآيم يخلونها البنات تشتري لهم من المقصفٍ
    و المشكله اذآ صعدت تجي وحده ثآنيه ليش مً قلتي ليً روحي اشتريً ليً
    وهيً يً عممممري ع نيآتهٍـآ تروح و تنزلً ثآنيـهٍ وً ثآلثهٍ

    صصصصصصصدقٍ نآسً قليلهٍ ذوًوًقٍ
    و [ شكرنٍ ] تطلع منهمٍ عقبً ايشٍ !
    استغفر اللهٍ بسسٍ

    وً وً وً
    بسٍ الحمدٍ الله مً القـآ هالشخصيه فيً قريبآتيً
    يعني احسٍ ينوكـلً حققهٍ
    وً مو قآدر يتكلمً و يعبر عن حآلـهٍ =(
    الله يكون بعون الجميـعً (FFF)"

    ^
    مدآخله بسسطيـهٍ
    اتمنىً تتقبلينٍهـآ عـآدً =]
    موفقـه يً بطهٍ =D"

    ردحذف
  17. مرحبتين ضيوفة
    تمام الله يسلمك شخبارك انتي..؟

    =(
    ياربيه مره تحزن هذي البنت اللي عندكم
    والبنات قليلات أدب مايقدرون والا يستحون على وجوههم
    ومتأكده لو هذي البنت تحتاج لهم يوم من الايام ماراح يستعدها أحد =(

    حياك انتي ومداختلك يابت
    طبعا مرحب فيك كل وقت =)

    ردحذف
  18. السلآم عليكم

    كيفك ؟ ان شاء الله تمام

    موضوعكـ ممتاز :)

    هالفئة من الناس مساكين ويعانون من الي حولهم

    ما آكثـر الناس المستغلين ما يصدقوا واحد طيب ويسوو مصالح ع حسابه لكن اذا احتاجهم نادرآ ما يساعدوا

    وهوا يا حرام ما يعرف يقول لا ولا يكسر خاطر احد ><

    انا احب اساعد الناس بس الي يستاهلون ومحتاجين مساعدة
    لكن لو واحد مصلحجي ويستغلني ومساعدته تضرنياكيد ما بساعده

    سلمتي اختي ع موضوعك الرائع واصلي ابداعك

    تقبلي مروري

    تحيــاتي ~

    ردحذف
  19. اهلين جويل وعليكم السلام

    الحمدلله انا بخير كيفك إنتي?

    الطيبة ومساعدة المحتاجين عمل كويس بس ماتكون على حساب نفسك او توصل لدرجة الاستغلال

    سعيدة جدا بتواجدك
    منوراني ياختي =]

    ردحذف
  20. سعدت جدا بموضوعك
    وسأضيف شيئا بسيطا جدا
    وهو أن المسألة ذات طرفين
    الإنسان البسيط (على نياته) والمجتمع من حوله
    وعندما نطلب ممن حوله التخفيف ومراعاة مشاعره فنحن ننظر من زاوية ضيقة
    لأننا لم ننظر لفهم الإنسان البسيط للقضية
    فقد نعامله بالرحمة والشفقة ونكتشف أنه يستمتع بكونه بسيطا بل ويعتبر نفسه ملائكيا وعالي الهمة
    بل إن أعتبر هذا البسيط كما يصفه المجتمع
    أعتبره قويا أقوى من غيره فهو في العمل أقوى من غيره
    وفي البذل أكرم من غيره
    واستنادا إلى الأيدولوجيا التي نشترك فيها وهي التدين
    يمكن اعتبار البسيط في الغالب ينهج هذا الأسلوب في التعامل من باب كسب الأجر والنظر للحياة على أنها سبيل بسيط نحو دار القرار

    هذا رأيي المتواضع لاأفرضه بل أطرحه على عقولكم النيرة وأنتم أعلم مني
    والله سبحانه أعلم



    مدونة المستشار..

    ردحذف
  21. اهلا بك اخي

    كلامك صحيح ولكن هذا الشخص البسيط لايدرك مايحدث حوله وان كل من حوله يريدونه فقط لمصلحتهم بل قد يعتقد انه صديقهم المفضل
    وهذا النوع من الشخصيات لا أظن أنه ينظر الى نفسه بأنه ملائكي او عالي الهمة
    بل هو يعتقد انه بذالك أدا واجبة واسعد الأخرين
    وفي الحقيقة هو ظلم نفسة

    الطيبة ومساعدة الأخرين عمل شريف لكن الشي اذا زاد عن حده انقلب ضدة

    أتقبل رائيك بل أراه صحيحا وقد ينطبق على بعض هؤلاء الأشخاص

    شكرا لك ولتواجدك =)

    ردحذف
  22. غير معرف4/08/2011 8:22 م

    نوره:
    الاشخاص اللي تكلمتي عنهم هم من سمح للناس باستغلالهم لو لم يكن هناك ضوء اخضر لما تجرأ عليهم أحد واستغلهم

    آمال الزهور

    ردحذف
  23. هم ضعاف شخصية ومايقدرون يردون أحد
    ولو حصل وردوا أحد راح يعيشون في صراع نفسي رهيب بينهم وبين أنفسهم

    هم مساكين لاأهم سمحوا لناس تستغلهم وهم مو حاسين =(

    سعيدة بتواجدك خيتو آمال ^^

    ردحذف
  24. هلا نونآآآ

    وربي انك صادقه .. قد مره صار لي موقف شبيه لكذا
    في المدرسة بنت جتني على طول ايمان ايمان حلي الواجب بليز بليز .. طبعا انا ماتمشي علي هالحركات
    وصحيح الطيبه حلوه لكن بحدود مو يستغلونها ..

    حطيت الدفتر ع طاولتها وقلت لها حلي انتي هع هع

    مساكين اللي على نياتهم ..مايدرون انو هالدنيا مايبيلها طيبه

    نورة تدوينة جميله .. سلمتي

    ردحذف
  25. اهلين ايمانو
    من زمان عنك يابت قلت يمكن تزوجت XD

    ايوه كذا خليكي شريره هااااع
    لا لاتصدقين اقصد لاتصيرين حبيبه على غير سنع

    الله يسلمك ويخليكي
    منوراني =)

    ردحذف
  26. والتعب زخم التعب لا إجا من قريب وعارف ظروفك
    نورا ..
    حديثك صادق
    والإنسانية مهدورة كثير في هالمواقف
    وأسوءها تجي للوافدين
    ذكرتيني بموضوع كتبته من فترة في مدونتي
    ( عزيزي المواطن )

    شكراً للفتتك الطيبة
    ورد أبيض

    ردحذف
  27. هلاوالله اختي صفاء
    ذكرتيني بالوافدين بجد يذقون الامرين هنا
    الله يعينهم ويهدي الناس اللي يعاملونهم باستصغار

    سعيدة جدا بتواجدك
    منوره ^_^

    ردحذف
  28. ص1

    انا كذا =(

    لدرجه وحده جتني بالمدرسه تقولي :انتي غبيه !!!

    انتي ما تاخذين حقك من البنات انتي تسمحين للبنات ياخذون دورك وانتي وانتي ...

    وانا مو قصدي ما اقدر

    بس مدري احس انو خلاص هي جت قدامي احترمها
    اذا احد قالي سوي جيبي احس ما اقدر ارده
    اكثر شئ بالمدرسه
    يقولون لي
    بالل نبي سلف فلوس ص1
    وبكرا نرجعها لك
    يجي بكرا يووووه نسيت الفلوس ابي اليوم بعد >_>ابوك انا!!

    بس مدري ما اقدر اقولها لا احس لازم اقولها طيب طيب


    زين انكم حاسين فينا

    وبس =(
    انيو

    ردحذف
  29. ^
    ^
    ياحياة الشقى :"(
    لازم تتعودين على أنك ترفضينهم خصوصا اذا كانو مايستاهلون واذا احتجتيهم مايساعدونك =/

    أما صحباتك والناس الطيبين يستاهلون كل خير
    وانا احسك متسامحه اكثر والتسامح صفحه جميله ^^

    شكرا لمشاركتك معي في الموضوع
    سعيدة جدا بتعليقك =)

    ردحذف
  30. غير معرف6/01/2011 1:48 ص

    السلام عليكم

    ردحذف
  31. وعليكم السلام =)

    ردحذف