28‏/06‏/2011

شيء من التقدم


السلام عليكم ورحمة الله وبركاته
كيفكم يالجميلين..؟
وكيف الاجازة معاكم..؟
ان شالله كل شي تمام

في خلال الفترة اللي راحت حسيت اني سويت اشياء مفيدة وانجازات عظيمة بالنسبة لي
وفي مجالات مختلفه 
اول حاجة في
المجال الجسدي :
بعد ماخلصت من الكلية صرت فاضية لنفسي بس اول شي رحت لدكتورة عشان اعالج بشرتي التعبانه
واعطتني علاج كويس واستمريت اخذة لمدة سبع شهور تركته الحين لي ست شهور تقريبا الحمدلله ماشفت ولا حبة مره ثانيه وصرت احط خلطات ووصفات عجيبات بس والله صارت تفيد بعضها
الشعر بديت اهتم فيه اول ساحبة عليه 
ازيتة واحنية هو مو سيء اول بالعكس ناعم وحلو بس من باب الاهتمام خصوصا جته فترة صار يتساقط 
غيرت الشامبو لشامبو طبيعي والحمدلله تحسن 
الجسم الله مااجمل شعور الخفة خخخخخ 
رحت لطبيبة تغذية وقالت لي اني زايدة كم حته عن وزني المثالي 
اخذت نظام غذائي منها وبديت امشي عليه في البداية كان يجيب الهم جوع وحالة وابي ايسكريم وابي شيبس 
بس مسكت نفسي شوي 
بديت امارس اشين رياضة عندي المشي لان الدكتورة تقول مفيدة للجسم والصحة وتحافظ على وزنك 
مع شوي من الرقص وبعض الحركات المساعدة
واخيرا وصلت للوزن المطلوب 
ردات فعل الناس احسن شي خخخخخ
اللي من زمان ماشافوني سلامات نوره وش فيك مريضة ؟
واللي يقولون ماعرفناك من بعيد 
واحسن شي اذا لخبطوا بيني وبين اختي بالعباية هع 
الملابس صارت وسيعه لكن تلبس عادي 
المحافظة على الوزن المثالي اصعب شي

من الناحية الاجتماعية:
الفترة قبل اللي راحت جتني عزلة غير طبيعية 
ماابي اطلع من البيت لو ان ماما تغصبني وتزعل والا كان مافيه امل 
مااطلع مااضحك ومستحيل اسهر مع البنات وفلة كذا 
اروح للبيت على طول 
الحين تحسن وضعي ورجعت طبيعية اطلع واروح ولو انه فيني هالنفسية لين الحين بس خفت كثير الحمدلله

من الناحية اللغوية:
دخلت المعهد بكمل كورس الانجليزي درست مستوى واحد ووقفت 
قررت اتعلمة لحالي شريت كم كتاب وجالسة اتعلم منهم مع بعض الدروس الخفيفة على النت واليوتيوب
هذي القناة حلوه الاخ ابو عمر يعطي نصائح ودروس خفيفة وجميلة 
اللغة الكورية درستها بجد اخذت دورة بسيطة على النت بس لسا ماكملتها 
شوي بعدت عنها الفترة هذي بسبب الانجليزية

من الناحية المدونية:
بديت اسوي دروس فيديو لتعلم الكورية على مدونتي لتعلم الكورية 
فتحت مدونتي الثالثة مدونة أسوة حسنة تتحدث عن اخلاق الرسول صلى الله عليه وسلم 
وتطبيقها في حياتنا اليومية
غيرت ستايل مدونتي شكرا حصوص اوني بنت عمتو على الهيدر الجميل والظريف كوماوا
وبما اني بديت احس اني صرت ماامون على مدونتي
قررت اكتب هالتدوينة وبحاول اكثر من هالمواضيع

تقريبا هذي أهم التغييرات الجميلة
امسكوا


هناك 42 تعليقًا :

  1. السلـآمً عليـكمٍ
    اشتقتلسسٍ كثييييييـر [ نورهـٍ ] =$"

    واللهٍ انسٍ بطططـلهٍ
    بالله مو حلو انٍ تهتميـن بنفسكس حبتيـنً
    بالذات من الناحيه الجسديهٍ
    حسيت انكٍ تغيرتي مره :D
    و ع البركه يً الوزن الثآلـيٍ
    خٍ خٍ خٍ
    حتى انتوً يخربطون بينكٍ وبين اختك بالعبآيهٍ =P

    ان ششٍـآءً اللهٍ تكملين كورس الـإنجليزيهٍ
    و الكوريه بعد يً ربٍ

    دعوآتيٍ لـكٍ (F)"
    وً دمتى محآظفه ع الوزن المثآلـيٍ ض1

    ردحذف
  2. الوزن ومادراك مالوززن
    اسسسمن بس مستحييل انحف قريت ان اللي فصيله دمهم O حالهم كذا الله يعيييين :S
    لك مسستقبل باااهر يانووره اعجبتني مدونه اسوه حسنه ق1
    وااصلي دائما من متابعينك =)

    ردحذف
  3. صراحة إنجازات حلوة

    وأعجبني اهتمامكِ بالرياضة بالعكس المشي والهرولة أفضل الرياضات بل هي الرياضة الصحية والمناسبة للكل الصغير والكبير الذكر والإنثى.
    وأنا من محبي الرياضة والمشي والله يخلي الممشى وصراحة أشوف الكثير من الجنسين ومن كل الأعمار
    الحمد لله انتشر مفهوم المشي والرياضة وأصبح منظر حضاري عندنا في السعودية وخاصة في الرياض.

    والمجالات الثانية جميلة جداً ويجب أن تنتبهي أختي لمسألة العزلة وتحاولي تتناقشين مع نفسي فيها.

    موفقة أختي.

    ردحذف
  4. @» ضيـۈنــہ‘

    هلا والله بضيونة
    انا اكثر ياالدوبية من زمان مره عنك بشري عن نتيجتك ^^

    ايييه ياختي تحسين انك جميله خخخخخ وانك مشهوره كل الناس يناظرون هع ((بزعم ماعرفوها هههههه

    ان شالله الله يعيني دعواتك ^^
    ودمتي كما تحبين =)

    ردحذف
  5. @H2.A.M.N

    لا والله تنحفين انا ماكنت كبر الباب عاد خخخخخ بس لما مارسة الرياضة مع الامتناع عن السكر والدهن خفيت كثير
    وفكرتي من الاساس ماكانت نحف كانت الاهتمام بالصحة واكل اكل مفيد
    وعلى فكرة فصيلتي او سالب ونقصت بسرعة بس انتي تحمسي وقولي خلاص لازم انحف يعني لازم خخخخخ((محد يكلم نفسة

    ردحذف
  6. @... سعد الحربي ...

    الرياضة حلوه بس انت تقدر تروح اي وقت ولحالك انا لازم معاي امي او ابوي فاحسب مزاجاتهم مااقدر اروح لحالي عشان كذا المشي كان شي اكرهه بس بعدي استسلمت لحوش البيت خخخخ
    صحيح كثير ناس صارو يمشون شي جميل والله بالرغم من تصحر الاجواء ><

    العزلة تحسنت الحمدلله وماوصلت لدرجة النفسية بس كذا احب اقعد كثير مع نفسي ^^

    وياك شكرا خيو =)

    ردحذف
  7. ماشاء الله عليكِ نوإأرتي < ض1
    صراحتن آنا أهون شيْ عندي ف الريإأضه أكيد المشي
    مع إني أبدا ماأمارسها ، لكن الله يخلي سكولنَا لوووول من كبرها أحسها ملعب : D
    بالتوفيق دإأيماً نورة :$

    ردحذف
  8. هَلآبِك نُورة .,
    إنجآزآتْ حِلوة والله
    صح إنهآ بَسيطة ...بصس صرآآحة يبيلهآ جُهد ليين تِتحققْ
    خآآصة الوَزنْ .. << صَعب يطلع بس صعب ينزل .,

    ربِي يسعِدكْ

    دمتي بخير

    ردحذف
  9. @ѕяαв

    هلاوالله سراب
    بالنسبة لي افضل السباحة بس ماعندنا مسبح على كيفي :\
    وياكي ياقميلة ^^

    ردحذف
  10. @عازفة الالحان

    هلا فيكي خيتو
    بسيطة بس بالنسبة لي قوية خخخخخ
    والوزن انجاز لحالة الحمدلله يارب

    آآآمين وياك =)

    ردحذف
  11. انجازات حلوه
    اعجبتيني باهتمامك بالرياضه
    المشي من احب الرياضات عندي،،باق الرياض تطلع عضلات بالجسم المشي ينزل كل جسمك بالتساوي هو احسن رياضه للمرأه
    ،،،تعجبني المواضيع اللي كذا لأن أحب اقرا سواليفك =)

    ردحذف
  12. شكراً عالوردة يا وردة ^^

    نواارة شي شي ~ خطوات جداً رائعة
    بالعكس إن أشوف إنها كبيرة ومو بسيطة
    وهالأشياء مو الكل يقدر يعملها يبغي لها جدية وتحدي النفس المحبة للكسل =)
    خاصة البشرة والجسم والشعر لأن هذي كله بينعكس على البنت مستقبلاً ، يعني لما الوحدة ما تهتم فيهم في المستقبل فعلاً راح تلاحظ تغيرات غير مرغوب فيها من كل النواحي << أسألي مجرب يا آنسة D=

    أما مدوناتك ~ فيعطيك العافية عليهم
    خاصة أسوة حسنة واايد حبيتها ..

    وعقبال الإنجازات الكثيرة والكبيرة إن شاء الله
    أمسكي "f"
    :)

    ردحذف
  13. وعليكم السلام ورحمة الله وبركاته
    الحمد لله كلو تمام
    كيفك انتي؟

    بالنسبة لجسمك شي جميل صراحه
    ان شاء الله تكملين كورس الانجليزي والكوري
    وتنزلين فيدوهات لتعلم اللغه الانجليزية بمدونتك الرابعه :p
    مدونتك اسوة حسنه جميييله <3

    كوني بخيير.

    ردحذف
  14. ياشاطرة أنتي عفية علييك ماشاء الله^^
    ارادتك قوية وممتازة >>وين يا أبلة! خخخخخخ

    تنقصني هذي الإرادة كثييراً، والا عندي اشيا كثيرة تنتظرني في جدول اعمال المتعطل (السيستم داون!)
    استمري كيذا والله يوفقك.. ويرزقني :)
    على فكرة أدري التعليق مدري وش يبي، بس ابي اخبرك انو تراااني قرييت تدوينتك هههههههههه

    دمتي أحلى نوره =)

    ردحذف
  15. غير معرف7/01/2011 7:16 ص

    هاي ياكرزه اخبارك ان شاء الله منيحه
    حلو هيك.. التجديد بالحياه يخلي لها طعم ثاني...
    برافوووو ياقمر...

    ردحذف
  16. مرحبا

    انجازات حلوة

    قناة ابو عمر اتابعها حلوة ومفيدة
    والله يوفقك

    ردحذف
  17. @سكتشات

    هلا سكتشات من زمان عنك يابت ^^
    المشي حلو بس مو في البيت :\
    صح المشي مفيد حتى للقلب والرجلين
    ياحلوك ياختي تسلمين ^^
    منوره ياالدوبا =)

    ردحذف
  18. @Awoosha

    امسكي ثانيه (f) ^^
    الحمدلله الله يعينا على الباقي((دعواتك
    على طاري الكسل هو اكثر شي مجنني بس الحمدلله مع الدعاء كل شي سهل =)
    اصلا سبب اهتمامي بجسمي هو بشرتي لانه بعد العلاج صارت انهبل اذا طلعت حبه ولا هالات فا صرت ابعد عن الدهون عشان وجهي الصبوح خخخخخخ

    الله يعافيكي لولا الله ثم تشجيعكم كان ماوصلت لهذي المرحلة
    آآآآآمين يارب
    شكرا عيوشة =)

    ردحذف
  19. @ĐǾΘǾΘŁЧ

    دوووم يارب
    وانا عايشة في هالدنيا الحمدلله ^^

    ان شالله ربك يعين
    تصدقين اني افكر بمدونة للغة الانجليزية لان احد اقوى الاسباب اللي ساعدتني في الكورية اني صرت اعلمها لناس((اقول لاتزودينها خخخخ
    انتي اجميل
    كوني بالقرب ^^

    ردحذف
  20. @iNaHOoLa

    اهلين استاذة نهلوه خخخخخ
    الحمدلله ان شالله ماتخلص بطارية هالاراده واخرب كل شي هههههه

    اسلفك شوي منها؟((صدقت نفسها الحين
    وانتي تعوذي من الشيطان وشوفي جدولك المزدحم تذكري لما تضعف نفسك شعور الرضى عن النفس لما تسوين اللي كنتي تخططين له عشور يستحق التضحية والصبر ((كني بديت اتفلسف

    لا ابدا بالعكس كل يوم علقي المدونة مدونتي خذي راحتك وفحطي متى مابغيتي خخخخخخ

    ودمتي احلي أبلة ^^

    ردحذف
  21. @♪[الريمـْــــــــــــآآ]♪

    اعجبتني كرزة دلع جديد شكرا ^^
    صحيح شعور رائع والله
    تسلمي منوره الحتى =)

    ردحذف
  22. @مبدعه

    اهلييين مبدعة ^^
    ايوه جدا رائعة الله يجزاه كل خير
    وياكي ياقميلة =)

    ردحذف
  23. غير معرف7/02/2011 9:09 ص

    انجازات رائعه حققتيها ماشاء الله عليكي
    استمري نوره

    ان شاء الله دووم في تقدم مستمر

    ردحذف
  24. تسلميييين ^^
    آآمين ربي يسمع منك
    شكرا ليكِ

    ردحذف
  25. مدونة حلوة اوي

    ردحذف
  26. شكرا ليكِ اوي ^^

    ردحذف
  27. غير معرف7/04/2011 2:01 م

    من زمان عنك
    تغيييرات خاتمتها السعاده ان شاء الله
    ماشاء الله عليك انجازات روعه
    استمري

    ىمال الزهور

    ردحذف
  28. اهلييين امال من زمان عنك والله
    تسلمين خيتو
    نورتي الحتى بعد وقت طويل ^^

    ردحذف
  29. ترآآآآآ (( اخذت الوردة ههههه
    نورآ انتي عظيمـة ( الله يحفظك)

    :.
    عملتي تغيرآأت حلوة وحمآأسيـة من اغلب النواحي
    واحسن ششي انك تهتمين بنفسسسك وكذآأ
    وَ بالمبآأرك الوزن المثآليَ

    .
    وً تغيرآأت [ قدعـة ] :)

    تحيتي \ كرستآله

    ردحذف
  30. اهلين كرستالة ^^
    بالعافية عليك الوردة خخخخ

    ايه والله تحسين انك وحدة كويسة اكوس شي
    الله يبارك فيك ادعيلي بالثبات عليه خخخخخ

    منوره ياختي

    ردحذف
  31. غير معرف7/09/2011 7:36 ص

    الى الامام دوما نورة
    الله يوفقك ان شاء الله ويفتح عليك

    ردحذف
  32. هلافيكي
    آآمين يارب من عندك لباب السماء ^^

    ردحذف
  33. ما شاء الله عليك يا نورة هذا وانتي تقولي شيء من التقدم!! من الناحية الصحية ما شاء الله أنجزتي كثير ما شاء الله.

    وبالنسبة للعلاج حق البشرة أعطيكِ معلومة بسيطة: كل الناس تستخدمه D:

    ردحذف
  34. ما شاء الله اشياء راائعة ،، حلو الواحد يشتغل على نفسه وبالذات لمن تكون في عدة امور ^ـ^

    يلا من احسن الى احسن ان شاء الله ،، والله يوفقك في كل الامور هاذي واكثر

    ردحذف
  35. هلا بأحسن نوره
    وبأزين
    وأجمل
    وكل شيء
    صزز صزز أنت مدوناتتس روووووعة

    لو إني قليل أرد وأعلق عليهن بس أحب أقرائهن
    أسلوبك ما شاء الله جذاب

    الله يبارك فيك ياحلوة

    ردحذف
  36. مرحبآ نوره ^^

    كيفك ؟ ان شاء الله بخير

    واااو بصرآآحه أهنيكي عـ الآنجازات الرائعه

    أحلى شي ان الواحد دايمآ يحاول يطور من نفسه ويستفيد من وقته في حاجات مفيده

    ما شاء الله عليكي أتمنى لكي المزيد من التقدم يَ جميله =)

    ردحذف
  37. غير معرف7/23/2011 7:47 ص

    أهلين نورة :)

    مراا حلو احساس التغيير والتجديد << عقبالي .. ^^

    سويت لي جدول وهيكـ لكـن للحين يترجاني أبدأ فيه :(

    انشغلت مع التقديم :(

    المهم ..
    ماشاء الله عليكـ انجزتي كثيير
    خصوصاً انكـ قدرتي توصلي لوزنكـ المثالي شيء راائع

    أنا ودي أنحف عن وزني المثالي شويتين عشان اذا سمنت ما أشيل هم :]

    إلى الأمام قلبي
    دمتي مبدعـة :)

    ردحذف
  38. ماشاء الله عليكي أختي الدافوره .. رياضه .. و إنجليزي .. و كوري .. ما أقول غير ربي يوفقك .

    لي أكثر من أسبوعين بأودي البسه للعيادة ماني قادر .

    أجمل شي إنك متابعة التطورات إلي في حياتك و مراقبتها ، يجي شعور بالرضى كل ما أنجزتي شي جديد .

    شدي حيلك .. و دعواتك أصير دافور زيك .

    عبدالله

    ردحذف
  39. @أوطـ الزمن ـار

    هلاوالله خيتو
    ربي يسلمك اخجلتي تواضعي والله ^^
    تواجدكم يخليها جميلة

    وياك حياك نورتي =)

    ردحذف
  40. @DARK JEWEL

    مرحبتييين
    الحمدلله بخير نحمدو ونشكرو كيفك انتي؟

    الحمدلله بفضل ربي ^^
    واتمنى لك المثل كمان
    نورتي

    ردحذف
  41. @yuommoktalef

    هلاوالله خيتوووو
    كيفك..؟

    ايه من جد تحس انك مفيد في الحياة
    ايه ياختي لازم تجيك هالحالة انا انحاس كل شي لما سافرت بس ان شالله بعد رمضان يرجع كل شي لمكانه الصحيح

    الحمدلله يارب كله بفضل ربي ^^
    ياهو يسبب ازمه هالوزن المثالي ان شالله احافظ عليه :\

    ودمتي جميلة ^^

    ردحذف
  42. ممتاز ماشاء الله،
    حلو لما الشخص ينتبه لنفسi لان حتي الجسد نعمة من الله و هبة منه لازم نحافظ عليها

    استمري وبرافو عليك والله :)

    ردحذف