03‏/09‏/2011

:""""(



السلام عليكم ورحمة الله وبركاته 


قدر الله وماشاء فعل له مااعطى وله ماأخذ
بالأمس في الساعة ثلاث واحنا جالسين في البيت في أمان الله كل واحد في غرفتة 
شوي اسمع صوت الخدامة تصرخ وتنادي انا من الربكة ماعرفت اتحرك 
الا لما طفى الكهرب عرفت ان الوضع صعب 
طلعت برا الغرفة طليت على الدور الارضي واذا بالكرسي اللي عند الدرج شاب نار نزلنا كلنا تحت 
حاولنا نطفيها مافية امل انا رقيت مرة ثانيه اجيب بطانيه 
اطفي النار فيها 
شي لايصدق والله في غمضت عين النار كانت صغيرة وببالي بلحق عليها 
لكن لما طلعت فوق ماحصلت بطانية جيت انزل 
واذا بالصدمة النار وصلت لين عندي 
منظر مخييييف ايقنت لحظتها اني ميته ميته لامفر 

فكرت شوي ارقى فوق السطح والا انزل 
وقررت اني انزل
اللحظة اللي انزل فيها من الدرج مو من حياتي كنت ميتة 
حرارة غير طبيعة والنار والشرار يلفحني
الارض بركان تحتي وانا حفيانه 
عيوني انعمت عمى مؤقت لاني مااتذكر شي
مااسمع مااشوف مااحس خلاص قلت نورة انت متي 
وافكر ربي اجرني من النار اجرني من النار 
كل تفكيري على شيين ايش بسوي في نار الاخرة 
وامي كيف بكون موقفها لو شافتني تفحمت 

قربت اوصل لكن في الدرجات الاخيرة فقدت السيطرة تماما 
وطحت طيحة عنيفة الا انا باخر الدرج 
امي ياعمري تحسبني برا طلعت مع خواتي لما شافتني انهبلت 
انا طلعت من غير مااحس لشارع واصرخ باعلى صوتي 
لكن للاسف وقت ظهر والناس نايمين 

اتصلت اختي على خالي وجا اخذنا ورحنا لبيت جدتي وجت المطافي وطفت الحريق 
الاضرار اللي نتجت حروق بسيطة في بطن يدي واطراف شعري 
لكن الحمدلله كله بسيط ومافية اي اضرار اخرى عظيمة 

انا على اعصابي ابي ارجع البيت ابي اشوفة ابي اطمن لكن اتصل خالي وقال الله يعوضكم 
بعدها بساعة رحنا للبيت كلللله صار فحممم
اسوووود كلش اسود الاثاث الابواب الشبابيك تكسر بعضها المكيفات ماعت 
اغراضنا ملابسنا كل شي اسووود 
منظر مخيييييف انهيار تام تحس بالضعف والعجز 
رحت غرفتي نفس الحالة اسود في اسود 
ملابسي اكسسواراتي اجهزتي سريري شناطي كل شي 
جلست ابكي فيها بعدين رحت امشي في باقي الغرف غرف اخواني وخواتي وابكي 
بيتنا راااااااح
شلت اغراضي الثمينة واللي احتاجها وطلعت 
خوالي وزوج خالتي وامي وخالتي جلسو يحاولون يمدون اسلاك لبيت الجيران عشان يشغلون الثلاجات عشان ماتخرب الاشياء اللي فيها 
بعدها رحنا عند جدتي 

شكلي احسن شي في السالفة وجهي اسود ولابسي وسخة 
وشعري طاير هههههههه 
ويديني فحم 
كأني مخترع طالع من مختبر بعد ماجاب العيد خخخخخ 
جلسنا انا واختي نهدي اعصابنا وخالتي الصغيرة ماقصرت معانا والله 
غسلت ملابسنا عشان نلبسها وسوت لنا كوفي نروق
وجلست تهدينا الله يخليها 
شوي وجو بنات خالاتي انا صياح يوم شفتهم 
وفي نفس الوقت امزح معاهم اقولهم تخيلو لو مت وش بتسوون ((بجلدوني 
جلسوا معانا وغيروا جونا تماما ضحك وسواليف 

صح ابوي مو موجود في الرياض ولما صار الحريق كان جوالة مغلق 
ولا يرد ولا رد الا متأخر عاد اتصل علي 
انا سمعت صوته انهيار اخر انا قلقانه علية اكثر واحد 
ويهديني خلاص يانورة بسويلكم بيت احسن منه 
ياحبي لك ياابوي ربي يطول في عمرك ويخليك لنا 

بعدها كملت مع البنات عادي 
ورحت مع بنات خالتي لبيتهم وتروشت وغيرت ملابسي اخيرا 
لاني كنت مااقدر اسوي شي من الحرق اللي في يدي يحرقني بشكل قاتل 
روقت وكذا وعادي نسيت كل شي وبدت افكر بالمحاسن في الامر وان ربي مايقضي امر الا بحكمة بالغة 

اليوم رحنا لجدتي اللي كانت تحسبة حرق بسيط بعدين انصدمت وقالت تجوني الحين اشوفكم 
مرنا ابوي واخواني ورحنا لها وصياح ودموع هي وعماتي 

اشكر كل اللي وقفوا معانا في هالمحنه 
بنات خالاتي رزان رغد غيداء هيفاء سارة وخالتي الصغننه لمى 
بنات عمتي العزيزات حصة وحنين وسارة 
عماتي وخالاتي بالاخص خالتي حياة اللي وقفت معانا هي وزوجها
خوالي العزيزين جدا لولا الله ثم فزعتهم كان رحنا فيها  

الجيران ماقصرتو عطيتونا كهربكم وهم مسافرين كلمونا وقالو البيت بيتكم احنا مطولين 
وعمتي بعد عندها استراحة قالت هي لكم 
شكرا لكم كلكم وجعلكم ماتشوفون السوء بحياتكم 
بنات خالتي اللي ضافيني انا واختي عندهم في بيتهم ومحتلة سرير غيداء بعد خخخخخخخ 
وادلع عليهم كل ماقالو شي قلت هيه انا محترقة راعوني ياحبي لهم بس والله جننتهم
ورغد غسلت شناطنا وملابسنا ونظفت الماك حقي وحطت لنا فرش والله شوي وتشيلنا من الارض ياجعلي مااخلا
وجدتي امي واخواني جالسين عندها 

حاليا النفسية تمام التمام 
كل شي تمام والحرق اللي في يدي خف وراح الالم 
والحين اكتب التدوينة على سرير غيداء واسولف واضحك معاهم وعادي 

على فكرة سبب الحريق كله اخوي معاذ يلعب بالولاعة وسوت كل هالحوسة 
لكن الحمدلله على كل حال من بكرة بنبداء نعيد ترتيب اغراضنا عشان ننظف البيت وترجع له الحياة مثل اول واحسن 

دعواتكم لنا وان ربي يعوض علينا بخير 
ويعينا وييسر لنا الامر 
ويشفي الحرق اللي بيدي 


حكاية الصورة اللي فوق لما دخلت غرفتي بعد الحريق كتبت على مرايتي بيتنا رااااح 
اليوم لما رحت للبيت لقيت بابا كاتب تحتها ان شالله اعوضكم احس منه 
ياحبي لك ياابوي ربي يخليك لنا ويطولنا في عمرك 

وياجلعلكم سالمين 

هناك 77 تعليقًا :

  1. سلامتكم الحمد لله !!
    مو مهم كل شي يتعوض اهم شي طلعتم سالمين الحمد لله !!

    خيرها بغيرها والله يعوضكم يا رب

    ردحذف
  2. غير معرف9/03/2011 4:22 م

    يا حيااااتي خيييره والله ما تدرين وينها فيه ... الحمدلله ما جات فيكم ... والله يصبركم ويعوضكم يارب ... والحمدلله ع سلامتكم ... تاثرررت .... الله يقويكم يارب

    ردحذف
  3. وعليكم السلام ورحمة الله وبركاته

    بسم الله عليك .. توترت في البداية =""

    الحمدلله على سلامتك و الله يرفع عنك الحرق

    ربي يعوضكم خير وييسر لكم ="")

    ردحذف
  4. الحمدلله على سلامتك يا نوره ...
    والله يعوضكم كل خير ...

    ردحذف
  5. ياللله .. الححححمدالله الححححمدالله يارب على سسسُلامتككم ..
    سسبحان الله .. شوفي كيف نار الدنيا ّ أجل نار الآخخره
    موقف لا يحسسد عليه صصُراح’ـه
    الحمدالله الحمدالله على سلامتكم ..
    وإنشششُاء الله يرجججع لكم بيتكككُم أزين من أول و يصصُير المووضضضوع عادي وتناممين على سسُريرك مو على سسُرير غيداء P:
    ويطططُيب ححرقك يارب (f)

    ردحذف
  6. الحمد لله على سلامتك اختي نوره
    قدر الله و ما شاء فعل
    الحمد لله انك بخير و عائلتك بخير
    و ربنا يعوضكم في ذلك كل خير ..
    صراحة شي مفجع :(
    جعلها الله اخر الاحزان باذنه تعالى
    و انشاء الله يشفى الحرق بسرعة..
    وجزا الله كل خير اهلك و اقاربك و جيرانكم الي ساعدوكم ..
    ادعي الله ان ييسر لكم امركم ..
    اهتمي اختي نوره بنفسك :)

    و يجعلنا دائما سالمين .

    ردحذف
  7. الحمدلله على سلامتكم
    معليش البيت يتعوض
    وكل أغراضك تتعوض
    لكن أهم شيء إنكم ما فقدوا أحد
    الله يجيرنا من النار
    والله يعوضكم يارب و يحميكم و يشفيكم

    ردحذف
  8. نورآ ، يآعمري أنا ="(
    ربي يعوضك انتي واهلك ي رب \
    أهم شي انكم سلمتوا من هذا الحريق ..
    وربي يشفي ويطيب حروق يدك ان شاالله
    ولا تشوفين شر بحياتك ي رب
    بس خليك واثقة في ربك انو ما يرسل الأقدار علينا إلا بحكمته سبحانه وان شا الله يكون فيه خير لكم ي رب ويعوضكم باللي أحسن ي رب ..
    الله ييسر أمرككم حياتي =(

    ردحذف
  9. غير معرف9/03/2011 6:03 م

    اهم شي الحمدالله على سلامتكم
    كل شي يتعوض .. الا انتو
    بس الي ابي اعرفه النار كيف وصلت للدور الثاني ؟ اذا كان البيت سراميك مافي فرش على الدرج كيف مشت النار ووصلت فوق :| ؟ وبعد وصلت لغرفكم , ياربي كش جلدي الله يجيرنا من النار آمين
    صح ان الواحد في مواقف زي كذا مايقدر يفكر كثير ويجيب حلول بسرعه , الخدامه ماكانت تقدر تجيب مويه وتطفي النار ؟ او هي كمان من الخلفه ماتدري وش تسوي ؟ اخوك الله يصلحه لاعاد تمسكونه ولاعات ولا كبريت :(
    المفروض في كل بيت تكون متوفره ادوات اطفاء الحريق .. بطانيه او طفايه ! الحمدالله انها جت سليمه ولا في خسائر بشريه
    والدفاع المدني ماشاء الله شكلهم ماوصلوا الا لمن شبت النار بالبيت كله وخمدت :/ !
    الحمدالله على سلامتكم ومأجورين ان شاء الله :)

    ردحذف
  10. ألحمدلله على سلااامتكم ,,اهم شي انتوا والبيت بكيفه حلالكم بيتنا بأهله :),كم عندي من نورة انا (L)

    ردحذف
  11. مع أني شفتك وقصيتي لنا السالفة
    الا اني وانا اقرأ الكلام قعدت اصصيح :""""""(
    الحمدلله على سلامتكم والبيت يتعوض ان شاء الله
    والله يشفيك ولا يوريكم مكروه ولاعد يمر عليك ولا حبيبنا ذا الموقف مرة ثانية
    الحمدلله الحمدلله 3> 3>
    حبي لي راس غيداء ورزان والله يجزاهم خير يارب ق١ق١
    > لا تنسين ولا تصرفين السالفة :P

    ردحذف
  12. نواااااااااااارة
    الحمدلله على سلامتك يا قلبي

    للحين مو مصدقة إن اللي صار لك صدق
    أحسه فلم ~ تصدقين وأنا أقرا أقول الحين بأي لحظة نوارة بتضحك وبتقول لا تصدقوني تراني أمزح معاكم ~ لكن كل شي حقيقي وصار لك

    وللحين مو مستوعبة ~
    الحمدلله الحمدلله إنه حماك
    وربي يعوضكم إن شاء الله
    وأخوك هذا الله يهديه بس مو منه من اللي حط الولاعة في مكان قريب للاطفال~

    أهم شي سلامتكم والباقي كله يتعوض بإذن الله
    والله يخلي لك أهلك كلهم وجيرانك بعد ما قصروا جزاهم الله خير ~

    وإن شاء الله تتشافى يدك وتمر الايام ويكون الحادث ذكرى من الماضي ~ وربي يعينكم ويصبركم

    والحمدلله على سلامتكم ~

    ردحذف
  13. الحمدلله على سلامتك نورة
    والبيت يتعوض اهم شيء انو ماصار لكم شيء

    ردحذف
  14. غير معرف9/04/2011 9:30 ص

    يا عمري :"(
    نوورة يا قلبي الحمدلله على سلامتكم..
    الحمدلله على كل حآل ~

    ردحذف
  15. غير معرف9/04/2011 9:41 ص

    الحمد لله على سلامتكم

    ردحذف
  16. الحمدلله على السلامة ، وكل شيء يتعوض بإذن الله ، والحادثة هذه تعلمكِ أشياء كثير منها أن النار فعلاً مو شيء بسيط ، وغير كذا أكتسبتي خبرة لا قدر الله بالمستقبل لو حدثت اشياء زي كذا .

    ردحذف
  17. @Modidoody

    ايه والله الحمدلله على كل حال :"")
    آآمين شكرا مودي :)

    ردحذف
  18. @غير معرف

    ياربي لك الحمد
    الله يجزاك خير :")
    ويسلمك ويخليك

    ردحذف
  19. @Raneen

    الله يسلمك ياختي
    آآآمين جعلك ماتشوفين مكروه بحياتك :"")
    شكرا رنو ^^

    ردحذف
  20. @فاتن-SaudiGreenDream

    الله يسلمك ياعسل
    آآآمين الله يجزاكي خير =)

    ردحذف
  21. @DiDi :$

    ايييه الله يجيرنا من النار :""""(
    حرارة غير طبيعية ياربي لاتعاقبنا

    الله يسلمك ياختي
    هههههههه ياحبي لك اهم شي سريري
    ايوه ان شالله كل شي بيتعدل ويصير احسن من اول ^^

    شكرا ياجميلة ربي يخليكي
    تعليقك خلاني ابتسم جد ^ـــ^

    ردحذف
  22. @jion

    الله يسلمك يارب
    ايوه الحمدلله على العافية هذا اهم شي
    آآآمين يارب
    والحرق الحمدلله الحين تمام التمام باقي تتفقع الكورة واصير احسن شي ^^

    ايه الله يجزاهم بالجنة والله ماقصروا يكفي الدعم المعنوي والنفسي اللي اعطوني اياه الله يعافيهم

    ربي يخليك ياختي
    ويجزاك خير ^^

    ردحذف
  23. @мëмό-тόмâ

    الحمدلله على كل حال
    راضين باللي ربي كتبة
    صحيح الفلوس تتعوض بس الروح لين راحت مارجعت
    آآآآآمين الله يعافيك ولايفجعك على غالي :)

    ردحذف
  24. @Nana Violet.. ♥

    :"""")
    امين ربنا يسمع منك
    الحمدلله على السلامة والعافية
    حرقي تمام الحين والحمدلله ماجت في وجهي والا طلعت فحمة خخخخخخ
    الشر بعيد عنك ان شالله

    ايوه مؤمنه فية سبحانه وان حل شي قدرة لحكمة والله هذا اللي مصبرني ايماني انو الجاي احسن من اللي راح وانه ممكن تكون تقطة تحول لحياتنا للافضل والله أعلم

    آآآآمين يارب الله يجزاك خير ياختي ^^

    ردحذف
  25. @غير معرف

    الله يسلمك يارب

    هو خلف النار شجر زينة شبت فية وكمان صواني وطاولة خشب وكرتون شمغ وزوالي كلها شبت وتصاعد الدخان الاسود وانتشر في كل البيت وصارت الدنيا سوااااد

    في هذيك اللحظة تحس انو الوضع مو مرة صعب وفي نفس الوقت العقل يوقف عن التفكير حتى الحواس توقف عن الاحساس وكل شي مكتوب ومقدر انو بيتنا كله يفحم

    بيتنا مافية كبريت ولا ولاعه بس شاريها اخوي هذا العيد عشان الالعاب النارية ورحنا فيها

    المفروض بس ماتنفع كلمة لو والا المفروض الحين خلاص

    لابالعكس الله يجزاهم خير في دقائق جو بسرعه بس احنا تاخرنا مااتصلنا بسرعه عليهم

    الحمدلله على كل حال :")

    ردحذف
  26. @Razna

    ياحبني لكم كل ابوكم من ابوكم لاخوكم
    تدرون انكم اطلق ناس عرفتهم والالا؟؟؟ ((موتي
    طبعا هي وحدة اللي هي تصير انا ((برا انتي وياها ولايكثر خخخخخخ

    ردحذف
  27. @Hessa

    حصوص ياحبي لك يافتاة
    لاتبكين خلاص احنا بخير وشفتي خشتي مابها الا العافية خخخخخ
    الله يسلمك وان شالله اخر الاحزان على العائلة كلها :")

    ابشري بحبهم لك ههههههه
    كوماوا اجومونتيم نوووومووووو سارنغهيوووو ^^

    ردحذف
  28. @Awoosha

    الله يسلمك عواشه :"""""")

    حتى انا احس اني احلم لين اليوم
    اقول يارب اني احلم كلنا نحس انه مو صدق

    لكن الشكوى لله هذا اللي حصل
    اخوي لو ان الولاعة في جحر ضب بيجيبها اخوي واعرفة والولاعة مو قريبة عنده لكن شي ببالة وبيقلد

    ايه الله يجزاهم خير ماقصروا كلهم فيهم الخير :")

    ايدي تمام الحين ايوه الايام بتمر وتصير ذكرى قديمة ويكبر معاذ ونقولة السالفة واحنا نضحك ويصير لحظتها هو اخونا الكويس اللي نعتمد علية :""")

    شكرا ياختي ربي لايخليني من طيبة قلبك وكلامك المريح :)

    ردحذف
  29. @Hannunie

    الله يسلمك حنان :")
    الحمدلله كل شي مقدر ومكتوب قبل مانجي لهذي الدنيا
    شكرا خيتو

    ردحذف
  30. @غير معرف

    الله يسلمك يارب :")

    ردحذف
  31. @محمد الحقباني

    الله يسلمك اخوي محمد
    من ناحية اني تعلمة فاتعلمت معنى كلمة انتشر بسرعة انتشار النار عرفت فعلا كيف النار تنتشر وبطريقة مخيفة سريعه واخذنا خبرة على قولتك وان شالله ماينعاد هذا الحادث علينا مرة ثانية :")

    الله يجزاك خير محمد

    ردحذف
  32. يؤ =(
    وربي مدري ايش اقوول عاايششه جوو وانا اقرى
    حسسيت بموققفك من جد مرعب :s
    اهم شي ان كل العائله بخيير ومافي اهم منهم ♥
    ربي يعوضضك بكل ششي

    ردحذف
  33. لاتقولي حاجة بس دعواتك لنا وانو ربي ييسرلنا نرجع بيتنا الجميل مثل اول واحسن ^^
    ايه العافية قبل كل شي الحمدلله :")
    آآآآمين يارب
    شكرا خيتو الله يعافيك ويسلم ^^

    ردحذف
  34. غير معرف9/04/2011 6:18 م

    نوووووووووووووووااااري

    سلامتكم و الله ما تشوفوا شر يا رب

    ما اتوقعت أنه أنتي لما قالت حصة ( rain__song‏ )

    كل شيء يتعوض الا الأرواح و الحمد لله ع سلامتكم

    و الله شيء يخوف مررررا يعني فعلا لما يقولون الحريق ف 5 دقائق ياكل كل شيء

    ما كنت أصدق دائم أقول يمديني أشرد أو أطفيه

    سبحان الله

    أهم شيء أنكم بخير

    و سلامتك يدينك إن شاء الله تتشافين بسرعة

    و الله يعوضكم خير و احسن منه

    و كل شيء يسير قضاء و قدر و لعله خير لكم

    كل شيء يسير بحكمة

    ما احد يعرف اش ورى قضاء الله من حكمة

    و الله يرجعكم لبيتكم عاجلًا غير أجل في صحة و سلامة

    و نشوفك دائم ف سعادة و خير يا رب

    ,, أختك

    ردحذف
  35. الله يسلمك يارب
    ايه النار ماتلعب بغت تاكلني ذاك اليوم لولا لطف ربي
    الحمدلله على كل حال وانكتب لي عمر جديد

    وبيتنا راح يرجع احسن من اول انا اعتبره ترميم للبيت وتجديد له :")

    الله يجزاك خير ماتقصرين شكرا لدعواتك الطيبة :")

    ردحذف
  36. غير معرف9/05/2011 6:11 ص

    سبحان اللله واللهى فييها خيررره
    الله يعّوضكم ياربي والحمدلله على سلامتك اللبيت يتعّوض

    ردحذف
  37. نووررررررة الحمدلله على سلامتكم..
    الحمدلله على كل حآل كل شي راح يتعوض ..

    ردحذف
  38. @سر التفائل

    الحمدلله على كل حال :")
    آآآمين يارب الله يسمع منك

    ردحذف
  39. @هند عبد الله

    الله يسلمك ويخليك :")
    ايه الحمدلله
    الله يجزاك خير

    ردحذف
  40. قدر الله و ماشاء فعل
    الحمدلله على كل حال
    و الله يعوضكم بكل خير
    مابعد عسر إلا يسر بإذن الله

    كل الود لكِ ي عسسل

    ردحذف
  41. لاحول ولا قوة الا بالله :(
    الله يعوضكم يَ رب
    والحمدلله على سلامتكم اهم شيء ماصار لكم شيء
    اما البيت ربي يعوضكم ان شاءالله
    وربي وانا اقرا السالفه ابداً مو مصدقه اقول ذي من جدها تتفاول على نفسها واهلها =$
    ولمن قريت اخر شيء صارت من جد :(
    الله يعوضكم يِ رب

    ردحذف
  42. @ℓσłliρσρ g!rℓ

    الحمدلله على كل حال :)
    آآآمين يارب
    الله يعافيك ويجزاك خير :")

    ردحذف
  43. @كشه منفوشه

    الحمدلله على كل حال
    ايوه كاني في فلم انا نفسي مو مصدقة اللي صار لين اليوم

    الله يعوض علينا ولعل في الامر خيرة :")
    الله يجزاك خير ويبعد عنك كل مكروة

    ردحذف
  44. الله لطف فيكم والحمد لله على سلامتكم .. المال يتعوض يابنتى بس الصحة ماتنشرى بكنوز الارض .. الحمد الله اللى حفظكم ورعاكم .. ويعوضكم خير

    ردحذف
  45. الحمدلله على كل حال
    راضين باللي كتبة ربي ^^
    والله يعوضنا اخير منه

    ردحذف
  46. غير معرف9/08/2011 5:51 م

    عندك أب بالدنيا
    هههه تدرين كله كووم ولما قريت إللي ابوك كاتبه مابعرف ليش بكيت
    بجد بكيت من قلب
    وااه ربي يخليه لكم ولا يحرمكم منه
    الله يعوضكم بيت أحسن منه وسلامت إيدك ..

    ردحذف
  47. الحمدلله على سلامتكم , أهم شي انكم بخير وسالمين
    والله يعوضكم خير والله يطول بعمر أبوك ويعوضكم
    بإذن الله وعونهـ

    ردحذف
  48. @غير معرف

    الحمدلله الله يخلية ويطول بعمره
    آآآمين يارب
    الله يجزاك خير
    ويبعد عنك كل مكروة ^^

    ردحذف
  49. @мαd нαттeя ♣

    ايه الحمدلله على السلامة والعافية هذي مالها بديل
    آآآآمين يارب
    الله يجزاك بالجنه :")

    ردحذف
  50. يااااعمرش :")
    وربي عيوني دمعت وأنا أقرى كلامك ..
    الحمد لله على سلامتكم ..
    أجر وعآفية نورة ..♥

    "وبدت افكر بالمحاسن في الامر وان ربي مايقضي امر الا بحكمة بالغة"
    هو كذلك نورةوأكثر
    دُمتِ بخير وعآفية .

    ردحذف
  51. الله يعافيك بشائر
    والحمدلله على كل حال :")
    ودمتي جميلة ^^

    ردحذف
  52. =(
    الحمدالله على سلامتك وأهلك " نوير "
    و الله يعوضكم خير ..
    كل شي مكتوب ومقدر /الحمد الله على كل حال
    أهم شي سلامتكم / الله لا يضركم ،

    ردحذف
  53. الحمدلله على كل حال ^^
    آآآمين يارب
    الله يبعد عن حياتك كل مكروة =)

    ردحذف
  54. غير معرف9/11/2011 11:23 ص

    لا حول ولا قوه الا بالله , الله يحفظكم من كل شر

    ردحذف
  55. آآآمين الله يجزاك خير :")

    ردحذف
  56. غير معرف9/11/2011 10:06 م

    ياقلبي عليكـ :"(

    كل شيء مكتوب ومقدر ..
    كربة وتزول ان شاء الله

    بس أهم شيء طلعتوا منها سالمين ياقلبي

    وما تدري لعلها خيرة ..

    الله يبعد عنكم كل شر يارب

    ردحذف
  57. الحمدلله على كل حال :")
    ايه صدقتي السلامة اولا ((محد متأثر خخخخخ

    الخيرة في مااختارة ربي
    آآآآمين يارب الله يجزاك خير خيتو مشاعل ^^

    ردحذف
  58. الحمد لله على السلامة .. والله سعيد بأنكـ بخير . وكل يتعوض .. المهم إنت وأهلكـ بخير .." ومن أجمل ما في القصة " المراية :) كلام حلو جداً :)

    ردحذف
  59. الله يسلمك ويخليك خيو
    الحمدلله صحيح كلش له بديل الا الصحة
    ^^

    ردحذف
  60. نوره ياقلبي والله اقرا كلامك والدمعه بعيني
    الحمد الله على سلامتك وسلامة اهلك
    والله يوعضكم احسن منه يارب
    ربي يخليلكم بابتكم ويحفظه لكم يارب ^
    والحمد الله على سلامتكم ^^

    ردحذف
  61. :""") الحمدلله ياختي هذاني قدامكم اضحك وبخير وبكامل قواي الصحية
    حتى ابثرتكم بتويتر خخخخخ

    الله يسلمك يافتاة
    والله يبعد عنك السوء
    آآآآآآمييين وكل الاوبهات في العالم

    ردحذف
  62. يمممه الحمدلله علا سلامتكم

    والله ارتعت يوم شفت بداية الموضوع

    الله يعوضكم بالافضل منه

    وماتشوفين شر يانورا

    ردحذف
  63. الله يسلمك ياختي :")
    آآآمين الله يجزاك خير

    الشر بعيد عنك يارب

    ردحذف
  64. يـآعمري انتـوا .. الف الف الف الحمدلله ع السلامة ..

    و البيت يتعوض ان شاءالله .. اهم شي كللللكم طلعتوا من البيت سليمين الحمدلله يارب ..

    ربي يعوضكم بأحسن منه خير و ييسر اموركم يارب ..

    ردحذف
  65. يؤ يؤ يؤ يؤ هذا كله صار وانا مادري سلامتك نورتي ♥ الله يحفظك أنتي وأسرتك ..! أهم شئ انكم بخير والحمد لله ربي يحفظكم ويعوضكم أحسن وأحسن يارب ♥
    أشتقت جدا لمدونتك وتدويناتك ♥

    ردحذف
  66. سلآمتك يا حبيبتي =(

    الحمدالله على سلآمتكم

    الله يعوضكم احسن منه ان شاء الله

    آهم حاجه انك تدلعي عليهم برآحتك آستغلي الموقف خخخ

    فايتنغ ^_^

    ردحذف
  67. @ري ري

    :"(
    الله يسلمك يارب
    الحمدلله ان احنا حيين نرزق
    آآآآمين الله يسمع منك ويجزاك خير

    شكرا ري ري :")

    ردحذف
  68. @MARMAR

    شفتي كيف :")
    ايوه العافيه قبل كل حاجة

    ماتشتاقين لغالي ياجميلة
    نورتي ياختي ^^

    ردحذف
  69. @JEWEL

    الله يسلمك ياختي :")
    الحمدلله على كل حال

    آآآمين يارب
    هههههههه اكيد لاتوصين حريص تدلعت لين طفشتهم

    كمساميدا ^^

    ردحذف
  70. :'''''(
    ياحياتي انتم والله :( انصدمت من الخبر قطعت فترة عن النت وتو شيكتا عليه وقريت تدوينة الشقة وارتعت وجلست اكمل لحد ماعرفت السالفة
    الله يكون في عونكم والحمدلله ع سلامتكم ، في البيت ولا في احدكم
    والله يعوضكم باللي احسن منه يارب ، جزاهم الله كل خير كل اللي وقفوا معكم وساعدوكم والله يطول لكم بعمر الوالد ويحفظكم لبعض ويرزقكم بيت احسن منه ، نورة سامحيني والله أسفة ماعرفت الا تو واحس بضيقة وفشلة خانقتني العبرة وقسم أسفة اني مو صديقة صاحية أسفة :(
    الله يعوضكم ويعينكم ، سارنييه :'( 3>

    ردحذف
  71. هلاااا واللله لج لج

    شوفتي كيف رحترقنا واحترقة كشتي خخخخخ
    ايه انا فقدتك عن المدونة بس قلت يمكن ضيعة الرابط او شي كيفك يافتاة؟

    آآآمين يارب والله يسلمك ويخليك
    لاعاديي اصلا انا اللي قاطعة واخباري ماتوصل للعالم
    ماتزعليش حالك ^^
    آآآمين نا دو سارنييه

    ردحذف
  72. ياقلبي
    مرور سريع على المدونة بس لفتني التعليق في الأخير ورجعت أقرأ التدوينة

    ياجعله تكفير اللي أصابكم والحمد لله على سلامتكم فردًا فردًا

    والله يحفظ لك الوالد

    الموقف صعب

    ردحذف
  73. الحمدلله على كل حال
    والحين نسينا الحادثه والحمدلله جالسين نصلح ونعدل والامور ماشيه ^^

    شكرا لمرورك ودعواتك =)

    ردحذف
  74. آخر من يعلم!!
    نوووره ياقلبي الحمممدلله على سلامتكم والله يعوضكم :"(
    يختي خيرة ان شاء الله ماتدريين، والله وانا اقرا نزلت دمعتي :"(
    الله يخلي لك اهلك ولايحرمك منهم..

    فايتيينغ نوره ^^

    ردحذف
  75. هلاوالله أهم شي أنك دريتي خخخخخ
    الله يسلمك ياعسل :)
    آآآآمييين ويخليلك أحبابك ،، الحمدلله على كل حاجة

    كوماوا أوني ^^

    ردحذف
  76. اللهم اجرنى فى مصيبتى واخلفنى خيرا منها ..
    اللهم اجرنى فى مصيبتى واخلفنى خيرا منها ..
    اللهم اجرنى فى مصيبتى واخلفنى خيرا منها ..
    الله يعوض عليكم ان شاء الله بالأحسن, وعليكِ بالصبر و الدعاء ..

    ردحذف
    الردود
    1. اللهم امين الله يجزاك خير :")

      حذف