15‏/04‏/2012

أكوابي :$


السلام عليكم ورحمة الله وبركاته
كيفكم ياالحلوين..؟!
ان شالله بخير

كتبت مره في تويتر اني أفكر أسوي مشروع خاص فيني منها املاء فيه وقت الفراغ ومنها نكسب من ريال ونطلع المواهب وكذا
جاتني أراء كثييييرة
بس الأغلب أن يبيلها رأس مال وأنا صراحة أبي أبداء من نفسي بدون استعانه من وزارة المالية "أمي و أبوي"
وفيه ناس قالوا شوفي أنتي أيش مبدعة فيه وأعملي منها حاجات
جات صديقتي لجين وقالت لي أنه مشروع بيع أكواب تطبعين عليها تصاميمك حلو
ومن هنا لمعة فكرة براسي ليش ماأرسم على الأكواب أسهل وأوفر طريقة ولو مانجحت عادي الخسارة قليلة
اليوم الثاني على طول رحت وجبت الألوان والفرش >> حماس


أول مره كنت خايفة شوي خصوصا ان هالالوان لما ترسمين فيها مستحيل تروح خلاص
أول مره جربت على الفنجال سويت هذا الشي الظريف وماكان عندي الا فرشة مربعة عشان كذا خشته غبية شوي خخخخخ


ههههههههه شكله يضحك عيونه مربعه بس مو مشكلة أول تجربه وصراحة آل تويتر وآل انستاقرام يشجعون الواحد يخربط ويوريهم
بعد ماشريت الفرش أخيرا بجميع الأحجام بدأ الشغل الحقيقي
رسمت البنوته على الجهه الثانيه >>مادرت أمي أن فناجيلها راحت في خبر نورة وخرابيطها


>>أتحداكم وين مصورتهم فيه؟
هذي كان عليها لايك كثير في انستاغرام وتعليقات الله يسعدهم من جد تشجعت من بعدها
ورسمت هذي البسه القميلة
طبعا هذا كوب معفن وشخبطت عليه عشان ما نتشرشح هع


اليوم الثاني رسمت هذي من الجهة الثانيه


هذي عجبت الكثيرين عكس ماتوقعت
أمس شريت ثلاث أكواب بيضاء سادة
اليوم رسمت هالقطو مدري النمر المحشش


وشربت فيه شاهي أخضر
وريته امي وأبوي وعجبهم جدا


هذي الألوان المستخدمة
مشكلتها الألوان محدودة فا أضطر أخلط الألوان عشان أنتج اللون اللي أحتاجه


وسلامتكم
وش رايكم صدق؟
ينفع كا مشروع تتوقعون ينجح؟؟
يعني ممكن تشترون أكوابي والا ماتستاهل؟
جاوبوا على الاستفتاء اللي على جنب لاتخافون ماراح أعرفكم خذوا راحتكم
أمسكوا

هناك 41 تعليقًا :

  1. غير معرف4/15/2012 10:22 ص

    مره جميله الأكواب والفكرة *.*
    أتوقع بتنجح لأن تعرفين الأكواب
    الناس هابين عليه كل يوم ويوم شارين كوب D:
    وأعرف وحده زيك تحب ترسم وكذا وعملت مشروع
    ترسم على جزم سادة بيضاء وكل شيء غير يعني فلات سبورت ..الخ
    ونجح صدق وكثير أعجبهم حتى أنا شريت منها خخخ
    وتقول لي أن من خبرتها بهذا المشروع أهم شيء تسألهم يعني ايش انتم تبون
    عشان ما تسوي شيء ولا يعجب أحد وتخسر بس هذا طبعًا يكون بعد ما تسوين مجموعة
    زي مثلًا وحده تبي كوب عليه شخصية من "انمي" يعني مستحيل يصير بالسوق
    فتطلبه منها .. آسفه طولت عليك بس تحمست ^.^ يا رب يوفقك وينجح المشروع

    ردحذف
    الردود
    1. تسلمين كلك ذوق ^^
      ان شالله الله يسمع منك ياختي

      ماشالله حلو مشروعها صديقتك والله
      الله يوفقنا وياها
      ايوه طبعا هذا اهم شي اني أسألهم عن طلبهم

      شكرا لتواجدك وتشجيعك
      نورتي ^^

      حذف
  2. بسم الله ماشاء الله
    اكيد بينجح يا نورة
    جميل ان يكون للمرء موهبة ويستخدمها بعد
    واصلي لك تشجيعاتي
    وابي اشوف اخر التصاميم اوك؟ ^_.

    ردحذف
    الردود
    1. تسلمين خيتو خولة
      شكرا للطفك وتشجيعك
      ان شالله ابشري ^^

      حذف
  3. غير معرف4/15/2012 12:23 م

    ما شاء الله مشروع ناجح و فكرة حلوه جدا أهنيج عليها
    استمري و على فكره الرسومات حدها كيوت و تشوق ولو اعرف عنوانكم
    انااول المشترين لاني حابه الرسومات و احب اجمع بالاكواب ..

    ردحذف
    الردود
    1. يازينك ياختي
      كلامك شجعني كثيييير والله
      ان شالله لما احسن من مستوى رسمي شوي وكذا
      ان شالله راح أسويلك كوب على مزاجك

      شكرا كثير كبير ^^

      حذف
  4. ابدداااع خووورافي نوووره شيء خيالي ماشاء الله عليك
    جد مشروع جديد وحلو واول مره اشوف حد بالنت يرسم على اكواب
    ان شاء الله تستفيدين منه وتسيرين احلى رسامه على الاكواب ان شاء الله
    ابدعتي جد الاكواب كلها اعجبتني رسمك كله حلو
    واول فنجان بعد حلو مدري ليش ماعجبك يمكن عشان عيونه مربع هع
    بس حلو بديتي بدايه حلوه وغيرتي شوي من شكل الفيس
    اول ماشفت الصوره قلت WOoOW بس لمن قريت كلامك العيون مربع جلست اضحك هع
    مع ان شكلها مو واضح وزي ماقلت لك ابداع من البدايه لازم الواحد يغلط في شغله ^^
    بس ماشاء الله عليك رسمك حلو شويه ووقت وتتحسنين اكثر برسم على الكوب
    ...
    عندي راي حبيت اقوله لك يمكن تستفيدين منه بالرسم على الكوب والمشروع حقك^^
    في الاول قبل لاترسمين الرسمه
    جيبي دفتر يكون خاص لرسمك على الاكواب بسسسس وارسمي كوب وارسمي فيه الافكار اللي تجي على بالك عشان اكيد بتجيك افكار كثيره وماتلحقين ترسمينها على كوب بنفس الوقت ^^
    او اطبعي لك شكل اكواب من النت وخليها نوته كلها اكواب ومنها كل يوم تحاولين ترسمين على كوب شكل جديد ^^

    ورود , اشياء كيوت , ...الخ
    وافتحي التمبلر وشوفي من هذي الصور الكيوت اشكالها تجنن وسوي زيها
    عندك الفلكر بعد في ناس يحطون فيه صور حلوه انتي شوفيها واقتبسي منها افكار او يمكن تلهمك بافكار ^^
    ^^بدايه الين ماتسيرين فنااانه بالرسم على الكوب^^

    وسوري شكلي ازعجتك كلامي كثير او يمكن ثقلت عليك بكلامي ^^ :$
    تحياتي :*

    ردحذف
    الردود
    1. زينك هموسة ربي لايحرمني من كلامك الحلو
      ماتعرفين قد ايش فرحتيني الله يسعدك بس :""")

      بالنسبة لاقتراحك انا رسمت كم رسمة في نوت وجمعت صور اكواب واشياء ظريفة عندي بجهازي
      واحاول اقلدهم واضيف لمسات عليهم يعني مو نفسها بالضبط فيه اختلاف

      ذكرتيني بالفلكر مابحثت فيه :/
      لاوالله بالعكس ماازعجتيني ولا جاحه بالعكس تعليقك بسطني اوي اوي :$
      حياك كل ابو دائما

      حذف
  5. مرااحب نوارة ^^
    يا حليل بنيتنا كبرت وصارت تفكر في المشاريع
    ما شاء الله عليكي دائماً تفكيرك مفتوح وتحبين تطورين من نفسك =)

    رسمك جداً كيوت ~
    وخاصة أخر رسمة اللي تدل إنك كل مرة ترسمين قاعدة تطورين من رسمك
    وبخصوص المشروع فأتوقع ينجح ^^ بس يبغي لك ممارسة أكثر شوي
    والباقي خبرتك بتويتر .. وبعد أأيد نصيحة أختي هموسة بخصوص إنك ترسمين أفكارك على الورق بالبداية وبعدين تطبقينها على الكوب وكذلك الإستلهام من المواقع والصور الملهمة =)

    أما بالنسبة لتصوير الفنجان واللي لفت نظري قبل لا تطرحين السؤال فأتوقع إنه على الستارة إذا ما خاب ظني >> ها صح :)

    وبالتوفيق لك يا نوارة
    وربي يسهل لك أمورك 3>

    متابعتك دائماً
    =)

    ردحذف
    الردود
    1. مرحبتين عواشه
      ياحبي لك حسستيني اني ام عشرة سنوات
      ايوه كبرت وصرت مثل اختي الكبيرة عائشة عندي مشاريع وافكر افكار حلوه مثلها :$

      ان شالله راح أخذ بنصيحتكم ^^

      ههههههههه ايوه صح عليك على الستارة

      امين يارب وياك ياختي
      ^ـ^

      حذف
  6. ما شاء الله ما شاء الله خطييييره يا نوره 3>
    والله لو تبيعينها أشتريها بأغلى الأثمان لأنها مميزه و رسومات ظريفه مره ..
    خاصة البسه المحششه xD
    انا أؤيدك وبشده انك تبدأين المشروع , وتصدقي دائما ً من الربح عشان ربي
    يبارك في مشروعك ,, وبالتوفييق

    ردحذف
    الردود
    1. الله يسلمك ياعسل
      ههههههه شكرا لكلامك الجميل مثلك
      والله يجزاك خير على النصيحة
      الله يعين ويوفق يارب

      شكرا ياقميلة ^^

      حذف
  7. غير معرف4/16/2012 12:19 م

    فكرة حلوة كثير وجربيه لان في ناس تحب الأكواب
    بس نجاح المشروع يتوقف على الرسومات
    و أنا رسمت في كوب أعجب الكثير وحسبوه جاهز مو أنا إلي مسوياه
    مو سهل أنك ترسمي على الكوب على طول
    فأختاري الرسمة إلي تيبغيها و بكربون الورق على الكوب
    بعدين رح تنسخ الرسمة على الكوب و تبداي تلوني إذا ما فهمتي أعيدلك الشرح
    وبس تطلع الرسمة حلوة ومرتبة

    ولنجاح المشروع لازم تختاري رسمات تعجب الكثيرين


    :) 파이팅

    ردحذف
    الردود
    1. مافهمت لك والله معليش ممكن توضيح اكثر :$

      حذف
    2. غير معرف4/18/2012 2:19 م

      1. تطبعي الصورة إلي تبغيها و إذا ما توفرت الطابعة شفي الرسمة من اللابتوب وتقصي الورقة على قد الرسمة
      2. جيبي كربون الورق هذا إلي لونه كحلي وقصيه على قد الورقة إلي رسمتي فيها
      3. جيبي الكوب حطي الكربون عليه وفوق الكربون حطي الرسمة وثبتيها بلصق
      4. حددي على الرسمة ورح تنطبع يعني زي كأنك تشفين رسمة
      5. وبعد ما تشلي اللصق رح تكون الرسمة إنطبعت على الكوب
      6. وبعدين لوني الرسمة

      إذا مو واضح الشرح أعيد لك إياه

      حذف
    3. اهااا يعني كاني احدد علي القماش طيب يطبع في الاكواب تتوقعين؟؟

      حذف
  8. غير معرف4/17/2012 6:15 ص

    ما شاء الله عليك انا من عشان الاكواب و شكلي بكون من زباينك ،
    تدرين انا احب الاكواب اللي تصير فيها عبارات ظريفه او محفزه
    قود لك

    ردحذف
    الردود
    1. تسلمين وحياك الله زنونتي العزيزة
      ايوه هذي بالخطة القادمة ان شالله
      ثانكس

      حذف
  9. ماشاء الله عليك
    ايش هالأبداع
    الله يحميك يارب ويوفقك اختي الغاليه تحياتي

    ردحذف
    الردود
    1. تسلمين ياختي
      كلك ذوق والله ^^
      آمين يارب وياك

      حذف
  10. غير معرف4/21/2012 1:44 م

    ماشاء الله تبارك الله فكرتك رائعه وانا صراحه اشجع من
    يمتلك مواهب يظهرها
    ماشاء الله انا أهنيك

    ردحذف
    الردود
    1. تسلمين والله
      شكرا لكلامك الجميل ياجميلة ^^

      حذف
  11. مررررررا كيوت
    اتوقع راح يكون مشروع ناجح و ممتع
    خاصة بين فئة الأطفال و المراهقات جداً راح ينجح المشروع بسببهم ،،،
    لأنهم يستمتعون ويهتمون لهالأمور ،،،
    إستمري و شوفي وين راح توصلين عزيزتي

    ردحذف
    الردود
    1. تسلمين نووف وشكرا لتشجيعك لي
      راح أجرب ان شالله ماراح أخسر حاجه

      ^ـ^

      حذف
  12. انا شريت ها الالوان من سنتين بس لما تتغسل تروح معاي انتي تدخليه الفرن بعد التلوين ؟؟

    ردحذف
    الردود
    1. لا مادخلها الفرن
      ولا تروح لما اغسلها غسلتها كم مره ماراحت بس لاتفركينها بالليفه مايحتاج
      وخليها تاخذ وقتها لين تنشف تماما

      حذف
  13. غير معرف5/06/2012 4:17 ص

    هاياتو نوره من جد اعجبتني وكيوت+ ظريفه
    ع القوه ياكرزه
    بس حبيت اسألك الالوان ايش نوعها
    لاني حابه الفكره من زمان بس ابي احد يشجعني
    وشفتك وتشجعت
    ومن اي مكتبه او مكان جبتيها
    ممكن تديني اسم الالوان
    لانه مو واضح اسمها بالصوره

    الله يوفقك
    من جد انتي مبدعه
    ودايم افكارك تعجبني
    وحبيت كثييييير شغلاتك
    متابعه دوووم لك....

    ردحذف
  14. غير معرف5/06/2012 4:20 ص

    هاياتو ياكرزه
    من جد افكارك واشياءاتك باحبها
    ع القوه ياعسل
    وموفقه
    بس ممكن الله يعطيك العافيه
    اسم الالوان
    لانه هي الفكره باحبها وباحب الشغلات اللي مثل هيك
    بس الالوان ماتثبت
    ايش الالوان اللي استخدمتيها وتحسيها تثبت
    وكم تجلس بالكوب الرسمه
    ياعسل
    لانه مو واضح اسمها بالصوره
    وسوري ع الاطاله
    ومن جد انتي رهييييبه
    وافكارك ماشاءالله نايسوووووو
    ترى دوووم متابعه لك
    الله يوفقك... ياقلبو...

    ردحذف
    الردود
    1. هلاوالله
      تسلمين والله كلك ذوق ^^
      اسمها Porzell-Farbenset
      من مكتبة جرير ولو تسألينه راح يطيك اياها

      أعتذر لتأخر ردي اتنمى تعذريني :"(

      حذف
  15. فيه مناكير راسها دقيق يقولون هي افضل للرسم ع الاكواب لانها ما تروح مع الغسل

    والله يوفقك حبيبتي

    ردحذف
    الردود
    1. تسلمين وشكرا لاضافتك ياجميله ^^

      حذف
    2. تسلمين وياك وشكرا لاضافتك ياجميلة ^^

      حذف
  16. مررره حلووه الاكواب اعجبني اللي راسمه فيه غيمه . . ♥
    بالعكس مشرووع ناجح بأذن الله . . ♥

    ردحذف
    الردود
    1. تسلمين من ذوقك والله ^^
      وشكرا على الدفعه المعنوية :$

      حذف
  17. مرررره حلوه اتمنى لك التوفيق ^___^

    ردحذف
  18. غير معرف6/24/2012 6:11 ص

    اي بتنجحين إن شاء الله
    خاصةَ الناس طايحين ع التصوير فبينجح
    لو تكتبين عبارات بينجح بعد

    - استمري

    ردحذف
    الردود
    1. شكرا لدعمك ^^
      اتنمى ينجح فعلا مستقبلا :$

      حذف
  19. غير معرف12/31/2014 12:20 ص

    http://a1sm.blogspot.com/2013/06/blog-post_643.html

    ردحذف
  20. شو اسمك على انستقرام ؟؟

    ردحذف