03‏/09‏/2013

تقييمي لبعض المنتجات!



السلام عليكم ورحمة الله وبركاته 

كيفكم ياحلوين..؟!

تدوينه عن بعض المنتجات اللي جربتها و أعجبتني أو مااعجبتني وليش

كل الاشياء اللي ذكرتها عن تجربها شخصية وممكن اللي جربته ناسبني ماناسب غيري و العكس..! 

||



Bio Oil
هو عبارة عن زيت يزيل الاثار والتشققات
شريت منه ثلاث حبات كبيره لان كان عليها عرض اعطيت اختي واحد

خلصت علبه وماحسيت باي تأثير خارق على المدح اللي عليه حسيت مرررره عادي
أنا احب استخدمه بعد مااسوي تقشير وقبل النوم كامرطب
احس المنتج عادي جدا وسعره غالي حرام مايستاهل ابدا
بس حلو كامرطب
بخصوص موضوع التشققات مدري لو مفيد لها والا لا لاني استخدمته على وجهي واحيانا الجسم
واثار الحبوب اللي تطلع لي اصلا من نفسها تختفي من قبل مااستخدمه يعني ماسوا شي هو!!


||

غسول Orange Daily
احلا مافيه انه ماينشف الوجه ابدا ويعطي الوجه نضاره جميلة
احب استخدمه اكثر شي لما اغسل وجهي من الميك اب
احبه مره وخلصت هذي العلبة في وقت قياسي وراجعه اشتري منه ان شالله

||


يعطي الوجه نظاره وصفاوه ولمعه كذا حلوه
حلو حق دوام طلعات عادية بس مايصلح لمناسبات كبيره
خفيف تحسي وجهك ماعليه شي لدرجه اني انساه احيانا وانام فيه
مو مثل بعض الفونديشنات لما تحطيه تحسي وجهك فيه طبقة 
عندي درجتين منعه فاتح وغامق انا احب الغامق اكثر 

||

مقشر ST.Ives

من المقشرات اللي حبيتها خصوصا لما استخدمه مع جهاز سيجما
يعطي نعووومه رهيبهhttp://store4.up-00.com/2017-07/149999728774763.gif






||

جهاز حمام الزيت

هو جاني هدية بصراحه
بس بجد بجد حاجة يجنن
هو نفس حمام الزيت اللي بالمشاغل يعني ماتحتاجين تروحي للمشغل اذا عندك
بس اشتري لك ماسك كويس وخلاص 
برضو فيه بخار للوجه ينظف الوجه ويفتح المسام 
انصح فيه بس للي كنهم مساحات واسعه >>مسوي لها زحمه 

||

مناكير

جماااال من جد ألوانها حلوه وماتاخذ وقت طويل عشان تنشف 
مره كويسة لاتفوتكمhttp://www.mrkzgulf.com/do.php?img=49809http://www.mrkzgulf.com/do.php?img=49807

||

مسكرت حواجب Sigma
مسكرت الحواجب من سيجما
لسا اختي جابتها لي بس مو تجنن الا تهبلhttp://www.mrkzgulf.com/do.php?img=49809http://www.mrkzgulf.com/do.php?img=49807
مرررررره جميلة ترتب لك الحواجب وتخلي لونها بني
ممتازه خصوصا للي مثلي حواجبها سودا

||


كريم كاب
أستخدمته مرتين مره على جسمي ومره على وجهي مع البخار 
على الجسم ماحسيت بشي
بس على الوجه كان مررره حلو فا عرفت انه لازم معاه بخار
لان هو اصلا مكتوب عليه يستخدم مع الحمام المغربي
بس راح اعطيه فرصه لان شكلي يبيلي بخار 

||

مسكرات MAYBELLINE
بس أنا جربت هالنوعين من عندهم واعجبوني من جد
الصفرا أحسها حقت مناسبات مره تطول الرموش وتكثفها 
والبنفسجية حقت استخدام يومي اخف من الصفرا
بس كلهم حلوين بالنسبة لي أحبهم

||

زيت الماكديما
ينحط منه شوي مررره على الشعر وخصوصا اطرافه بعد الشور 
كويس لشعر المصبوغ والناشف 
يلين الشعر ويعطيه لمعه ونعومه
هو مو معالج بس كذا حاجة مؤقته 
بس مره كويس أحبه

||

مزيل عرق Beesline
هو كامزيل عرق ممتاز مفعوله يجلس يومين تقريبا
لكن الكلام اللي مكتوب على العلبة أنه يفتح المنطقه ومن هالكلام ترا مو صدق
أنا خلصت من عندهم ثلاث علب وبنكهات مختلفه مااحس انه فتح ولا هم يحزنون 
بس ممكن يحافظ على المنطقه من التسمير!!

وبس هذي كل الحاجات اللي أعجبتني وماأعجبتني
أتمنى أفدتكم ياجميلات 


أمسكوا

هناك 12 تعليقًا :

  1. وعليكم السلام ورحمة الله وبركاته
    تدويتنك لطيفة وحلوه واستفدت منها
    انا احب ماركة ميبلين
    هذي الماركة رائعه بشكل بكل حاجه .. انا عندي منها كريم اساس 3 بواحد مايحتاج استخدم بودرة بس الكريم مرة روعه وكمان مو مرة ثقيل ناعم بشكككل مره حلو
    وكحل والماسكرات الاورنج والأصفر والبنفسج مرة عاجبتني
    ماركة سيجماعاجبني منها فرش المكياج وقفاز تنظيف الفرش << ماعندي بس افكر اخذهم ان شاء الله =)

    اممم وبس هذا كل اللي عندي تحياتي

    ردحذف
    الردود
    1. حياك هموسه
      يبيلي اجرب هالكريم بعد بس هو مناسب للبشرة الجافه؟

      فرش سيجما مره كويسه بس احس مو كل الالوان نفس الجودة اختي اخذت اللون التيفاني وانا اخذت السماوي بوردي حقتي احسها اجدو من حقتها مع اننا شارينها من نفس الشخص
      وبرضو ودي اجرب فرش ريل تكنيك احسها لطيفة مره

      نورتي ياجميلة

      حذف
  2. مراحب يا جميلة ^^
    تدوينة حلوة .. أحب هالنوع من التدوينات علشان تكون عندي فكرة عن المنتج قبل لا أفكر أشتريه ...

    يعطيك العافية على التدوينة
    وأسمحي لنا على التقصير :)
    بإنتظار كل جديدك

    ردحذف
    الردود
    1. مرحبتين ياعسل ^^
      تسلمين ياجميلة والله يعافيك
      ولا تقصير ولا شي انتي اللي سامحينا :$

      منورة كالعادة

      حذف
  3. عجببتني مدونتتكك حلوه ماشاء الله .. بسس سوألين
    1~ كيف سويتي الخلفيه آو الثيم
    2~ كيف تحطين فيسآتت
    وبسس شكراً 3>

    ردحذف
    الردود
    1. تسلمين من ذوقك ^^

      الخلفية رديت عليك في بيني وبينكم
      الفيسات انسخ اللينك حقها من اي منتدى واحطه هنا ^^

      حذف
  4. مدونتك مرره جميله وبسيطه وحبيتها كثير ^^
    يعطيك العافيه ي عسل ..

    ردحذف
    الردود
    1. تسلمين من ذوقك والله
      الله يعافيك ^ـ^

      حذف
  5. غير معرف4/08/2014 6:28 م

    جمممميله مدونتك توني اعرف عنها لمى رديت على هيا دخلت وشفت الابداع الي عندك

    مرتتتبه احب اتابع كذا مدونات ..

    المسكرات استخدمي الثنتين مع بعض يطلع حاجه ماحصلتش ههههههه كانك مركبه روموش طول وكثافه ..

    memo

    ردحذف
    الردود
    1. انتي الجممممميله ^^
      يازينك نورتي ياختي وكله من ذوقك واللهي :$

      والله مو شينه نجربها ليش لا
      يعطيك العافية ^ـ^

      حذف
  6. يعطيك العافيه حبيبتي

    حبيت الجهاز فله هههههههههه تبع حمام الزيت

    ومن جد بيزلين مافتح لي المنطقه عادي بس حلووووو ومااتوقع استخدم غيره

    ردحذف
  7. الله يعافيك حبيبتي
    نورتي سعيدة بتعليقاتك ^^

    ردحذف