السلام عليكم ورحمة الله وبركاته
احس ان المدونه مستحيه مني ماعرفتني شكلها >>كنايه عن انها من زمان
مشتاقه لتدوين بشكل كبييير بس ماالقا وقت ادون واصور وانزل وحاله واذا لقيت وقت تعيجزت او مخي فاضي
المهم
جايه ببشركم اني اخيرا خلصت السنه التحضيريه و انقبلت علم نفس
القسم اللي كنت اتمناه من زماااان ويمكن محد يايدني عليه الا قليل جدا
بالرغم اني درست قبل محاسبة برضو مازلت مصره على علم النفس ودخلت الجامعه عشانه
والحمدلله ربي حقق لي اللي ابي وطاحت وحدة من قائمة امنياتي
طبعا الحين احنا بنص الترم وتوني اعلمكم عادي مشوها
حابه اتكلم شويه عن التخصص وكيذا ورايي فيه والمواد
قسم علم النفس اللي تبع جامعة الاميرة نوره يسمونه علم نفس ارشادي
يعني لما اتخرج ان شالله اكون اخصائية نفسية موش معلمة علم نفس وهذا الشي عرفته في اللقاء التعريفي وفرحت انه كذا لاني مااحب التدريس خصوصا في المدارس
مواد التخصص جميييله واستاذاتها اجمل
سهله وممتعه تخيلو انكم تدرسون عن انفسكم واشياء في النفس البشرية تحسينك تفهمين نفسك وتفهمين اللي حولك
الحمدلله ماوجهت صعوبه الى الان فيني حماس ورغبه كبيره في التعلم زيادة
عندي هذا المستوى ست مواد
مدخل لعلم النفس
اصعب ماده احسها شويه دسمها مليااانه كلام بس ان شالله تتسهل
علم نفس النمو
جمااال هالمادة مررره احبها واستاذتها تحببك فيها زيادة
مقدمة في التربية الخاصه
حلوه برضو هالمادة حبيت تخصص التربية الخاصه والله
وعندي باقي المواد انقلش واحصاء وسلم>ماحبهم
مبسوووطه بقسمي الحمدلله رغم كل نظرات الاحباط في وجيه كل اللي يسألني
نوره ايش تخصصتي؟
وانصح اي بنت حابه هالتخصص او اي تخصص غيره
تدرس اللي هي تحبه ولاعليها من احد
لان الشي اللي تحبينه راح تبدعين فيه وتصير دراسته متعه لك حتى لو هي صعبه
انا درسة محاسبة دبلوم كنت اقدر اكمل عليها بكلوريس
لكن ماحبيتها رجعت في النهاية لشي اللي احبه
والله يوفقني وياكم وتشوفوني اخصائية نفسية آآد الدونيا
||
نايس جدا تدوينتك فعلا تخصص علم النفس جنان وأنا بعد علم نفس سنة ثانبة ^^ وأخذت مدخل علم النفس وكذالك النمو
ردحذفوالحين جنائي ووسائل الاعلام والفروق الفردية وحاجات زي كذا قسم بصراحة تحفة وسهل يارب لك الحمد
الله يوفقك يارب لكل خير نورتي المدونة بعد غياب طويل
ياهلاوالله بصديقة التخصص 3>
حذفماشالله انتي سابقتني بسنه الله يوفقك يارب ويحقق لك اللي تتمنين .. يمكن نستفيد منك يوم ما ^^
منوره الحته :$
حآولي تنزلي موضوعين كل يوم او ثلاثه ويكونو طويلين وبس شكراً يجنن الموضوع ماشاء الله (:
ردحذفحسب الافكار اللي تجي ببالي مو بيدي :/
حذفبس نحاول
ردحذفمثثل ما قلتي الشخص بيبدع بالشيء الي يحبه ..
طبعا أنا علمي و لسى ثالثا ثانوي يعني ما عمري درست علم نفس ..
بس الي سمعته أو قرأته ...
أنو علم النفس ما يصلح للناس الي تتأثر من أي شيء و كذا . .
و أكثر شيء حبيته بعلم النفس التخاطر ..
قرأت عنه و أعرف أشخاص طبقوه مرا جمييل ..
..
و عقبال ما تتخرجين الأولى على الدفعه حقتك ..
و ربي يوفقك ..
3>
صح كذا علم النفس مو كل شي المفروض الواحد يقيسه على حياته
حذفبس بنفس الوقت مفيد لحياتك في حل مشاكل او التعامل مع الناس القريبين منك
الله يوفقنا وياك ويسعدك وتدخلين القسم اللي تتمنينه ^^
نواارة ولكم باك 😊 نورتي نورتي
ردحذفيا سلام علم نفس << شي ممتع
عالم ثاني ما راح تملين منه بالعكس كل يوم راح تكتشفين شي حلو وجديد
لأني شخصياً سكرتيرة لمكتب إرشاد أسري وعلشان أكون فاهمة الموضوع دخلوني كذا دورات وورش عمل ومحاضرات عن الإرشاد والأمراض النفسية والحالات النفسية هو بإختصار عالم لا نهاية له وجدا ممتع ♡
ربي يوفقك وتحققين اللي في بالك 😚
متابعة لكل جديدك عزيزتي ♡
حياك ياعسل
حذفمنور بوجودك ^^
يازينك ياختي كلامك عطاني جرعه اجابيه اتحمس للي جاي قدام
ماشالله حلو مررره مجال عملك الله يوفقك ويسعدك
ويسمع لدعواتك 3>
ربي يوفقك يانورا من ٢٠١١ وانا اعرفك وانقطعتي عن تويتر وصرت كل مابين فترة وفترة ادخل اشوف مدونتك ❤️❤️
ردحذفجيت انام جيتي ببالي < يحلفون حتى رئيس بنقلادش فكرة فيه :(
وماجاني نوم :D
ربي يوفقك ويحقق لك مناك ❤️
ههههههههه يازينك
حذفاحب متابعيني القديمين حتى لو مااعرفهم شخصيا يذكروني باشياء حلوه :"$
الله يوفقك حبيبتي ويسعدك مره مره اسعدني كلامك ^^
بالتوفيق ياعمري
ردحذفامين وياك يارب
حذفابي اسال عن مادة الإحصاء كيف اهي سهللة ولا صعبة انا مخوفتني كثير ولا ادري
ردحذفسهل ان شالله لاتشيلين هم بس يبيله تركيز في المحاضره ولازم تفهمين كويس مع التيتشر وبتمشين فيه ان شالله
حذفاهلين نورا
ردحذفممكن اسالك
انا تحضيري بجامعة نوره و علمي بالثانوي مرا نفسي اتخصص علم النفس الاكلينيكي
و قالوا انو برابع سنه تدخلينه بس ابي اعرف كم النسبه الي يبغونها عشان انقبل بعلم النفس بعد التحضيري ؟
و الليفل مهم او لا ؟ و سمعت انو تقدري تدرسيه بهولندا اذا خلصتي ؟
معليش لو طولت عليك بس ودي اعرف لان جد جد اكثر شي اتمناه
هلا فيك
حذفاول شي انا علم نفس ارشادي مو اكلينيكي
الاكلينيكي فصلوه تماما عن الارشادي يعني سالفة انك تتخصصين في رابع هذي من زمان
الحين الاكلينيكي صار تبع كلية الطب ويحتاج اتوقع نسبة عاليه والمستوى حق الانقلش لازم اتوقع من ٥ او اكثر
ولغة الداسة انقلش بعكس تخصصي عربي
والله يوفقك وييسر امرك وتنقبلين في القسم اللي تتمنينه ^^
السلام عليكم
ردحذفانا سنة تحضيرية واحب علم النفس كثير جنوني وحابة اعرف عن المعدل القبول في علم النفس الارشادي والليفل المطلوب والتربوي عندك خلفيه عنه
وشكرا ^_^
علم نفس ارشادي كيف يعني تكوني دكتوره نفسيه يعني؟
ردحذفوكم يحتاج نسبه بعد تحضيري ؟
تصيري اخصائية مدري انا اسئل ^_^
حذفايوه تصيرين اخصائيه نفسية ^^
حذفكيف يعني علم نفس ارشادي يعني تكوني دكتوره نفسيه ولا كيف؟؟ وكم نحتاج نسبه بعد تحضيري عشان ادخل علم نفس ارشادي
ردحذفيعني ماتصيرين طبيبه نفسيه لا تصيري اخصائية نفسية
حذفمااعرف كم يبيله نسبه بس مااتوقع انهم يشترطون نسبه عاليه
الله يوفقش ..
ردحذفانا راحت علي .. وله كنت حابه اتخصص علم اجتماع او علم نفس
امين وياك
حذفيالله ماترين وين الخيره في الموضوع ^^
من زمان ادور عالتخصص وما القى اجابات تفيدني .. والله فادني كثير اللي كتبتيه رغم انه قليل .. ياليت تكتبين لنا الحين وش تسوين وكذا .. وايش البرزنيشن اللي سويتيه يعني الاعمال اللي يطلبونها الدكاتره .
ردحذفبالعكس في كثير تلقين مواضيع تتكلم عن مجال علم النفس خصوصا في تويتر كثير اخصائيين واطباء نفسيين موجودين هناك
حذفالان انا طالعه لمستوى ٦ ان شالله
القسم حلو وممتع وسهل ويعتمد كثير على الاستاذات اللي يعطون الماده
بعضهم تعطيها حقها من الشرح وتدخلها راسك بطريقه حلوه وسهله وبعضهم تعقدك وتكرهك في المادة فا طريقة الشرح وتوصيل المعلومه مره تفرق معي
الاعمال كلها عادي الا هذا المستوى في احد المواد طلبت منا نمثل جلسه علاجيه كان حلو لان الدكتوره ماكانت تدقق على الطالبات مخليه كل شي طبيعي
والا القسم حلو وجميل وممتع وينحب وسهل =)
الحمدالله انقبلت في علم النفس 😍 ماني مصدقة نفسي
ردحذفماشالله الف مبروووك ياجميله الله يوفقك يارب ويكون بداية خير لك
حذفالحمدالله اهم شي انه القسم اللي تحبينه تنقبلين فيه 3>
يالله انا ابغى ادخل علم نفس بس محتارة بين الارشادي والتربوي والعيادي ��
ردحذفبس اذا الارشادي ايش وظايفة لاني الغى اشتغل في الدار الرعاية ��
الارشادي والتربوي تقريبا نفس بعض تتخرجين منه كا اخصائية نفسية
حذفالعيادي مختلف عنهم تتخرجين منه كاطبيبه نفسيه
اذا حابه تشتغلي بدار الرعاية الارشادي بيناسبك
ولو تبين تشتغلين بمستشفى ومع الحالات الصعبه والمعقدة العيادي بيناسبك