تاق: الباليت المثالية

السلام عليكم ورحمة الله وبركاته 

كيفكم صبايا؟

موضوع ميك ابي جديد هو تاق منتشر له فترة بين البلوقرز 

كل وحده تقول وش احسن باليت عندها وتذكر مميزاته 

عاد انا حبيت اشارك وادخل نفسي معاهم مع ان مدونتي مالها دخل

يعني مو لميك اب وكيذا بس اعجبني الموضوع كيفي

المهم نبدا

1-NAKED BASICS

هذا صديقي اللي وقعت في غرامه قريب

نيكد بيسك الوانه ترابيه طبعا 
حلو مرررره شكله على العين يناسب لدوام والطلعات العادية 

مرررره يعطي شكل ناعم وطبيعي احبه مره مره لازم يصير عند كل بنت مثله

على فكره اللون البني قبل الاخير كويس للحواجب انصحكم فيه

2- Coastalscents Smoky Palette

هذا الباليت احسه لصيف الوااان وكيذا

الصفين الاولى يمين اكثر شي استخدمهم والازرقات احيانا 

حلو يكون عندك باليت نفس هالنظام من باب التغيير يعني

لكن الوانه مو قويه يبيلك تحطين كذا طبقه عشان يبان 

3- Too Faced PRETTY REBEl

هالباليت على كثر ماانجنيت عليه اول ماشوفته مااستخدمه كثير
يناسب لمناسبات وزواجات كبيره استخدمته مره في زواج 
الوانه واااضحه وثباتها ممتاز 
اول باليت اشتريه من توفيسد واعجبني كثييير

4- SENSI

هذا الباليت عبارة عن باليت بلشرات بس
الوانه مره مره كويسه وثباتها ممتاز والوانها حلوه برضو
مدري ايش هالماركه بس اني شاريته من المطار من فترة
عيبه الوحيد اني مااقدر اشيله معاي بالشنطه لان حجمه كبير فا احس اني سحبت عليه بس الوانه جميله خساره والله

5- NAKED1

اتوقع مافيه بنت ماعندها هالباليت 
بصارحكم بشي انا مااحبه مره نيكد3 حبيته اكثر وخدمني اكثر
بس برضو مااقدر انكر انه باليت مثالي ويفيدك في اوقات كثيره

6- NAKED3

أخر اصدار من نيكد باليت نيكد3
الوانه جمييييله بين البنكيات والبنيات 
مفيد مره ويصلح لاي وقت واي مناسبه

7- Sleek Original

باليت من سليك الوانه كلها شيمر
اممممم مدري وش اقول عن هالباليت احسه عادي شويتين
مو لازم تشترونه فيه الوان احس مستحيل استخدمها 
وفيها الوان حلوه تستخدمينها مع الوان شدو ثانيه 
يعني مااحسه ذاك الزود
بس باليتات سليك معروفه بجودتها ورخصها هذي احسن ميزه فيه

8- Sleek Oh So Special

برضو من سليك 
اكثر باليت مكروف على وجهه
احبه مرررره طحت فيه طيحه اليمه 
اصلا باين مكروف الوانه جمييييله وثباته وواضحه 
الوانه بينك و بني 
انصح فيه وبشده لايفوتكم

وبس هذي تقريبا اكثر الباليتات اللي كويسين عندي
ان شالله استفدتو واستمتعتو