11‏/05‏/2014

مفضلاتي هالفترة ❤︎

السلام عليكم ورحمة الله وبركاته

كيفكم ؟! 
شو عاملين

موضوع اليوم واضح من عنوانه مفضلاتي للفترة الماضية 
احترت وش احط ولا ابي اخلي الموضوع طويل فا اخترت اقريب القريبين لقلبي 

المهم نبدأ


كونسيلر ERASE Paste من بينفت 
أول ماشريته ماحبيته وندمت اني شريته وخليته بالدرج فترة ولما خلص كونسيلر ماك اللي كنت احب استخدمه
اضطريت اني استخدمه وبديت احبه
تغطيته متوسطة 
انا ستخدمه للهالات بس 
ووقت الجامعه احط منه للهالات مع واقي شمس وبلشر وروج ويطلع اللوك جميل وخفيف


شامبو وبلسم من لوريال لشعر المصبوغ
مره كويسيييين هالمنتجين اخذتهم من عبدالخالق سعيد
حجمهم مررره كبير راح تطول عندك عندي برضو من نفس المجموعه حمام الزيت كويس برضو
انصح اي وحده شعرها مصبوغ انها تشتري هالشيين 
انا معد اقدر استخدم اي شي ثاني لشعري غيرهم
تعطي لمعه ونعومه لشعر ممتازين مره

مو موجوده في الصيدليات اتوقع الصالونات الكبيره عندهم
انا قد شفتها عند الصالون اللي في مملكة المرأة


NAKED Flushed

عندي من زمان برضو ومن قريب حبيتها
صرت استخدم البرونز اللي فيها كاكنتور خفيف وبعض الاحيان احطها على كل الوجه
حلوه خفيفه مو غامقة كثير
والبلشر حلو برضو بس مو غريب ولا مميز بس لما احط من البرنز احس ماينفع معاه الا هالبلشر
الاضائة مسحوب عليها تقريبا
عموما كله على بعضه جميل واحبه

كريم لليد بزبدة الشيا من LOCCITANE
من شهر استخدمته وحبيييييته يعطي نعومه لليدين واحساس حلوريحته مو مزعجه ولا فيها عطور عادية 
فيه منه حجم كبير بس انا اخذت الصغير عشان الشنطه وكيذا





عطر فيرزاتشي

حبيب القلب له ذكريات حلوه وريحته اعشقها رايقه بشكل 
وثباته عالي هالعطر مايروح من الملابس الا لما اغسلها 
صراحه اكثر عطر احبه من العطور اللي استخدمتها


كريم مرطب للوجه من QV
هو كريم نهاري بس انا استخدمه احيانا بالليل عادي
فيه نسبة وقايه من الشمس 30 بس
ممتاز ترطيبه حلووو واتوقع كيو في مايحتاج في هالمجال
احب احطه قبل الفونديشن يعطي ترطيب وشكل حلو للبشره


فرشة F80 من سيجما 
اتوقع مافيه احد مايحب هالفرشة
اعشقهااا توزع الفونديشن بسرعه وبدون خطوط وبالتساوي في كل الوجه 
مدري وش اقول بس تجنن لازم تشترونها بسرعه


فونديشون VITALUMIERE من شانيل
اكثر فونديشون حبيته لحد الان واسرع فونديشون خلصته
مررررره حلو شكله على الوجه
انا بشرتي مختلطه مايله للجافه يعطي لوك ديوي من جد
اللي بشراتهم جافه راح يناسبهم مره اما الدهني يبعدون عنه
ثباته وتغطيته مو عاليه بس شكله على البشره حلو مره يعطيها لمعه ونظاره


اشهر واقي شمس هو تبع بايوديما
انا من شريته صرت احطه كل يوم في الدوام و استغنيت عن الفونديشن والبي بي كريم
مع الكونسيلر اللي فوق وكفى الله المؤمنين شر القتال 
لان فيه لون فا يفتح البشره احيانا احط معاه بودره برونز ويطلع الشكل تمام 


هذا الشي ماله دخل بالميك اب او العنايه بس ماقدرت اني اتجاهل عشقي لها
وقلت لازم تدخل مع المفضلات
اللي هي السلاتونا 
اتوقع انها معروفه مايحتاج بس اني طحت فيها طيحه افطر عليها واتعشا
احيانا اكلها لحالها بملعقه واحيانا جوا تست في كل الاحوال لزيزه

وبس

هناك 16 تعليقًا :

  1. تدرين شدني الكبكيك اللي ورا الواقي شكلهم كيوووت p:
    تتهني بمفضلاتك نورا <3

    ردحذف
    الردود
    1. هذي الله يسلمك جايبتهم من دبي
      مره كيوت :$
      تسلمين حبيبتي

      حذف
  2. واااو جد مفضلاتك تجنن
    خاصة عطر فرزاتشي يااااه بس >> البي البي ماستغني عنه ابد
    والسلتونة تجننن بقووووة جربتها طعمها لذيذ
    بوست جميل خفيف لطيف كثري بوستاااات
    ولاتنسين تشوفين مدونتي
    http://artgiving23.blogspot.com/

    ردحذف
    الردود
    1. ياهلاوالله
      من جد العطر هذا شي خورافي :$

      تسلمين ياعسل منورتني واكيييد بشوف مدونتك ^^

      حذف
  3. عليكم السلام والرحمة نوره.
    الله يعطيك الصحة والعافية ❤❤
    العطر جمييييلة رائحته تصيّح 😭😭😭💜

    ردحذف
    الردود
    1. وعليكم السلام
      الله يعافيك تسلمين ياعسل
      جدااا احبه هالعطر :"""$

      حذف
  4. حبيتك انتي قبل مفضلاتك ،
    شخصيتك تجنن ماشاء الله عليك ، ومفضلاتك حلوووه
    وعجبني كذا شي منها ، يعطيك الف عافيه
    ومتابعه لك دائما

    ردحذف
    الردود
    1. حبيبتي تسلمين والله كلك ذوق

      الله يعافيك ياعسل
      ونورتينا ^^

      حذف
  5. مشاءالله عليكي مبدعة قاعدة اقرا بوستاتك مررة جميلة ومفيدة يعطيكي العافية نورا ♡♡

    ردحذف
    الردود
    1. الله يعافيك ياجميلة
      وسعيده بتواجدك وتعليقك ^^

      حذف
  6. اااخ فرشة سيقما اف ٨٠ شي خرافي, على كثر فرشي الا اني ما اقدر استغني عن هالفرشة بالذات
    اما السلاتونا هههههههههههههههههه نفس الحالة عششق ع الاخر
    ربي يسعدك ع البوست القميل ده

    ردحذف
    الردود
    1. من جد تجنن تجنن الفرشه توزع الفونديشون بالتساوي رهيبه

      السلاتونا عشقي لين يومك خخخخخ
      انتي القميله ياختي :$

      حذف
  7. غير معرف11/26/2014 11:22 ص

    ماشاء الله حبيت مفضلاتك . حابه اسأل وين محمود سعيد اللي شريتي منه الشامبو ؟؟

    ردحذف
    الردود
    1. معليش تراني غلطانه هو عبدالخالق سعيد مو محمود سعيد .. فرعهم في حي المروج قبال اسواق العثيم

      حذف
  8. الكب كيك من جد حلوييييييييين ههههههههههه تركت اللي تتكلمين عنه وقعدت اطالعهم خخخ

    كالعاده مفضلاتك جمييييله اوووووووي

    ردحذف
    الردود
    1. ههههههه مقدمه ياعسل

      تواجدك الاجمل ياختي

      حذف