22‏/07‏/2014

Eid Beauty Haul / مشتريات العيد التجميلية



السلام عليكم ورحمة الله وبركاته 
كل سنه وانتو بخير العيد هالمره تجهيزاته كانت خفيفه الحمدلله خلصت لبسي من بدري لاني فصلت لي كم شي ونويت واحد منهم للعيد والله الخياط فله راح اعتمده واسحب على السوق المفعن
المهم احلا فقره في تجهيزات العيد مشتريات البيوتي
شريت ميك اب واشياء للعنايه بالبشره والشعر بس ماحبيت اكتب عنها في موضوع المشتريات ممكن اسوي ريفيو عنها بعدين

نبداء

روجين حلوين من سيفورا احب هالنوعيه من الارواج عندهم
اللي يسار كان عندي منه وخلص والحين رجعت اشتريه يجنن اللون لايفوتكم طبيعي وكنت استخدمه اكثر واحد في الجامعه
 رقمه ١٢

الثاني قالت لي الموظفه حلو خذيه وجربته وحبيته
لونه اتوقع قريب للمشمشي
رقمه ١٩


مسكرات ميبلين غنيه عن التعريف بس هذي اول مره اجربها
انا عندي البنفسجيه والصفرا
هذي شوفت وحده اجنبيه في اليوتيوب تمدحها ودايما تستخدمها قلت يله اشتريها


ارواج بورجوا الجديدة
صدق ريحتهم مفعنه زي ماسمعت ريحتهم شي كيماوي
بس الارواج نفسها ت ه ب ل 
اول ماتحطينهم يصيرون رطبين بعدين يجفون مع الوقت ويصير ثاابت ثباتهم جيد انصح فيهم للمناسبات
اللي يسار رقمه ٧ والثاني رقمه ٥


هذي المجموعه من اول مانزلت وانا حابتها والسبب الباليت اللي فيها الوانه حلوه وسعره رخيييص تخيلو كل هذي الاشياء 
كحل-مسكره-برايمر-باليت-وشنطه بـ١٨٥ بس 
مره حلو سعرها طبعا رحت وجيت عليها متردده اخذها والا لا في الاخيره اخذتها
لسا ماجربت شي منها بسوي لها ريفيو يمكن



برايمر للعين من بينفت اخذته على مدح حنان النجاده 
لسا ماجربته بس اثق في هالبنت كثير


فونديشون استيلودر دبل وير
استخدمته عن اختي كم مره وحبيييته
يصلح للمناسبات مايصلح لكل يوم لان تغطيته عاليه مره 
وثااابت مايتحرك مره يجنن حبيته يقلون انه للبشره الدهنيه بس انا مختلطه وماشي تمام معي
لايفوتكم مره رهيب هالفونديشون للمناسبات


حقت توفيسد الموظفه لزمت علي اخذه ولاني احب هالماركه قلت يله نجرب 
لونه بينك هااادي ثباته مو مره يروح لما اكل 
احس انه قلوس اكثر من انه روج 


روج من ميبلين لونه فوشي على وردي مره جميييل اللون فيه لمعه خفيفه
بالنسبة لثبات مااعرف ماجربته لوقت طويل 


مناكير من essie‏
بصراحه اخذته بدون مااجربه اول مره اسويها
لونه سماوي افتح شي في الحياة وفيه قلتر صغير مره مره اخذته عساس للعيد لان لبسي فيه هاللون
بس قوامه خفيف للاسف لازم كم طبقه 


هذي العشق الجديد بلشر من توفيسد
وقعت في غرامه لونه اورنج على وردي هادي وخفيف وطبيعي اللون شوي مدري وشلون المهم يجنن يجنن
حبيته صراحه من اول نظره


هناك 16 تعليقًا :

  1. هلا بالزين ،
    ماشاء الله مشترياتك تهبل مثلك ، وفيه اشياء صار لها بخاطري من سنه
    بس كل مره ااجلها ، ارواج برجوا ماعليها كلام عشششق بيني وبينها ،

    وبلاشر توفيسد ، يآسرني كل مااروح لسيفورا اطل عليهم واحتار وامشي ومااشتريه
    بس ان شاء الله بشتريه

    تتهنين بمشترياتك ، وآحلى طله بالعيد يااارب ، الله يحفظك يارب

    ردحذف
    الردود
    1. هلا حبيبتي
      حلوين والله ارواج بورجوا تحمست لهم اكثر بعد كلامك عنهم من جد يستاهلون المدح

      بالنسبه لبلاشر توفيسد احترت وش اخذ بغيت اخذ اثنين بس هونت وخذت هذا لان ماعندي من هاللون

      الله يهنيك تسلمين حنان زينك وزين تعليقاتك ^^

      حذف
  2. كمية جمال مشاءالله تتهني فيهم ياعسل وكل عام وانتي بخير :))

    ردحذف
    الردود
    1. الله يهنيك ويخليك
      وانتي بصحه وسلامة ^^

      حذف
  3. ماشاءالله تبارك الله تتهني بمشترياتك نوره *.*
    ومعاك حق اكثر جزء ممتع بالتجهير للعيد هو تقضية الميك اب
    فاونديشن استي لودر يازين ما اخترتي كان بنفسي ولما شفت كل الناس تمدحه قلت ضروري اجربه
    يستاهل كل ريال وثباته فضييييع
    اروج برجوا حلويييين احلى كولكشن ارواج نزل بأخر فتره نفسك اخذت رقم ٥ واخذت كمان رقم ٨ اللي هو اغمق واحد فيهم واحس اني راح استخدمه اكثر شي بالايام الجايه زي ماقلتي مره ثابتين وشغل محترم من برجوا صراحه من ناحية القوام والالوان والثبات واقولك مبروك لقيتي لون ٧ تعبت وانا ادور عليه اول ماينزل يخلص بس ما راح ايأس D:
    البوست مره جمييل ونستنى منك ريفيو اشياء الشعر والبشره *.*
    وكل عام وانتي بخير 3>3>3>

    ردحذف
    الردود
    1. الله يسلمك ياعسل
      من جد الفونديشون مره حلو صراحه
      والارواج اخ بس مره تجنن حبييييتهم كل يوم استخدم رقم سبعة طبيعي وجميل لازوم تلقينه روحي لدبنهامز بورجورا حقهم مرتب وعندهم اغلب الاشياء

      تواجدك الاجمل ... وانتي بخير يارب ❤❤

      حذف
  4. ياااجمااالك, مشترياك جداً جممميلة
    أما فاونديشن إيستي لودر أروح وأجي عليه
    أرواج بورجوا جربتها بصيدلية وايتسس طاحت سعابيلي >كيف الوصف
    أما مناكير إيسي حلو لونه, كل مناكيرات إيسي يبيلها طبقتين خفاف عشان يطلع اللون نفسه
    ربي يسسسسعدك يا قممميله ويهنيك بمشترياتك ❤❤

    ردحذف
    الردود
    1. تسلمين حبيبتي
      لا يفوتك روحي خذيه بدون تردد
      هههههههه برضو لايفوتونك ذولي

      قهرني المناكير مدري كيف :|

      ويسعدك ويخليك يارب ❤❤❤❤

      حذف
  5. حمستيني اجرب مشترياتك 😍😍

    ردحذف

  6. مممآشآء الله 3>
    أشيآء تجيب السعادة xD
    المناكير نفس لون لبسي للعيد بس حقي أخذته من برجوآ كنه نسيت
    كان عندي من مبطي xD بس حبيت حقك يوم تقولين بوه لمعة P;

    بلشر تو فيسد آخر شيء مررررة جججممميييل
    لونه خقققآق وققسسم ): بس ما اخذته لأني أدور شيء بدون لمعة
    أي اقتراحات حاقة وردي بدون لمعة :( ؟

    ردحذف
    الردود
    1. يازينك ❤
      لا ترا مره يجنن روحي خذيه لمعته مو باينه ابد انا استخدمه يومي ابدا مو اوفر
      الورديات كثير عندك ذا بالم حلوه بلشراتهم برضو بوبي براون كل الماركات عندهم تقريبا

      حذف
  7. غير معرف9/06/2014 12:39 ص

    ما ينفع تقولين كم الاسعار ^_^

    ردحذف
    الردود
    1. طبعا ينفع
      دائما انسى سالفة الاسعار وارمي الفواتير ولا اتذكر الاسعار :(

      حذف
  8. ياالله حاجات حلوه مشاء الله تتهني فيهم

    الارواج عجبتننننننننننننننننننننننننننني :) :) :)

    ردحذف
    الردود
    1. تسلمين حبيبتي كلك ذوق والله

      حذف