السلام عليكم كيفكم ياجميلات..؟
وحشتني المدونه .. انشغلنا برمضان بعدين العيد بعدين احترت وش اكتب موضوع
وبرضو الكام جديده لسا ماتعودت عليها لان القديمه نيكون والجديده كانون فاشوي ماعرفت لها
المهم
بوست اليوم مفضلاتي التجميلية للفترة اللي فاتت
بي بي كريم من تو فيسد
اصلا هو حق اختي ولما شرته كنت معاها وكانت بشرتي ذيك الايام تعبانه وجافه وحاله فا ماتحمست له
شرته اختي وصارت تمدحه وشكله صدق حلو على الوجه فا اخذت حقها لانها شرت جديد جربته وحبيييته
يعطي الوجه اشراقه حلوه تغطيته خفيفه بس حلوه يخلي الوجه فريش
لو يخلص اكيد راح اشتريه
مسكرة حواجب من محل في اسواق طيبه
هذا حسابهم في الانستقرام @ostacom
طبعا انا طايحه بمسكرات الحواجب لان شعري فاتح وحواجبي عريضه وسودا فا هذا الاختراع مره ناسبني
انا جربت حقت سيجما وحقت الف حلوين لكن هذي احلا منهم بكثير ودرجتها فاتحه حلوه مره
وفيه منها درجتين اغمق ودرجه افتح كاني مو غلطانه
تثبت الحاجب ماتخلي الشعر يتحرك وتفتح لونه وتثقل الشعره شوي
فونديشن من ميبلين استخدمه للكونتور
مره حلو وسهل في الاستخدام احطه وادمجه بالبيوتي بلندر بعدين اثبته ببودرة باهاما ماما تكلمت عنهم في الانستقرام
ليب بالم من ريفلون شريته مع مشترياتي الاخيره من iherb
اخذت منه اربع الوان بس هذا اكثر لون حبيته واستخدمه كثير
مره احبه لونه جميل ويرطب الشفايف وبنفس الوقت ثباته لابأس يعني لو مااكل عادي يجلس مايروح
عيبه انه يحر شفايفي شوي اول مااحطه مدري ليش
كونسيلر ميبلين
مشهور مره اول مااخذته ماحبتيه وتحسفت اني شريته ودرجته فاتحه بس بعدين عرفت كيف اوزعه كويس على الوجه
صرت احطه تحت عيوني وعلى الانف والجبهه مره يجنن شكله يطلع يعطي اشراقه حلوه للوجه
ازعجتكم عليها هالبلشر
شريتها من مشتريات العيد ولين اليوم ماطلعت من شنطتي طول هالفترة استخدمها هي
لونها مشمشي على بينك فيها لمعه خفيييفه ماتبان مره
زيت جوز الهند الطبيعي
احب ريحة جوز الهند وهذا ريحته مره جايزتن لي
استخدمه لشعري احطه بعض الاحيان انام فيه ومرات احطه ساعتين ومره جربته مع البخار في كل الحالات يعطيني نتيجه حلوه
جربت اشيل الميك اب فيه برضو كان لطيف على الوجه والعين بس اللي مايحب ان وجهه يدهن لايجرب هالطريقه
ماقد استخدمته لجسمي اخاف ازعج الناس بريحته لان مو كل الناس تتقبل ريحته
مزيل الميك اب المعتمد حاليا
يشبه البايوديما مااااره نفس القوام ونفس المفعول بس سعره ارخص بكثير منه
لطيف على الوجه بس على الحين انتبهو لايدخل فيها يحرقها بعكس البايوديرما ماكان يحرق عيني لما يدخل فيها
بس حلو واقتنعت فيه لان حرام ارمي ٨٠ ريال على مزيل مايكمل حتى شهر الا هو مخلص
البودرة البرونزيه باهاما ماما من ذا بالم>>حلو اسمها
استخدمها للكونتور فقط ماقد جربتها لكامل الوجه
مرررره ممتاااازه للكونتور انصح فيها درجتها حلوه لاغامقه ولا فاتحه وثباته جيد برضو
برايمر للعين من بينفت
حبيت فيه انه يفتح لون الجفن فابالتالي يصير لون الشدو اوضح
ثاني احسن برايمر للعين استخدمته بعد تبع اربن ديكي وشكله راح يغلب حق اربن ديكي
الفونديشون الجميل هذا
استيلودر دابل وير
اثبت واثقل فونديشون استخدمته لين اليوم
عيبه انه يكتم الوجه انا طلعت لي كم حبه بعده بس كاتغطيه وثبات ممتاز
حلو للمناسبات مايصلح لدائما يتعب البشره
وبس هذي كانت مفضلاتي للفترة اللي فاتت
حلوة مفضلاتك ماشاء الله
ردحذفتسلمين ❤
حذفياجمااااالك, كل منتج أحلى من الثاني قاعدة أتفرج وأقول بأشتري هذا وبعد هذا لا لا وهذا بعد لازم ههههههههههههههه
ردحذفكونسيلر ميبيلين هو و روج ريفلون الاسبوع اللي فات كنت طلب من موقع drugstore.com
كل شوي هالاثنين احطهم بالسلة ثمن اشيلهم وعلى هالحال, ندمت اني ماشريتهم :"(
نورة شوفي الموقع هذا حلو مره ومافيه ضرايب drugstore.com و beauty.com
ناسية إذا كنت قلتلك قبل عنهم او لا ^^
ربي يسسعدلك قلبي ع هيك تدوينة, عبيت لستتي ❤
وجمال كلامك ياختي
حذفههههههه اشتريهم كلهم حلوين :p
روج ريفلون فاتك نص عمرك من جد لازم لازم تشترينه
الكونسيلر حلو بعض بس مو مثل الروج :D
الدرق ستور قد طلبت منه قبل فتره حلوين والله
اما بيوتي ماجربته بس بسالك تعرفين وش معنى ان الموقع يشحن لسعوديه علی طول
يعني افتح حساب في البريد السعودي والا وشو؟؟
الله يسعد قليبك حبيبتي منوره ^^
حبيت مفضلاتك
ردحذفانا عندي من ليب بالم من ريفلون ونفس حالتك لمن احطه ع شفايفي احس بحراره زي حراره حلاوه النعناع ابولو xD حتى الطعم نفس طعم الحلاوه xD <<احساس عبيط -_- XP
وكونسيلر ميبلين اول مااشتريه جاني نفس احساسك ماحبيته حسيت يثقل الفاونديشن -_- تركته وشريت كونسيلر ثاني بس بعدين رجعت له :( كنت ظالمته وماعرفت استخدمه
وبس يعطيك العافيه =*
حلوين هالمجموعة من ريفلون من هاللون هو افضلهم بالنسبه لي
حذفالله يعافيك هموسه منوره ياختي ^^