11‏/09‏/2014

Review Vitamin E Body Treatment Scrub ❤❤


                                                        السلام عليكم ورحمة الله وبركاته 
اليوم ريفيو سريع عن هذا السكراب الفخم
من جو مالون لندن 

عجيب جدا هالسكراب 
ينظف ويقشر من قلب وترطيبه عالي عالي عالي
حتى اني مااحتاج ارطب بعده 

ريحته ممكن تكون مزعجه للبعض لانها قويه 
حاولت اوصف الريحه بس ماعرف وش تشبه له هالريحه
مدري وشلون غريبه شوي
انا متقبله ريحته 
اللي بتشتريه تشمه قبل عشان ماتتورط

يحتوي على فايتمين شي ومضادات للاكسدة




العلبه حقته كبيره اتوقع تكفي لست شهور قدام
وشكل العلبه فخم وعملي 

طريقتي في استخدامه احطه على كامل الجسم وهو جاف بعدين اخليه ٥ دقايق او على حسب
وبعدها اغسله 
بعدها يعطي نعومه وترطيب مو طبيعيه 
يجلس الجسم يومين تقريبا محافظ على النعومه 
وريحته تجلس في الملابس لما تغسلينها 

طبعا مو هذي اول مره اجربه هذي ثاني مدري ثالث علبه اخلصها منه 
عيبه الوحيد انه غالي ٥٠٠ ريال تقريبا 

بس والله يستاهل 

اللي قد جربته تكتب رايها فيه 
واللي ماقد جربته تجربه وتعلمنا



هناك 11 تعليقًا :

  1. هلا نوره ،
    ماشاء الله هو شكله بروحه حكايه ، انيق وفخم
    ماجربت اشتري شي من هالمحل ، حتى العطور ادخل واشم واحوس واطلع
    روايحهم حلوه بس من كثر اللي اشمه مااعرف وش اخذ ،

    بس حمستيني على المقشر وشكله بطل لاني اثق برايك ، وسعره غالي بس دام انه ممتاز
    حلال فيه ،

    يعطيك الف عافيه يالزين

    ردحذف
    الردود
    1. اهلين حنان
      احب هالمحل عطوره حلوه خصوصا اللي يجيبونها فتره وتنقطع تصير مميزه من جد

      مره يجنن المقشر ابد ماندمت اني اخذته حتي وهو غالي

      الله يعافيه ياعسل نورتي

      حذف
  2. إيششش الجمال هذاا ، اكثر شي شدني فيه قوامه باين عليه انه ثقيل ومو سايل ويحوسك وماتقدرين تتحكمين فيه
    أعجبني لونه الأصفر وحتى العلبة جممميلة ماشاء الله
    جاني فضول أشم ريحته ههههههههه
    مرا شكراً يا قميلة ع الريفيو ^^

    ردحذف
    الردود
    1. ايوه مررره ثقيل كانه زبده
      العفو حبيبتي منوره ياحبي لك

      حذف
  3. غير معرف9/24/2014 1:49 م

    مرحبا

    مدونتك رائعه جدا اعجبتني جدا جدا جدا ماشاء الله تبارك الله

    سؤال لك عزيزتي هل شركة الوولد شيب يقبل فيزا بنك الانماء او لا ؟ لاني قريت برد من ردودك انك تنصحين بفيزا الانماء


    وبالتوفيق لك يارب

    ردحذف
    الردود
    1. مرحيتن ياهلا

      تسلمين من ذوقك والله
      ايوه تقبل وانا استخدمها دائما لما اشحن منهم

      امين ويوفقك ويخليك

      حذف
  4. بعد الريفيو حطيته بقائمة الاشياء اللي لاززم اشتريها
    وخصوصاً انو داخلين عالشتا فحسيته راح يكون المقشر المثالي
    السعر شوي غالي بس على حجمه وشكل العلبه الفخم يستاهل
    اكييييد اكييييد راح اشتريه يعطيك العافيه على الريفيو *.* !

    ردحذف
    الردود
    1. من جد يصلح لشتاء لان الترطيب فيه عاااالي جدا
      لما تجربينه عطينا رايك فيه وان شالله يعجبك :$

      الله يعافيك منوره ^^

      حذف
  5. ياسلاااااااااااام على اللون الحلو كله على بعضه جميل

    ردحذف
  6. وايد يمدحون هالشركة بس عيبهم أسعارهم -.-"
    ربي يعطيج العافية على الموضوع .

    ردحذف