كيفكم يازوار مدونتي الغالين..؟
ان شالله كلكم بخير
المفروض التدوينه هذي أمس بس أمس كنت تعبانه ومااشتهيه أكتب شي
أمس وماأدراك ما أمس
قررت أروح للمحل الياباني اللي أسمه الدايسو
المحل موجود في العثيم مول
المهم أنا من الفهاوه اللي فيني أقراء في النت أنه في العثيم مول ولا ركزت على الحي
العثيم مول طبعا سفر من بيتنا لين له وللمعلوميه هو في واحد في خريص والثاني في الربوه اظن والمحل المنشود في خريص
واحنا رحنا للي بالربوه
العثيم مول للي ماراح له أتعب وانا أقول كبيييييير وأربع أدوار اظن
المهم اننا مترنا السوق تمتير ندور المحل المنشود((متعوب على الكلمة ركزو
ونسأل العمال وين الدايسو كلهم يقلون وشو ذا اول مره نسمع به ومن زود قوة الوجه نقولهم تشتغل هنا ولا تعرف
المهم لقينا واحد قالنا مابعد يفتح أنا جتني صاعقه كيف مافتح وبنات اقلاع يروحون له لامستحيل والمشكله انهم كاتبينه في خريطه السوق مدري هم سوو نسختين لسوقين كلها والا بيفتح بعدين مدري وش السالفه
بعد مادرنا وتعبنا خلاص ولافكره انا ادق عليهم مايردون لقينا رجل امن حتى رجال امن مافيه في ذا السوق سألناه قال مو هنا في خريص
أنا كن كف جا على وجهي المفهي اييييييييه صح((بدري
عاد قررت أروح أدور شوي أشتري شي
شريت لي حلقات من كليرز ومن أكسسوريز ومراية صغنونه من اكسسواريز
ورحت لمكياجي بشتري روج
طبعا أختكم في الله ماتشتري مكياج أبد الا في أول السنه روج واحد عشان المناسبات والكلية بعض الاحيان حسب المزاج
وبما أن هالترم بطبق قلت لازم أخذ روج محترم وخذت لي واحد
المهم طلعنا من السوق وانا موب راضيه ابدا مااستفاد الا أخواني لعبو ووسعو صدورهم وبعد تقابلو معهم قناة المجد
بس امي وعدتني توديني اللي بخريص وشقيت الفيس
طلعنا من السوق ورحنا لبيت جدتي لانا كنا بنروح مطعم مع خالي المصون
أحنا كنا 12 نفر بنات خالاتي وخالي وأمي قالت بروح معكم
بنت خالتي أقلقتنا الا نروح مطعم هندي بما انها تعشق الهنود وقلنا يله هالمره عشانها
وقررنا نروح مطعم انديا ستايل توه جديد في حي صلاح الدين بزن
في السيارة أنواع الفله و الهبال السيارة كبيره مدري وش اسمها عشان تكفي هالامه
وصلنا واخيرا
شكل المطعم من برا
هذا المدخل
هذا الشي يقدمونه أول ماتجي كمقبلات زي الشيبس بطعم السمك او الربيان ومعه الصوص اللي جمبه طعبه حلو
طلبنا أنا موب مره على الهندي يعني احسه نفس أكل البيت مدري وشوله مطعم هندي وسالفه((وش وداك اجل
فاطلبت جمبري مقلي ورز صيني وبيره
الجمبري لونه أحممممر بس مو حار لاني ماابي حار بس طعمه رهييييييييب
والرز الصيني أنا أحبه اصلا وطعمه بعد شي معه قطع دجاج وجمبري
هذا الشي طلبته بنت خالتي بس ماذقته بس طعمه حلو شكله
فخار جواها رز وفوقها زي الخبز بس رهيف بس مدري وشو هو بالضبط يشقونه وياكلون الرز((لاتسألوني وشوله
بعد البلع
هذي لضيافه لما تخلص أكل تاخذ منها حلاو ومناديل معطر وعطر((كنها حركات سعوديين
والله كان يوم رهيب شكرا لخالي العزيز
وتكررها كل ابو كل يوم((ماتلمح أبد
تقييمي للمطعم من ناحية الأكل حلو
والشكل ماتوقعته كذا من برا أحلى بس مو سيء
الخدمه جيده
تقييمي للمطعم من ناحية الأكل حلو
والشكل ماتوقعته كذا من برا أحلى بس مو سيء
الخدمه جيده
وأبشركم رحت اليوم الدايسو المحل المنشود
بس بقولكم وش سويت ووش شريت في التدوينه الجايه
안녕
هههههه غلطتي بالمكان ياعمري عليك :(
ردحذفمتحمسه للتدوينه الجايه بقوووه ...لاتتأخرين ^ـ*
ايه الله يفشل العدو
ردحذفايه بنزلها ان شالله بس المومري الصور عيا يشتغل :(
بحاول فيه لين يزين =)
منوره
ههههههههههههههه
ردحذفماشاءالله :) بس والله كسرتي خاطري لما رحتوا للمول الخطأ XD ضحكت ضحك XD الحمد لله أنه أمك ما قالت لك شئ :)
ننتظر زياراتك لدايسوا على أحر من الجمر
والمطعم شكلوواا روعة
صحى على الاكل :)
ننتظرك التدوينة الجاية
يوووه والله من جد قهر عاد تصدقين
ردحذفان العثيم مول اللي بالاحساء مررره قريب من بيتنا
ويمكن دخلت دايسوا ثلاث مرات في حياتي
الله ونآآآسه المطعم والاكل مره شكلهم طيب
عليكم بالعافية
وننتظر التدوينة الجاية ^^
@MARMAR
ردحذفلاتضحكين ترا بتصرين فاهيه مثلي
ايه اشوا ماقالت شي خخخخخ
الله يعافيك يارب
منوره ياالدوبا
@ẽмan.н
ردحذفلاالعثيم مول عندنا ثنين وكلهم الطريق لهم سفررر
بس كله عشان اليابان يهون((لايكثر
الله يعافيك ايمانو
منوره خيتو =)
رحمتسً تصدقينً :D
ردحذفانـآ مـآ خبري بـ عثيم مول الـآ الي بـ خريصً
توني ادري عن ذآ الي بـ الربوهً ..
مـآ عيلنـآ
المهم استفتدي و شريتي شيً
الحلقـآت مره حلوهً ق1
:
سلميلي على بنت خآلسً ذي الي تحب الهنودً
و شكل المطعم بطـلً ××"
و من برآ ستآيله مره يخققً <3 ق1
يلله بإذن الله اروح لهً
.
و ميرً مـآ قصرتيً =)
و اهم شي رحتي للـ الدآيسسوً
اهنن ضيوفه
ردحذفانا اخبر فيه واحد اللي في الربوه مدري الروابي((ماتفرق
ايه اهم شي الحلقات كنت ابيها اقوى شي
ابشري يوصل بس هي بنت خالتي هع
منوره الحتى يالدوبا =)
هههههههههه يا حرام
ردحذفكويس انك ام سحبتي معك احد في النهايه يطلع مو هذا هو المكان .!
المطعم شكله حلو بس اكله شكله مو حلو ^^
عطينا تقييم للمطعم ^^
اذكر احسن مطعم هندي قد اكلت فيه
مطعم في التحليه (نسيت والله وش اسمه)
كوبر شندي الظاهر او شي مثل كذا
هههههههههههههههه
ردحذفياشين هالحالة تكرهين عمرك ><"
يله اهم شئ غيرتوآ جوًّ^^
أكثر شئ ضحكني يوم تقولون للعاملين :تشتغلون هنـآ ولا تدرون وش المحلآت !!
ههههههههههههه
ردحذفايه من جد ثقه عمياء المشكله احنا الغلطانين
والله كان حلو ذاك اليوم هع