09‏/08‏/2010

اماطة الأذى عن الطريق صدقه ٢


السلام عليكم ورحمة الله وبركاته

هالمره الموضوع مو من عندي الموضوع لأختي كتبته وأرسلته لي على الايميل
وأنا قلتلها بنشره في المدونة قالت معليش
الموضوع يشبه موضوعي اماطة الأذى عن الطريق صدقه
بس بأسلوب مختلف

السلام عليكم

ماراح اتكلم بالموضع بترككم تكتشفونه شوي شوي

ما أدري ايش سبب هالردات الفعل الفضيعه؟
يمكن انا ما امتلك اسلوب اقناع لمثل هالفئة من الناس؟؟


او ما امتلك الصبر على كلامهم وتثير عصبيتي
انا أشوف ان نظرتي للحياة او بالاصح نظرتي للموقف اللي قلته صحيحة مية بالمية خلونا من الجانب الديني قد يكون من حسن الخلق والذوق الاجتماعي واحترام المكان اللي انا ادرس فيه و أعيش فيه نصف يومي..


الموقف اللي ذكرت رأيي ووجهة نظري فيه..ومن عقب على موقفي..
(أيام الاختبارات تزدحم الساحات بالطالبات وخصوصا طالبات المرحلة المتوسطة فهن يغلبن عدداً على طالبات المرحلة الثانوية ...،عند مراجعتي لمادة الفترة الثانية كنت اجلس على إحدى ممرات المدرسة الفسيحة وكان أمامي صندوق كبير تم وضعه من قبل المدرسة لوضع الكتب التي تم الاختبار فيها بدلا من رميها في ساحات المدرسة كانت ثلاث طالبات من المرحلة المتوسطة يقفن امام الصندوق ويمسكن بكتاب ويمزقنه ورقة ورقه!!

لا أعلم بالضبط سبب فعلها قد يكون سببه كرهها لمعلمه المادة او عدم حلها في الاختبار وسبب ذلك قهرا قد يكون وقد يكون قلة تربية وعدم احترام المادة التي يحتويها الكتاب الذي كان كتاب دين؟؟؟ بالفعل كانت قلة ذوق واحترام، عند رؤيتي لتلك الطالبة ناديت بها وسألتها عن سبب فعلتها فلم تجب بل كيف تجيب وهي تعلم يقينا انها خاطئة مية بالمية فقط تركت المكان هي ومن معها وذهبن بعد ان تركن ابتسامه لي


ذكرت هذا الموقف لبعض من قريباتي الأولى منهم اعجبها تصرفي وقالت أنها سوف تفعل مثلي لما تسمح لها الفرصة وتشوف هذا الموقف حيل حلو وكويس وانساني بعد أما
الثانية كانت مراقبة في احد مدارس المتوسط ..كانت ردة فعلها عنيفة بالفعل عنيفة بالنسبة للموقف قالت لي بالنص(ليش أوجع راسي شيلي هذا وحطي هذا ولية ترمين الكتاب ووو)كانت ردة فعلي صدمة اولاً وثانيا قلت لها تتوقعين اني ملزومة بهالشئ؟
وهل تتوقعين لو كنت تعبانة و لا مالي خلقة اني لو شفت احد يسوي هالافعال الا وأتكلم معاه اصلا مو شغلي هالشئ عشان اصير ملزومة فيه؟؟ كانت اسئلة بخاطري كثيرة عن ردة فعلها بس انها ما تركت لي غير  كلمة وهي (اوووه "في" وجاتها فرصة تمدح نفسها)؟؟؟؟؟؟؟؟؟؟؟؟؟؟؟؟؟؟مريض


(قلت موقف ثاني مرة شفت بنت ترمي غطا الهولستن على الارض انا رحت وشلت الغطا ورميتة وتمنيت انها شافتني عشان ماتسويها ثاني وتستحي هلى وجها بس يلة مو المهم انها تشوفني)وايضا ردت فعل قريبتي كانت نفس الشئ  سيئة جدا بعكس قريبتي الثانية. ما بذكر كلماتها لأنني بركز على شئ ثاني أهم من هذا بكثير.




حبايبي..
خلونا ناخذ ان هالأفعال من الأمور اللي أمر فيها الرسول علية السلام
نقول من الذوق الاجتماعي ياناس بالله عليك ماتنبسط اذا شفت احد يشيل اللي وراه او ورا غيرة ويرمية بالزباله(الله يكرمكم)
والله اشياء حلوه وتشرح القلب.. وغير كذا احنا من اسوء لأسوء من ناحية النظافة في الرياض بس وهي العاصمة وشلون لو كانت بالمدارسة او القرى او او ...
واللي يقهر زياده نفس هالفئة من الناس يشوف برا او تروح برا وتجي للسعودية وتقولك(ياااهم نظيفين والله الزران نفسهم يشيلون وصاختهم ولا وياخذون عليك غرامه لو رميت بالشارع
بالله وش ترد عليهم حتى لسانك يسكت ماتدري وش تقول من قوة الوجيه والله لو تبون هالشئ يصير عندنا انتوا نفسكم سووه لا تذكرون شئ عند الغرب و انتو مو مسوينه او مو  اخذوا منهم الزين واتركوا الشين وهذا الشئ انا اشوفه زين ليه ما ناخذه منهم والغريب انهم كفاااار واحنا اهل النظافة والاسلام عندنا جده ثلاث او رابع دولة فيها تلوث!!


والرياض بلحالها شوارع الرئيسية فيها يقالها نظيفة يقااالها بس تعال الحواري والسكك فضيعه وهالشئ يعكس نظافة السكان نفسهم يعني من اللي وصخ بالسكك والحواري؟؟؟اهل البيوت اللي مقابلينهم ...

هذا اكثر شئ حبيت اوضحه و منقهره منه من زمان بس ما سمحت الفرصة اكتب والحين سمحت لنا و ياليت نرتقي شوي شوي بس بالنظافة ماقلنا شيلوا من غيركم شيلوا عقبكم وعساكم تشيلون من غيركم...من جد شئ يقهر ومو حلو ويجلس الواحد يفكر بالله متى بيتطور هالشعب متى بيرتفع بالمستوى الذوقي الاجتماعي واحترام الاماكن العامة اسواق وحمامات(اكرمكم الله)حدائق ......الخ
الله يهدي الجميع ويرتفع عن مستوى الدناءة والتفكير الصغير


تحياتي لكم جميعا واتمنى ان اي احد كان يسوي مثل هالافعال يترك هالشئ ويفكر بالمستوى الديني والذوق والاحترام ومن حميع النواحي.:)


تحياتي المسائية والصباحية لكم وهذي رسااااااله لكم جميعا وياليت تسوون هالشئ
و تطبقونه

"Fayoon"

هناك 10 تعليقات :

  1. السلام عليكم ورحمة الله و بركاته
    سلمت يداكِ و صديقتك و جعله الله في ميزان حسناتكم

    أختي أرى أن المشكلة في الأخلاق و الايمان فالنظافة من الايمان و رسولنا محمد صلّ الله عليه وسلم قال : " أنما بعثت لأتمم مكارم الاخلاق "ركله يعتمد على أخلاق الانسان و تربيته ,,, هل الشي مفروض يترسخ فيهم من الصغر ,,, الله يهديهم جميعاً ,,, الحمد لله أنا مو من هل الفئة و بتنرفز اذا حدا كب شي على الارض ,,, بالنهاية لو كل فرد صحح نفسه حــ تنحل المشكلة


    دمتي بود 3>

    ردحذف
  2. وعليكم السلام ورحمة الله وبركاته
    ربي يسلمك خيتو بس هي أختي ^_^

    صحيح ممكن يكون من التربية بس في هالوقت مو كل شي على التربيه يعني هي كبيره وفاهمه المشكله في التفكير يعني هي جالسه تشقق في الكتاب ياانها تبي تلفت الناس لها او عندها نقص في التفكير

    نورتي خيتو آلاء =)

    ردحذف
  3. أهلن فيكِ أختي نورا
    آسفة على الخطئ ما انتبهت (>_^) ,,, ممكن بس لو كانت متربية من وهي صغيرة ما تصرفت هيك

    ردحذف
  4. هلافيك مره ثانيه
    لاعادي ^_^
    صحيح بس بعض الاحيان اذا شفتي الأم والأب أخلاق وأبنائهم مو مؤديبن ماتقدرين تحطين اللوم على التربيه

    ردحذف
  5. موضوع وايد مهم عافاك ربي يالغاليه

    وسلمت انامل اختك

    والسبب هو المجتمع تشوفينهم يقولون اذا احنا نظفنا

    والناس ماتهتم شنو بنستفيد وعلى هالحاله

    عافاك ربي

    ردحذف
  6. الله يسلمك اختي
    صحيح المجتمع أكبر مخرب لتريبه
    الله يصلح الحال

    نورتي =)

    ردحذف
  7. يعطيك العافيه يا نورا ويعطيها العافيه اختك

    فعلا منظر غير حضاري ولا يمت للحضاره بصله

    لفت انتباهي نقطه ذكرتها واعجبتني
    وهي لما نسافر نقول يالللله بصراحه عندهم نظام في الشوارع ومن سافرت لي رجعت ما سمعت صورت "البوري" وفيهم نظافه عجيبه في الحدائق والشوارع والاماكن العامه

    مدري ليه حنا ما نصير مثلهم.!

    ^
    وتحصلين الي يقول هالكلام هو مستوعب ان الي عندنا غلط
    لكن هو اول من يسوي عكس الي شافه .!

    بالله شلون بنتغير اذا كنا نتكلم بدون ما نطبق.!


    اشكرك ^^

    ردحذف
  8. ياليت نص بنات المملكة زي اختك ماشاء الله عليها لو من زمان صارت مدارسناومدننا أحلى وانظف
    بارك الله فيكم
    تحياتي

    ردحذف
  9. ان شالله يصيرون مثلها =)
    ويبارك فيك

    حياك نورتي

    ردحذف
  10. السلام عليكم ورحمه الله

    موضوع جدا مهم ويعكس صوره سليه للغير
    وفوق في كلام قالوه ما يحتاج اعيده

    انا بس بقول شي يوجه لي اثنين من المجتمع
    1.المواطن:انه يحرص على النظافه وتعليم عيالهم
    (الي يقهني الي يقط الوصخ جنب الزباله ,, ياخي كمل احسانك)

    2.للمسئولين:ويمكن ما توصل بس بقولها
    انهم يساعدونا في انشاء اشياء تفتح النتفس
    اخر شي جبتي طاري الحمامات (وانتو بكرامه)
    من اوصخ ما رايت وحتى لو في مجمع
    لا من مستخدم ولا من منضف وغير الادمر في الماكن العامه
    لو بفلوس ابرك عشان الواحد ياخذ راحته
    اخبر في دول بريال يدخل الحمام الي في الشارع
    واتوقع في في ده كم حمام ^_^

    تقبلي طلتي ,, واشكر اختك ع الرساله الرائعه
    اهنيها عليها واشكرك ع طرحها ^_^

    ردحذف