04‏/10‏/2010

أول يوم تدريب


السلام عليكم ورحمة الله وبركاته
اليوم كان أول يوم لي في التدريب او التطبيق أنا رحت أطبق في بنك طبعا سالفتي سالفه  
لين ضبط وضعي لاني كنت في فرع ونقلوني لفرع ثاني
بس نعمه أنهم نقلوني الفرع الأول مديرته تجيب الهم  
بس هالفرع مرررره حلو أحلى شي الموظفات صغار والمديرة فله تسولف معنا يعني حبوبه مو رافعه خشمها مثل بعض الناس
أول مادخلت كان فيه صيانه عمال رايحين وجايين
بعدين دخلت لمكتب اللي مسؤولة عن تدريبي مره حبوبه بعد
ولما جت عميله علمتي كيف أكتب بياناتها وأحط لها كلمة سر لبطاقتها
والله حلوه الشغله حسيت حلم الطفوله تحقق((لعد تحلمين تكفين
بس البنك فاضي يعني بس جالسن سوالف وقهوه((أمحق
بس على قولة المديرة بس هالفترة لانهم توهم بادين الدوام وماعندهم شغل كثير بعد أسبوع كذا يبداء الجد
أحسن سووه أنهم خففو لي ساعات الدوام أنتو  عارفين دوامات البنوك كيف كررررف
من 9 الى 4 ونص من جد الله يعينهم
عاد المديره قالت لي أداوم من 11 لين 3 بغيت أحب راسها من الوناسة كنت شايله هم
وخلتني أطلع بدري اليوم طلعت 12 ونص
هذا كانت أول يوم لي في التدريب ان شالله تكون باقي الايام حلوه ومافيها قعده لاني مااحب أقعد كذا مالي فايده خصوصا اني مابعد أندمج مره مع الموظفات
شكرا لاستماعكم لبربرتي اللي مالها سنع 

هناك 17 تعليقًا :

  1. الله يوفقك يارب


    انا ان شاء الله بيكون بعد بكره الاربعاء هو اول يوم لي في التدريب

    ردحذف
  2. ويوفقك أنتي بعد
    شكرا خيتو =)

    ردحذف
  3. ههههههه ..حلوه بغيت لحب راسها ^_^
    الف مبروك مكان العمل الجديد ... والله يوفقك بأي مكان >>>> وعقبالي ان شاء الله ارتز في وظيفتن مرموقتن ^^!

    ردحذف
  4. هههههههه ايه والله فكت عني أزمه
    الله يبارك فيك بس موب وظيفه بس تدريب او تطبيق
    آمين الله يرزقك بالوظيفة اللي تتمنينها =)

    ردحذف
  5. آلف مبرووك يآ عسسل ^^

    الله يوفقك يااارب ،، وان شاء الله كل ايامك تكون سعيده

    ردحذف
  6. الله يبارك فيك بس ليش تباركون!!
    مو وظيفه بس تدريب =(

    الله يسعدك يارب
    شكرا لدعواتك

    ردحذف
  7. والله خبر جدا مفرح
    والخره في ما اختاره الله
    والله يوفقك في عملك ويبعدك عن الحرام
    وسهلك عليك كل شي ^_^

    //

    حمستيني اكتب سوالف ^_^

    ردحذف
  8. الله وناااسه بنك ^^

    مشاءالله حلوه ساعات دوامك =)
    وانشالله ماتنكرفين في الايام الجايه ههههه

    موفقه

    ردحذف
  9. ما شاء الله عليك , اتمنى لك التوفيق (F) .

    ردحذف
  10. @ẽмan.н

    ايه والله فله اشبع نوم بعدين اروح لهم
    ياليت أنكرف بدل هالجلسه اللي مالها سنع

    =)

    ردحذف
  11. @|☼◙ Avenger ◙☼|

    آمين يارب وياك ^_^
    شكرا

    ردحذف
  12. مبروك عزيزتي :) ~
    و بالتوفيق ^^ . .

    ردحذف
  13. أمين ويوفقك يارب =)

    ردحذف
  14. :

    الله يوفقك يارب

    ذكرتيني ببنت عمي يوم السبت كان اول يوم تطبيق لها ببنك الراجحي ومبسوطه لانو مديرتها مرحه وحبوبه ..

    الله يوفق الجميع يارب :)

    ردحذف
  15. آمين يارب ويوفقك أنتي وبنت عمك
    شكرا خيتو
    منوره =)

    ردحذف
  16. هههه الحمد لله انهم نقلوك اجل وزين انهم خففو عنك ساعات الدوام @_@
    وناسة يختي شغلك كذا شئ جميل
    <<لاعاد تعبرين تكفين
    ياحبيلك يختي كبرتي وصرتي تطبقين وبعد فترة تشتغلين ^^
    موفقة يارب ^.^

    ردحذف
  17. لاتكبريني توني ام 19 سنه بس هذا اللي يدخل التقنيه يكبر بسرعه
    حلو البنك بس فاضين ماعندنا شغل تعالي افتحي عندنا حساب وش رايك ؟

    ردحذف