25‏/12‏/2018

iHerb haul / مشتريات آيهيرب



السلام عليكم ورحمة الله وبركاته

أشتقت لهنا وللكتابه هنا

اليوم بتكلم عن طلبيتي الأخيرة من آي هيرب 
بصراحه من زمان ماطلبت منهم شي فااحس اني توصيت في هالطلبية 

Heritage Store, Rosewater & Glycerin, Atomizer Mist Sprayer

بخاخ ماء ورد وجليسرين
منعش جدا من كم تجربه حبيته يرطب وينعش البشره
قريت بعض الريفيوز يحطونه بالثلاجه أحس فكره حلوه بس في الصيف مو الحين

||

Acure, Brilliantly Brightening, Facial Scrub

مقشر للوجه
أستخدمته مرتين للآن 
أحسه قوي على البشره ينفع مرتين او ثلاث مرات بالأسبوع
حسيته يشد البشره شوي يعتبر كويس الى الان 

||

Desert Essence, Thoroughly Clean Face Wash, Original

غسول للوجه بالشاي 
حلو ينظف البشره كويس واهم شي ماتحسست منه بشرتي لان مو اي غسول يناسبني
وصلني مفتوح ومنكب منه شوي وتواصلت معاهم ورجعو لي قيمته حبيت فيهم هذا شي وسرعة التجاوب

||

سيروم فايتمين سي
لي فتره ادور على فايتمين سي كويس وحصلت هذا
الريفيوز عليه مره عاليه وهذا اللي حمسني عليه
أستخدمته كم مره الحمدلله ماهيج بشرتي لان مره استخدمت واحد ماقدرت اتحمله يسبب لي حكه وتهيج
بس هذا ممتاز والى الان في قيد التجربه

||

كريم مرطب لليدين بزبدة الشيا والليمون
حبيييييته من اول أستخدام عشقته
يرطب من قلب ويجلس تأثيره على اليد وقت طويل
وأتوقع مع الوقت يفتح اليدين لان فيه ليمون 

||

جل لاينر من شركة ELF
كنت محتاجه أي لاينر ولما شفته سعره مره رخيص وتقييماته حلوه
قلت أشتريه أجرب
صراحه حلو وحبيته بس فرشته مو دقيقه يبيله فرشة اصغر

||

فرشة جافه للجسم 
تستخدم قبل الشاور والجسم ناشف تفركون فيها كامل الجسم
فوائدها تنعم الجلد وتخفف من السلولايت وتشيل الشعر اللي تحت الجلد
جربتها كم مره بس ماقدرت أحكم عليها إلى الان احسها عادية بس بصبر وأعطيها فرصه
لان عليها مدح مو طبيعي

||

مرطب لشفايف
يعالج الجفاف والجروح اللي بالشفايف
حار بصراحه كانه فكس حتى تركيبته تشبه الفكس
ترطيبه حلو لكن مافيه نتائج خرافيه يعني زيه زي اي مرطب
يمكن اللي يعانون من جفاف بيحسون بفرق لكن انا ماعندي مشاكل الحمدلله
بس كان هدفي ترطيب وتفتيح

||

مقشر للجسم واليدين بالباتشولي
طبعا لازم اقولكم اني اعشق اي شي ريحته باتشولي
فيه حبيبات سكر لتقشير 
يقشر ويرطب حتى مااحتجت ارطب بعده
ريحته المقشر حلوه وتقشيره قوي حبيته 

||

كريم مرطب لليدين
الماركه هذي طبيه وموجوده عندنا بالصيدليات
بس فرق السعر في اي هيرب سعرها ٢١ ريال
وعندنا سعره ٧٠ ريال!!

||

مرطب للبشرة طبي
يقال انه البديل الارخص من سيتافيل
بس حسيته اخف من سيتافيل
حبيت انه من كوناته حمض الهيالورونيك
ترطبية حلو أنا استخدمه لوجهي ماجربته للجسم صراحه


ليست هناك تعليقات :

إرسال تعليق